غيابك

[سمّار]

مساء الخير ويلي منك وغيابك شف اش سوّى=انا قد قلت لك لاغبت تنهار اجمد اعصابي
انا والله احبك حب فيني عاش وتْروّى= قسم بالله لك كفّه وكفّه لباقي اصحابي
سكنت القلب ما استأذنت ووحدك فيه تتبوى= عمرته حب ودلّعته ولاجله تكثِر عتابي
عطيته من حنانك شئ رفّع فيه لي غوّى=واقسَم انه اسعد قلب لا همُ ولا اعطابي
غدى آدم بها الدنيا وقلبك بس له حوّا=كأنك انت من جنسه وباقي العالم اغرابي
وفجأه رحت وخليته وعقبك صار يتطوى=تقطّع مثل من مزّقه وحشٌ شرس الانيابي
كأنه كان في هيّه عليها الموت يتلوى=ولاقا من صلاب القوم طعن سيوف وحرابي
وهو كان الشجاع اللي له الاصوات تتدوى=ولبّى الحرب من وقته بليّا رمح ونصابي
انا ياشيخ في ظلما وابي من نورك اتضوى=انا ياشيخ فيني برد ما دفتني احطابي
انا اللي ما قبل قلبي سوى قلبك يجي جوّا=عجزت اقنعه ذا ذنبي تعجّل فيه بحسابي
ولكن عود له لاهنت لاجله فيك يتهوى=شفه مخنوق واتعبني وذا كلّه من اسبابي
زوى نفسه في الهامش ولو ماهو بيتزوى=فديته قلبي اللي بك تولع يالغلا وذابي

[حرف وشعر]

سمار نص جزل وجميل وقافية عذبه تسلم روحك

[عبدالمحسن الرحمه]

سمار ياصباح الشعر والجزله صح السانك وصح كلك طال عمرك

[منيع]

اكثر من رائعة
تسلم ياسمار
ودي وتقديري

[حوريه]

درر تنـساب في سـماء الإبـداع
رائعـه بكـل ماتـحمـل من معـانـي
صـح قلــبـك يا سـمـار
ودام نبـضـك

0
0

[فارس القوافي]

وذابي

الله يكفينا شر الذوبان انا وانت هاليومين هههههههه


صح لسانك يابو هاشم

لاهنت

يعطيك العافية

دمت بخير

[روح الشعر]

صح لسانك

لاهنت
تقبل هدوء مروري

[الطامي]

غدى آدم بها الدنيا وقلبـك بـس لـه حـوّا
كأنك انت من جنسه وباقي العالـم اغرابـي
وفجأه رحت وخليته وعقبك صـار يتطـوى
تقطّع مثل من مزّقه وحشٌ شـرس الانيابـي
كأنه كان في هيّـه عليهـا المـوت يتلـوى
ولاقا من صلاب القوم طعن سيوف وحرابي
،،،،،،،،،،،،،،،،،،،،،،،،،،
سمار
صح السانك ملايين
رائعة جدا
لاهنت اخي

[داعي الشوق]

جزله يا بو هاشم جزله

و مافيك حيلة

وصح لسانك يالشاعر

ولاهنت

[عبدالله الدخيل]

صح لسااانك يا سمار ولا هنت

واقبل
ودي واحترامي