بديع المحيا

ساهر الليل · 17-01-2014, 01:25 AM

هب النسيم وبدر نوره تهيّا=ياحي من نوره يزيح الظلاما
بدرٌ تجلى في سما الوجد ضيّا=غنى له الطير المتيم وحاما
غطا جناحه عقد لولٌ وزيّا=وارتاب من لحنه هديل الحماما
النور نورك يابديع المحيّا=زال الظلام وصار طيفه حطاما
باطوي صحايف غدر الايام طيّا=واغسل جروحي من مزون الغماما
ما كنت اظنك ياوليفي قسيّا= ولاهقيت انك تجيد الخصاما
لديت لك والطرف سلهم وحيّا=وانا مع ربعي رفيع المقاما
ياعل من في ضل كسري تفيّا =يشرب من الكاس الذي عنه صاما
العاذل اللي دوم رايح وجيّا=قوته هماج وتايهٌ بالغراما
والعود الاخضر من غبوقه تريّا= واختال مابين النفل والخزاما
لكن ما يحجب بريق الثريّا= الاتواشيح السحاب الركاما