[ الطلاق]: قصيدة إجتماعية

[مبروك بن ماضي]

لاعوّد الله سـاعة ٍ قـشـرى حـصل فيها طلاق = إبلـيـس بشــروره حضـر فـيها وصار الانفـصال
لو ماحـصـل بـيـن الأبــو والام ألـفه واتـفاق = سـؤال يـتـوجه لهم فالحـال وش ذنـب العـيال
وش ذنـب طفلٍ ينحرم من حضن امـه بالفراق = وش ذنـب طـفـلة ماتجـد أيّـة إجابه لـلـسـؤال
وش ذنب اسره تنهدم ويكون وضع الكل شاق = ويعـيش كل افرادها عقـب الهنا في خـسَّ حال
وش ذنـب زوجـه تـنـصدم ابـواقـٍع مر المذاق = وش ذنـب زوجْ يْعيش في وحده وغربه وارتحال
لاتـنـسوا الفضل الذي مابـيـنـكم رغم الشـقاق = والله سبحانه امـــرْ بـالصـلح واعـطاء لـه مجال
عودوا لـنـبض قـلوبكم وين الـولـه والاشـتـياق = ياشـيـنـها الـفـرقه عقـب ذيـك المـوده والوصال
لو كل من يقدم على هالفعل قبل الـنُطق فاق؟ = ماكان قـاعـات المحـاكم تـشــهد انـواع الجدال
ماكان صدر المجتمع من زود هالحالات ضاق = ارقــام وإحصاءآت تـثـبـت كـبر حجم الاختلال
ونـود نعرف من هـو المـسـئول عن قل الوفاق = هل هو سـبـب كيد النـساء ولاّ عدم صبر الرجال
من ياتـرى يقسي على الآخر وفي عشرته عاق = حتى نفذ صــبر الـشـريك وصـار مـالـه احتـمال
مـتـى تـعـامل كل زوجه زوجها باسلوب راق = متى يكون الــزوج أقــرب في الـتـعامل لـلكمال
متى متى 00نلحظ تقـدم واضـحٍ في هالسـياق = متى تكـون الأسـره أقــرب لـلهدؤ من الانفـعال
متى نسجل في سبيل إسعاد هالجيل إختراق = ونـقــول لـلأزواج والـزوجــات لا لـلإنـفـصال

[الطائر المهاجر]

برافوا عليك يابو فيصل
كتبت فأبدعت
وعالجت مشكلة مهمة بإسلوب راقي
صح لسانك
ولا هان راسك ايها المبدع دوما
تحياتي الطيبة

[ابومياس]

نص جزل من شاعر جزل

يحكي عن حالة اجتماعية مهمه



صح لسانك وبيض الله وجهك


دمت بخير

[سعيد الصاعدي]

الاخ الفاضل / مبروك بن ماضي
صح لسانك لاهنت
نص شعري اجتماعي راقي جداااااااا
خلفه شاعر مبدع
تسلم ويسلم فكرك
تحياتي
أخـــــــــوك
س / ص

[حي الضمير]

شاعرنا الرائع النجم مبروك بن ماضي
صح لساااااانك مدد يامميز
قصيده رائعه وروعتها تشخيصك للداء ووصفك للدواء
وابدعت كعادتك يامميز

[الخنساء]

صح لسانك اخي الشاعر مبروك
لاهان راسك قصيدة رائعه
ترجمت واقع وقضية انتشرت
في مجتمعنا والمجتمعات الاخرى
سلمت وسلم شعرك
دمت بخير

[حوريه]

نص راااقي ... وجميل من شاااعر أاااجاد وافاد


مبروك ... قصيده رااائعه


لا هنتـــ.................... ولا هااااان مغليك

[داعي الشوق]

صح لسانك يالشاعر مبروك

قصيدة رائعه ،

عبارة عن رساله جميله هادفه إجتماعيه إرشاديه ،،

صح لسانك مع التحية لك ،،،

[سناعيس]

شاعرنا الفذ
مبروك بن ماضي
صح لسانك على هذه الاجتماعية الرائعه
وهكذا تكون الرسالة الشعريه
لاهنت وبيض الله وجهك يالجزل

تحياتي

[الأموره]

بـن مآضي ،،

كم رآئعه الحكمه في هذا القصيده

مشكله كبيرة عولجت بمعاني راقيه في قصيدتك

صح لسانك ملايين

سلمت و سلم فكرك

الف شكر لك

دمت برعاية الخالق