لو انه في سلوم الطيب ماسوى بقلبي خير

[فواز الغسلان]

الا ياكــثر مايـطـري هـوى اللـي ذقت مسـمـاره=لـو انــه فـي سـلـوم الـطـيـب مـاسـوى بـقـلـبي خـير
تـركـنـي سـاهــر(ن) لـيـلـي وهو مرتاح في داره=سهـيـر(ن) لـين اشوف الـفـجـر واسمع داعي التكبير
ودليل اللي يـضـيع بليل نـجـم الـجـدي واقـمـاره=ولا يـنـفــع كـمـيــخ الــراس كـثــر الـشــور والـتـفـكـير
عـروق الجـوف من كـثـر الـوعايـد تـشـتـعل نـاره=سبـايـب كــثــرة اعــذاره مع التـسـويــف والــتـاخـير
انـا راحـت حـيـاتي فـي خـطـوط الـزيـن وديـاره=ولا ادري وش بلى الخفرات بطبوعه تـعكس الـسير
سبايب من قـطـع نـور الـخـفـوق بـفـصـل تـيــاره=الا لاعـدت ياخـشـف(ن) رمـى قـلـبي بوسط البـير
رمى روحي بـوسط الـنـاس عقب القصف منـهاره=وانا اللي كنت احسب اني شجـاعـة عـنـتـره والزير
اذا نـامت عـيـون الـنــاس شـن صويــحـبي غـاره=هـقـيـتـه مـثـل حـرب الـنـاس والـغـالـي حـروبـه غـير
يحارب خافـق(ن) يـشكـي هـواه وقـلـة انـصـاره=يـجــيــنـي طـيــفــهـا الــعـابـر بــلا فــيــزه ولا تـاشــيـر
صـواريـخ الـعـيـون الـلـي تـهـدم الـقـلـب واسواره=ولا لي حـيـلـة(ن) بـاللـي تـفـجـر خـافــقـي تـفـجـيـر
لـهـا خــبـره عــلــى الـهـجــمـات ماتــظــهــر بـراداره=ولا تــقـدر دفـاعـاتــي تـصـيـد الــخـصـم بالـتـصـويـر
ولا ادري كـيـف مانـسـمـع نـسـور الـحـرب لا طاره=واظن الرمش يستـعـمـل بـحـربـي صـنعة الـتـشـفـير
يـصـيـب الــقــلـب لـو طــفــيـت نـار الـبـيـت وانـواره=ولا عــنــدي لـهـذا الــقــصـف لا حــجـه ولا تـبـريـر
وفـانـا ظــاهــر(ن) لـلـي يـعـرف الـــقـلــب واشـعــاره=اذا كان الـحـشى راسب بـدرس الـرسـم والـتـعـبـير
واشـوف الـزيـن مـايــقـبــل شـروح الــحـال واعــذاره=ومـهـمـا قلت يرمـيـنـي بـعـيب الـنـقـص والـتـقـصـير
ابــي كـوفـــي عـــنــان يـشـوف حـــتــى يـرفـــع انــذاره=ويـكـتـب فـي هـجــوم الـريــم قــدام الـبـشر تـقــريـر
وقـال الـريـم لـه فـيـتــو وصـعـب(ن)نـامـن اخــطـاره=وبالـتـصـويت مايـسـمـح لـشـكوى الـحـرب بالتـمرير
ولازم تـنــتــظـــر حـــتــى يــمـــر الـقــصــف بـاطــواره=وعـقـبــه يــدرس الـشـكــوى خـبـيـر الكذب والتزوير
وقـلــت اهـل الـجــرايـــد تـكـتـب الـغـارات بـاخــبــاره=ويـرفـضـهـا مـديـر الـنــشــر والـتـرتـيب والـتـحـريـر
واذا طـالـبـت بالـتـعـويـض لاجــل الـقـصـف واضـراره=رفـض تـعـويـضنا نــايــب ســعـــادة قــايــد الـتـطـويـر
بـغـيـت انـسـى غــرام الـلــي عـلــيــه الــروح مـحـــتــاره=واذا فـكـرت بـالـنـسـيـان زادت حــدة الــتــدمـيــر
يـشـيـب الـراس من ريــم(ن) تـرك لـي بـس تـذكـاره=وذكــرى الــزيـن نـيــرانـه تـزود بـكــثــرة الـتــكــريــر
وصــار الــقــــلــب يـسـتــورد هــمـوم الـنـــاس واكـــداره=واذا فــاض الـحـشـى جـابـت قرار(ن)يمنع الـتصدير
انـا جـيـت الــطـبـيـب الـلــي دفـع لـلــقـــلــب مـنـظــاره=عـقــب مـاطـقـنــي بـرواز فـيـه الـبــنــج والـتــخــديـر
وعـقــب الـفـحــص نـاديـت الـطـبـيــب وقـال مـاصـاره=اصـاب الـجـوف نـيــران الـغــرام ويـلــزمـه تـسـفـــيـر
اشـوف الـضــغـــط بـالــشــريـان مـايـمـشــي بـمـعــبـــاره=ولا يـنـفــع مـعــه درزن لـفــايـف شـاش مـع قـصدير
لأن الـــقـــلـــب فـيــــه آثــار طــلــــقــــة بــنــــدق(ن) ثـــاره=جــروحــه فــي صـمــيـــم الـجـوف مايـنـفـع بـه التطهير
ولا لــه غـــيـــر ريــق الــلـــي خـــدوده تـــقــــل جـــمــاره=عـنـود(ن) ريـقـهــا يـشـفــي جـروح الـقـلـب بالـتـقـطير
وقـلــت الــطــيــر جــاه الـــرزق مـن كــفـــه ومـنـــقـــاره=ولانـي بالحــيـاة اضـعــف بـرزقــي مـن ضـعـيف الـطير
وابــي تــعـــلــن تـنــازلـنــــا عــن الـلــي ذقــت مـنـشــاره=لو انـه فـي دروب الـعـشـق مـاسـوى بـقـلـبــي خــيـر

