صديت عني

[الطائر المهاجر]

بعد انقطاع تجاوز الشهرين او اكثر بسبب شغل الفطاحلة
احاول العودة بهذه المتواضعه ، فقط حتى لايجف النبع

صديت عني وعنك انا اليوم صديت= ونشوف من يقوى الهجر بابتعاده
ما اخطيت في حقك ولاني تجنيت= والبادي اظلم دام صد بإراده
وان كان في بالك ابتبعك لا اقفيت= اخطيت في ظنك فلا هيب عاده
فالمقفي اقفي عنه مهما تعنيت= حتى ولو في شوفتي له سعاده
خل الذي شاورت ينفعك لا جيت= تبي المنام ولا بغتك الوساده
تبات هم وغم والفكر تشتيت = وتشوف كل الكون زاد بسواده
صحيح انا احبك وفي حبك اشفيت= واصبحت في قلبي تولى القياده
لكن مدام انك بصدك تماديت = ادوس قلبي لو اعيش بوحاده
ان كان تبغى الحق في حقي اخطيت= فراجع قرارك دام مافيه فاده
وخذها نصيحه كان بالعقل حبيت= من طاوع العذال عاش بنكاده

[حي الضمير]

شاعر العثمانيات الف صح لسانك
ومااروع قصائد الغزل اذا كتبها شايب
تظهر من قلب ولاجديد دائمآ مبدع ياعميد

[سعيد الصاعدي]

الاخ الفاضل / الطائر المهاجر
صح لسانك وعلى شانك
تشرفت بحظوري المبكر
(من طاوع العذال عاش بنكاده)
تسلم يمينك ولا هان راسك يالغالي
سجل اعجابي وتقبل تحياتي

[ابو زياد]

اتشرف بمروري م هنا
استمتعت بما قراءت
صح لسانك ودمت

[نجم الإبداع]

صح لسانك ونبظك المتجدد

لاهنت يابو عبدالله

شكرا لاتحافنا


تقبل مروري
وفائق الاحترام

[داعي الشوق]

صح لسانك يالطائر المهاجر

ولا زال القلب خضر،،

الله يسلمك وصح لسانك

جزله من جزل ،

دمت بخير ،،،

[منيع]

لحرفك جمال وطراوه وشقاوة
واسمح لي اداعبك بمالايعجبك هههههههههه

الله عسى قلب المولع دناميت=ينهيه من دار الشقى والقراده

وخذها نصيحه كان بالعقل حبيت= من طاوع العذال عاش بنكاده
ومن يقبل بعلم وصل دون تثبيت= ما تنفعه لحظة ندم في حصاده

الطائر المهاجر

وابيات الختام تفتح بوابة المعاني بعمق

وتمكن الشاعر وبلاغته في رسم هذا

المشهد العابق بالواقعيه حيث المعاني

تنسكب في دوارق الأبداع-

صح لسانك يالشاعر-ابداع بمكان

وان كان في بالك ابتبعك لا اقفيـت
اخطيت في ظنك فلا هيـب عـاده
فالمقفي اقفي عنه مهمـا تعنيـت
حتى ولو في شوفتي لـه سعـاده


..الله الله هالبيتين عن نص بأكمله لما يحملان من شموخ مهما .
أعترف النازف بمهابة الحب .

ألف صح لسانك أبوعبدالله ..


أحترامي

[الخنساء]

صح لسانك مشرفنا

لاهان راسك قصيدة راائعة

ترجمت جمال المعاني

سلمت وسلم شعرك

دمت بخير