|
همس القوافي للشعر النبطي قصائد من إبداع شعراء الفطاحلة لم يمضي عليها اكثر من سنه |
![]() |
|
أدوات الموضوع |
![]() |
رقم المشاركة : 1 | ||
|
لك الله يا الزمان اللي تدوس المسلمين خطاه = يمرّ العام والثاني ونشكي جاير سنينه
قهر في قهر مما تنشر الأخبار او نقراه = مشاهد دوم تتكرر توضح وضع ناسينه تناوشنا بغاث الطير من بومه وحتى حـداه = وإذا طـاح الجمل لا بد ما تكثر سكاكينه بطش فينا المعادي ما يبي قلبٍ يقـول اللـه = يبي الطاغوت يحكم به وجبتٍ من قوانينه شبابٍ كل يوم ينقتل محدٍ سأل معناه= ضمير مات في عصرٍ شربنا المر من شينه فهل من يدفع العدوان عن نفسه ومن بحماه = يعامل مجرم ويقتل ولاحدٍ قال ذا وينه سكتنا عن فلسطين وبدا العادي ومن والاه = بجريمه ثانيه كبرى بعونٍ من موالينه واذا من قاومه حرٍّ يحس الذل في دنياه = فهو لاشك ارهابي ولا يحتاج تخمينه حلالٍ قتل شعب كاملٍ قاومه في احياه = وحرامٍ قتل جنديٍ مجرمٍ أواخذه رهينه غدينا ننتفض كلٍ يبي العادي وكسب رضاه = جسد لو طعن في قلبه فلا تدري شرايينه تبنـى المذهب النكرة صليب ونجمة ويـّاه = جمع حقـد النصارى واليهود بكل تدوينه يقـول بدينكم ارهـاب لازم نبتدي نمحـاه = نعـدّل في أحاديثه وآياتـه وتضمينه ندرسكم حضـاره وارد الإنجيـل والتـوراه = فشعب الضـّاد متكبّر نبي هصره وتليينه لأنه عارفٍ سرّه ويدري قـوّةٍ تحداه = إذا من هـلّل المليـار ما قاوم براكينه تهمنا حقد بالإرهاب وهو من طوره واعطاه = لمن يخدمه في العالم يمدد به جناحينه تهم ما تنتهي حتى بقولة آه وا ويلاه = بغابه ما بها قانون يحمي الحق ويعينـه لقانا ضعف قدّامه ، فرسنـا وداسنـا بحذاه = تنـكّر للحقـوق اللي يطبقها بدواوينه يبي يشرب دم المسلم وعظمه لو قـدر يلحاه = يبي الكعبـه على خيبـر تدنسها كلابينه مثل ما نجس الأقصى ولا أحـدٍ قـادرٍ يحماه = وقتله من بغـى منا وتشريده وتسجينه خذانا للحضيض المرّ من فعله ومن شــرواه = وثبّتنـا على دربه وما يرضي محبينه يعرف انا كما البركان خـامد دون دين الله = من التـاريخ يدري به ولا تجهله حطينه تـرانا ما انتهينـا ثعلب الغـابه ولا تحـراه = ترانا كالنخـل يحيـا ولو حاولت تدفينه وترانا لا ناخانا الـدّين بعنـا العمر به نفــداه = تبي الدنيـا وحنّـا نطلب الجنـة وشارينه تـرانا ما فتحنـا الأرض للعـزه ولا للجـاه = ولكن كي يسود العـدل من غربه إلى صينه ولا حنّـا فتحنـاها بصاروخٍ خطا مرمـاه = فتحنـاها بكلمة حق تعطي الحق وتزينه وحنّـا من عطاك العلم يومك جـاهلٍ معنـاه = قواميسك وراجعهـا وتدري عن براهينه مـدام إن الزمن دوّار عطاك السبق في مثنـاه = لزومٍ يوم يتخلّى ولا تحكـم قوانينه مخططكم ترى واضـح تبيّن للملا مغزاه = تبون الدين مع ثرواتنا ندري ومحرينه ترى التمثيل مكشوفٍ ودربك واضحٍ مسراه = وندري باقتصادك دوننا ينهار في حينه واذا منك خدعت البعض يمشي خايف الإكـراه = ترى كل الشعوب بكرهكم تجمع ومحصينه وحتى من وثق فيكم وغير شئ من مبداه = يعرف إن الغدر من موطنك عرقه وتوطينه بحرق أوراق منتهية تبدلهـا بمن تهــواه = على اتفه عذر في اوراقكم تتهمه وتدينه جنــود الله منصوره وعد من حق ما ننساه = ومهما زاد طغيانك مثل فرعـون بسنينه عباد الله ، جند الله ، هذا الـدين من يحمـاه = ترى الصوره على المكشوف ما تحتاج تلوينه تعـالوا ارجعـوا لله تلاقـون النصر بحمــاه = فمن غيره يحررنا من العادي وبراثينه إذا نرجع إلى ربي بقلبٍ صـادقٍ مسعـاه = نصحّي ضامرٍ قد نام لو ينـوون تكفينـه وترى ما يدري الواحد متى يرحـل إلى مثـوّاه = يلاقي نار أو جنة حسب فعله مدى سنينه ولا يبقى سوى الرحمـن ومن يسجد لغير الله = خسر دنياه وآخرته ولو كثرت مـلايـينه |
||
![]() |
![]() |
رقم المشاركة : 2 | ||
|
يسلم قلبك وفكرك دكتورنا
ونسأل الله ان يعجل بالنصر |
||
![]() |
![]() |
رقم المشاركة : 3 | ||
|
تناوشنا بغاث الطير من بومه وحتـى حـداه |
||
![]() |
![]() |
رقم المشاركة : 4 | ||
|
شكرا لأخي راجي |
||
![]() |
![]() |
رقم المشاركة : 5 | ||
|
|
||
![]() |
![]() |
رقم المشاركة : 6 | ||
|
تناوشنا بغاث الطير من بومه وحتـى حـداه |
||
![]() |
![]() |
رقم المشاركة : 7 | ||
|
صح لسانك وعلا شانك يا الغالي |
||
![]() |
![]() |
رقم المشاركة : 8 | ||
|
ابيات رائعة ومعبره |
||
![]() |
![]() |
رقم المشاركة : 9 | ||
|
الطائر المهاجر صح السانك ،، ،، |
||
![]() |
![]() |
رقم المشاركة : 10 | ||
|
الطائر |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
فسر حلمك بنفسك | الخيالة | المواضيع العامة | 15 | 16-12-2010 06:50 AM |
الحسد الداء الفتاك الذي لم يسلم منه احد ادخلوا شوفوا !!!؟؟ | الخنساء | العقيدة والحياة | 14 | 16-12-2010 06:50 AM |
أحاديث في فضل قراءة القرآن الكريم | أم سارة | العقيدة والحياة | 15 | 16-12-2010 06:50 AM |
الثمار الجنية في أهمية تعلم اللغة العربيه ( رسالة علمية ) | ماجد المهدي | مرآة الأدب العربي | 15 | 16-12-2010 06:50 AM |
حـسان بن ثابت : شاعر الرسول صلى الله عليه وسلم | مازن حجازي | منقول الأدب العربي | 15 | 16-12-2010 06:50 AM |