جمعية البر الفطحليه اقلطواااا لاهنتم

[نجم الإبداع]

السلام عليكم
كل عام وانتم بخير
خلوووووووها جماعيه

ياهل الفطاحل جعلكم بالعافيه يالطيبين = احب شوفتكم وماسلى عن لقاكم ياكرام
شيباننا ناموا واشوف ان البقيه نايمين = نار العرب ماتنطفي حتى ولو مابه حسام

[الطائر المهاجر]

جمعية البر الفطحليه
صار التسول في المحاور مهنة للراغبين = مديون وإلا اسهمك ياصاحبي راحت حطام
وقف على باب المساجد وانتظر للخارجين = يمكن تلاقي واحد يعطيك من بين الآنام
اصرف وهات اللي بقى كودي اسد الداينين= ولو كان باقي منه شي يعطى للاخوان الكرام

هههههههههههههه حلوه يادكتور

لاهنت يابن منشار

دكتورنا نايم وحنا من بعدها صايمين=ممنوع عنا اللعب مانقدر على كثر الكلام
لعلنا فالاخره نصبح من اصحاب اليمين=نسلك طريق الخير مانسلك طريق اهل الحرام

[عبدالله الشويمان]

كريم يا دكتور مدك زاد عن مد اليمين=والزود يخلف عادةٍ نمشي بها حسب النظام
يسلم بن منشار في مبداه جابلنا السمين=وحنا على دربه نبي نمشي تمام في تمام

[الطائر المهاجر]

وحنا على دربه نبي نمشي تمام في تمـام

فلاح راح المسجد اللي عن يساره لا يمين = والمرشدي في مسجد المذن يصلي بالإمام
وانته اظنك لو لحقت المسجد للي في طريق البايعين= ومن جمّع الغله ترى نعطيه سهمه بالتمام

[عبدالله الشويمان]

والله اني ما خبرتك عمدة المتسولين=وللي راحو للمساجد يعبدوا رب الانام
اثرك اثرك هاويٍ للشحاذه كل حين=العويذا من طباعك في ضياء ولا ظلام

[نجم الإبداع]

الي حفر حفره لربعه دوك حاله بالكمين = خسارته واجد واخاف انه فقد عقله وهام
سلمت لي يابن شويمان انت ضد الظالمين=لاشلت ايدك يوم حول الخشم شديت الخطام

[الطائر المهاجر]

انته بديته يا فلاح وكلنا لك تابعين= سميتها جمعية للبر واعطيتك وسام
وشلون تقلب تنتخي بابو بدر والسامعين= ارجع وهات اللي جمعت ولا تساهل بالحرام

[نجم الإبداع]

الي جمعته رحت وديته لدار المعسرين = اما انت ياعثمان مانستامنك مثل الضرام
تاكل من الاسهم وغيرك ماتهنى باللجين= راحت قروش ابليس يكفي راتبي من هالحطام

[الطائر المهاجر]

الصك عندي ولاتحتاج لو احلف يمين= هات الدراهم وخل العود يشبع من ايدام
وماراح لك تلقاه عند رب العالمين = وانا ارتجي جمعيتك للبر واختم بالسلام