((((((((فصيدة جدي ناصر )))))))

[عبدالرحمن القاسم]

احب امسي على الجميع بالخيرااااات

اليوم عندي سالفه ومعها كم بيت ,,,,,وهي جرت على ,,,جدي,,, رفعه الله بالعافيه

الشاعر الكبير ((( ناصر العمير )))

كان في وقت مضى يمكن فبداية الستينات ,, كان له حياله صغيره يقوم عليها في بلدة

( الشعراء ) قرب مدينة الدوادمي

وفي سنه من السنين قرر يؤدي فريضة الحج ,,وماكان في ذاك الوقت طرق معبده

مما يجعل السفر في نوع من المعاناة وقد تستغرق الرحله من (الشعراء الى مكه )

حوالي الخمس ايام الى اسبوع حسب التساهيل ... وفي ذاك الوقت تعرفون مايخلى

الطريق من الوعوره (والتغريز)في الرمالواحيان عطال في السياره او انقطاع بنزين او

ماشابه ذلك ,,,فقام شاعرنا بتوكيل احد الاقارب على امور مزرعته الصغيره وعلى شؤن

ابناءهالصغار,,,,,,,,,,,,

الشاهد ,,, انهم وصلو على خير وادو الفريضه والله العالم ان رحلتهم تستغرق حول

الشهر بما فيها الذهاب والعوده ,,,,,,, وشاعرنا اثناء العوده قعد يتذكر ديرته وعياله

الصغار وخصوصا اكبر عياله,,عبدالله,, ويسمونه عبيد,, كان (مصخن) بقل صح يعني

وقت ذهابه عنهم ,,,,,,, فقال ابيات وفيها يحث ..السواق (غازي) بالسرعه حتى تقر

عينه بعياله وشوف ولده المريض ويتطمن عليه ,,,,

وهذي بعض الابيات والا القصيده اطول من ذلك
,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,, ,,,,

يامل قلب ن تبيح كل مكنونه ,,,,,,, كنه يجره من المعلوق مياحي

ياغازي الليله ادفع في دركسونه,,,درج محاحيلها لين الضحى الضاحي

سيارة بالخطر زينه ومامونه ,,,,,, ادعس على النار وافتح كل مفتاحي

ابي هاك الزرع(وغويش)يرودونه,,,,عسى (عبيد )ابخير وعقبنا صاحي

زلة اضحيه وانا ماشفت واشلونه ,, من طول الايام دمع العين سباحي

لا تحسب ن يوم اغني مدح مزيونه,,,مير اسمعو ياهل الطوله والامداحي
,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,

طبعا القصيده اطول من كذا وقد نشرتها في احد الصحف واتمنى اني ماطولت عليكم
بس حبيت ابين معنى كلمة ( غويش )يعني جمع غوش وهم مجموعة الاطفال ,,,

وللجميع تحياتي

[الطائر المهاجر]

الله يمد في عمره ويلبسه ثوب الصحه والعافيه
لكن وشلون في سياره وياخذ شهر ما تدخل في العقل لو قلت على ناقه
لكن الناقه ما تبي سواق ....
لكن جدك كان قلق على ولده المصخن ، اما جدي عقب الحج لقى له ليفه
عند ماء هكران ، ويوم تعدوه بمسافه ووقفوا عن ماء آخر ، علّم اللي معه انه لقى ليفه فقالوا له اللي معه ، ترى حجك بطل ، ولازم تدور صاحب الليفه ولازم تطرب عليها
فيوم شاف الناس تزاحموا على الماء وقف على هكالرفاعه وصاح بأعلا الصوت
يامن هي له الليفه على اميه هكران= تراي حجاج ولا ابي الحرامي

مشكور ولاهنت
تحياتي

[نفحات حساسة]

تسلم قاسم,,

وصح السان قايلها..والله يطول بعمر جدك

وشكل جدك.. توهق باليفه اجل هههههههههههههههه

تسلمون جميع..

[داعي الشوق]

صح لسان جدك و الله يديم عليه الصحة و العافية

قصة و قصيدة جميلة جدا ،،

القصيدة هذي شوقتنا لغيرها يا أخ عبدالرحمن

فلا تبخل علينا بقصيد جدك و مواقفة

و لاهنت

***************

[بنت العز]

سلمت ولا هنت
يعطيك العافيه

[عبدالرحمن القاسم]

هلا بالدكتور العزيز ’’’’’’
امين الله يشفيه ويشفي كل مسلم ,,,,,,, (( وهو في غيبوبه له اكثر من اربع طعش سنه ,,,,))
اما سالفة الليفه هذي سالفه ههههههههه

وبالنسبه تقول لوهم على ناقه جلسو شهر ,,,,, حول الشهر حولها
حوليها ,,,,,,
طال عمرك اسبوع روحه واسبوع رجعه واسبوع حج ومثلها وحط كم يوم يريحون ,,,
كذا وزعنا الشهر ههههههه


شكرا لمرورك الكريم يالغالي

[عبدالرحمن القاسم]

هلا بك نفحات حساسه

ترى راعي الليفه جد الدكتور هههههههه

اما جدي منشغل مع ولده ,,,عبيد المصخن ,,,

الله لا يهينك على الزياره الكريمه

وتحياتي لك

[عبدالرحمن القاسم]

داعي الشوق ,,,,,,

انشالله ابشرو بالخير المشكله اغلب قصايده ومواقفه ماهي موثقه خصوصا ان مرضه كان فجاه ومالحقنا نسجل اغلبها الا ماحفظ منها القليل ’’’’’


وشاكر لك مرورك الكريم يابعدي

[عبدالرحمن القاسم]

بنت العز ,,,,,,,

دام عزك يابعدي

وشكرا لمرورك الكريم

تحياتي

[عبدالرحمن الصباح]

ابيات رائعه الله يشفي جدك ويعافيه ومنتظرين منك الكثير اخوي تقبل ودي وتقديري