[حرف وشعر]

الله الله يافواز

أشهد انك مبدع وممتع

تبارك الله نص رائع بحق

تقبل مروري

[عبدالله راشد الثويني]

الراوي والشاعر والمتألق دائماً فواز الغسلان
صح لسانك وعلى شانك أبيات بقمه الإبداع
كعادتك لا تأتي سوى با الجزاله والإتقان
كل الشكر على إتحافنا ، طامعين بكل جديد
وُدي

الشاعر القدير :فواز الغسلان

قصيدة جزله والله لايهينك

وصح لسانك

يشيب الراس من ريم(ن) ترك لي بس تذكاره
وذكرى الزين نيرانه تزود بكثرة التكرير
وصار القلب يستورد هموم الناس واكداره
واذا فاض الحشى جابت قرار(ن)يمنع التصدير


تقبل تحياتي

[مبروك بن ماضي]

الاخ الفاضل الشاعر / فواز الغسلان
لاجديد سوى الابداع الغير مستغرب من اهله.
ولا نملك امامه الا التصفيق بحراره..
تحياتي وتقديري لك ولاهنت

ابن غسلان .....

مهما اقول من كلمات واتفوه بمعان المدح والثناء ’ فلن استطيع ان اعطيك حقيقة الانطباع عن هذه الفاتنه التى في ثناياه الابداع فلله درك ومااارووووعك يالقررررررم جديدك جديد ودائما ننتظره ...

[مبارك أبوظهير]

فواز



صح لسانك وقواك الله



لاهنت



غلااااااااااي



م ن

[سعيد الصاعدي]

الاخ الفاضل / فواز الغسلان
صح لسانك لاهنت
نص شعري قمه
من شاعر جزل جزل جزل
تسلم ويسلم فكرك يالغالي
تحياتي
أخـــــــوك
س / ص

[الطائر المهاجر]

بوح رائع من شاعر رائع
لاهنت ولاهان مغليك
صح لسانك مليون
تحياتي العطره

[الطامي]

الغسلان
مبدع دائما يالغالي
صح السانك واعتلاشانك
رائعة وطيبه
شكرا لك