آه من علة

[الطائر المهاجر]

آه من علة في الجوف زادت ولا ظني تطيب = من نصف قرن في حي الضمير ولا درى باطبابها
من زمانٍ شعل ناره علينا وزود في اللهيب = بين ظلم الاعادي وبين منهو تخاذل ماحسب لحسابها

[الطائر المهاجر]

راح وقت السيوف وجت طيور في السماء تشعل لهيب = والعدو متخفي ولا عرفت النار من شبابها
الزمن للعلم والفكر ومن جلس بالجهل لابده كئيب = ينقهر من عدوٍ طال شره على ادناة اسبابها

يا الربع نبي نصلح مثل حركاتكم لكن ما جت معي

وش احسن طريقه لتنسيق الابيات ؟

[الطائر المهاجر]

وراح وقت المواقف دام كلٍ يفكر في النصيب = ووش كنز من كنوز جات من سرقة ونهابها
اللبيب اللي بعقله خايف يلحقه لو بعض المعيب= فالسكوت اشلى في زمانٍ كل كلمة ماتساوي عتابها

[الطائر المهاجر]

ما ذبحني سوى فهمي ومبداي وهذا المصيب = ليتني جاهل بالامر كان اليوم باعلا اعتابها
السحاب اللي تخايل ما صدق لو تشوفنه قريب= الكواكب بعيده والنظر ما يساعد تكشف ابوابها

بالنسبة للتنسيق ، تحط بيم كل شطر وشطر علامة =
ثم تظلل اللي تبيه ينسق
ثم تلاحظ فوق المربع الكبير اللي كتبت فيه مجموعة من الازارير وكل واحد اذا حطيت الفارة يقولك وشهو له
واحد منها مكتوب عليه تنسيق قصيدة شعرية ، اضغطه ، ينفتح لك صفحة بنية ، على يمينك اسفل تختار اذا تبي
الأشطر متداخلة مثلما اسوي أو تبيها فوق بعضها او تبيها بنفس المستوى
وفي السطر اللي فوق تلاحظ مربع صغير فيه رقم 5 ، هذا حجم الخط اذا تبغاه متوسط او تختار 6 اذا تبغاه مبير
وجنبه على اليسار زر ثاني اذا تبغاه غامق او عادي ، ثم جنبه لإختيار اللون فاختر اللون اللي يعجب
وفي النهاية في اسفل الصفحة من يسار "نفذ"
ارجو ان أكون وضحت الطريقة لك ، واعتقد فيه موضوع يا في همس القوافي او في قسم الحاسب عن طريقة التنسيق.
تحياتي الطيبة وتصبح على خير

[نسناس الهوى]

ماشاء الله عليكم ..
لقاء كبار ، بطاروق صعب
صحت السنتكم جميع