( تخيلوا اننا كلنا عايشين ببيت واحد )

[فارس القوافي]

السلاااام عليكم

مسلسل يومي من الخيال ( محشات )

فكرة نفحات حساسة

تقديم فاارس القوافي

اخراج داعي الشوق

بسم الله نبدأ


اليوم لما صحيت من النوم واهل البيت كلهم نايمين

نقزت على غرفة العود

لقيته نايم ومتلحف بشرشف والمكيف طافي ويتحكحك من الناموس لان البف باف امس خلصته زهرة اللوتس وهي تطارد ورى الذباب
جيت اصحيه لصلات الجمعة ناديته قال انقلع وش تبغى ابي انام مانمت طول الليل

قلت ترى جبت الب باف قال زين خلني انام قلت طيب

خليته لين غفى شوي واروح اخذ لي منديل واظبطه وصرت احكه في اذنه وهو يتقلب ويحك ويغطي راسه بالشرشف وتطلع ارجوله واحك رجله ويرجع العكس واحك خشمه وشوي صحي قال وش قاعد تسوي قلت اطارد الذباب ويقوم ويشيل المزهرية ويصفقني في جبهتي ويسل الدم وانا اعيط وهو يضحك ويقول تستاهل

وشوي جا دااعي وانا اعيط وقام قال والله شق كبير واليوم جمعة مافيه مستشفى فاتح والحكومي ما يستقبلونا لانا ماعندنا اثباتات

وجت الاخت نفحات ومعها خيط وابرة كانت ترقع ثوب العود اللي انشق امس وحنا نلعب كورة

وامسكيني وخيطي راسي ومن التعب نمت


اللي بعدي يكمل وش صار بعدما نمت

برررررررب نمت خخخخخخخخخخخخخخ

[نفحات حساسة]

وقعت اخرز فيه وبدعت لكم من غرزه السراجه لغرزه السلسله لغرزه رجل الثور قصدي رجل الغراب


ومير ارجفه واقول قم قمام،،،انقلع صل لنادي العود يدبجك

ومن الروعه ماشفت الا غبرته،،ويجي سعود يقول وين التكروني قلت شكله بيخطب فيكم باانواغ الغرز ههههه


واروح للعود اصحيه اصحيه واهو يشخر قوم يالعود،،،ومير يقوم يهاوشني


قلت مالي الا الله ثم فلاح واروح اصحيه قلت له الفزعه ،،قال وانا لتس وانا ولد شركس

ويقوم ويطلق عليه قطيع الضببه الي بزريبته هههههه


الي بعدي يكمل،،،،،،

[فارس القوافي]

واقوم من النوم

واجي وهم لكهم طلعوا من البيت راحوا يصلون وماباقي غير االبنات في البيت صعبة ونفحات وزهرة وعبير وهمسات ونفحة مدري كم باقي المهم كلهنالخوات نايمات

وانا من الوجع اللي براسي ومن خياط التكرونية نفحات وفوق هذا خلت الابرة براسي المجرمة ماطلعتها وقلت طيب اوريكم انا

واروح افك الغاز واتركه ربع ساعة وشوي والا البنات يكحكحون نسيت ان نفحات عندهاا ربو وسويت نفسي مدري عن شي ورحت انسدحت بعدما قفلت الغاز

حت ى صلاة الجمعة فاتتني

< خايف على نفحات تموت خخخخخخخخخخ

[الطائر المهاجر]

خطيرررررررررررررررررين
ثنائي مهم سهلين
استمروا

[نفحات حساسة]

وقمت من الكتمه وانا اصوفك بالجدان والبنات وراي يستنجدن نفحااات النجده ساعدينا====>الله من الهياط الزايد

وقمت اركض وافتح البيبان والشبابيك

الا احصل تكروني بشارع يلقط قواطي بمخططات الحاره

واشر له حيث ان خنافره شفاطات ،،قمت انه يخفف تسرب الغاز الي بالبيت


اثاري فارس يطل من باب غرفته ومايطلع الا خنافره،،قام يأنبه ضميره،،،

قال انا موجود وتنادين التكروني وشيخهم قبالك،،،مهيب الهقوه يانفحاااات


ومير يخنفر بخنافره خنفوره وحده،،،الا من قوتها امتلي البيت غيوم وقامت تبرق وترد


هههههههههههه وماصدقو البنات ماتشوفينهم الا سور البيت رادهم يتزحلقون بالمطر


والعيال ويطالعونهم يقولون العقل نعمه واثاري العود جاي يركض وجايب لستك كفره سيارته وفلاح وراه


واهم الي يتحمسون الباقي ويسبقونهم

ويقومون البنات ويقولون الله من الهبال،،،اثاريكم مع الخيل ياشقراء

ههههههههههههه


كملووووووووو،،،،،

[فارس القوافي]

ههههههههههههههههههههههه

طيب طيب

الله المستعان ياذا الخنفور اللي يشفط ويبرق ويرعد خخخخخخخخخخخ

المهم

باقي الوجع براسي من خياط التكرونية اللي شكّت راسي بالابرة ونسيتهاا براسي

عاد تجمعنا كلنا بالصالة ومير ان العود يهزأ فينا وانتم قلال حيا ماتستحون فضحتونا عند الجيراان صوتكم واصل اخر الشارع وقر قر قر قر ومير اني اضحك واطالع في نفحات واشر لها بيدي واتحلّف فيها وسعود يهز رااسه للعود ويقول ايه صدقت وفلاح يطالع فيني ويضحك ويقول ايه تكفى فيها ورها شغلها

وسناعيس يقول انا معك وياشر براسه

قلت طيب

ومير اني رحت المحطة واااشتري لترين بنزين واجي وانا مخبيه وادخل به البيت

وخليت نفحات لين جلست في الصالة لوحدها والباقين طلعوا الحوش يطاردون الضب المنحاش واقوم واصب البنزين حوالين نفحات سويت عليها دايرة وولعت الا وهي تصرخ وولع شوي من قراعيطها وولعت الصالة ومير اني اصرخ فيهم الحقو الحقو النجدة نفحات انحرقت ماتت ويجوزن يتفازعون ويطفون الحريق وانا حطيت رجلي ومير ان العود جا وراي يطرد ويرميني بالحجار ويقولي وقف ياداشر الكلاب والله لاوريك

ومير ان الذيب سنعوس يجي ويسبق العود ويحط رجله قدامه ويعنقله ويطيح العود وانا فركت

مدري وش صار فالعود

كملووو خخخخخخخخ

[عمر ال شيبي]

يا سلام ههههههههه روعه روعه

[فارس القوافي]

هلا حياكم العود وعمر

شاركونا اطراف الحديث

ترى بنتلحقك في المرات الجاية ياعمر ياويلك

[نفحة الطيب]

هههههههههههههههههههههههههههههه هههههههه

بسم الله عليكم بجد خيالكم واسع

متوحش فارس بسم الله علينا يبيلك حبس بغرفه مليانه فيران

بسم الله عليك خيتي نفحات تعالو يابنات فديتكم نطهر الحرق الي صار بيد اختنا نفحات

الي ترتب شعرها والي تطهر الجرح الي بيدها

والي تلف الشاش معليك خيتي العود بياخذ حقك منه خليهم يمسكونه بس

يحبسونه بغرفه ونحرمه من الاكل السفاح

والله مو هين فارس هههههههههههههههههههههههههه

[سناعيس]

ههههههههههههه
اعجبني اسم المسلسل (محشات)
بنشارك بس المثل يقول اعط الحر فرصه

تحياتي