ترحيب ودعاء وتمني ،، وليس على الله ببعيد

[الطامي]

هذه القصيده قلتها بعد ان رايت صورة لأحد الاصدقاء المقربين مني كثيرا
وهو في لندن للعلاج من عارض الم به
عسى ان تحوز على رضى الجميع :-

يامرحبا يابو حمد عد ماسار = نو من القبله هبوبه تسوقه
واعدد براق سرى له تسيمار = واعداد غيثه لنهمر من حقوقه
واعداد من شاف القمر يوم يندار = واعداد من شاف الغياب وشروقه
ترحيبة للصاحب الغالي البار = الطيب فيه ومرمسات عموقه
يالله ياعالم بتصريف الاقدار = يالله عساه يعود ويطيب عوقه
ويالله ترده سالم ثم يختار = يبغي المدن او للبراري نسوقه
يازين شوفه لاعتلى سيت فكسار = ويدوِر لغاية هواه معشوقه
وحسه لامنه قال بالصوت وجهار = عبرالندا عندي لاثرها طروقه
وهد اشقر ماهمه الخرب لو نار= يلحق وطلع ومايشبِك سبوقه
الى ارتمح من كف راعيه ثم طار = يرقى هوا لينه يوكد لحوقه
صدنا بطيره والتهاني مع الكار = جاته وتو الطير بل معلوقه
ومن عقب مقيال يعقبه تشيوار = العصر له دوجه بعد راح دوقه
وزان المعشى لارياحٍ ولا غبار = الجو هادي والنشاما محقوقه
بفنجال من كفه يسوقه ويندار = من زين مونتها مهيب محروقه
وتزين سمرتنا على واهج النار = في مشبر شرقه تحده عروقه
وتزين عقب اللي عليكم بعد صار = وتصبح احلام للنشاما مخلوقه

[داعي الشوق]

صح لسانك مليوووووون يا بو محمد

وصف جميل و كامل و مكمل

دعواتنا لصاحبك بالشفاء العاجل ان شالله ،،

و صح لسانك

ولاهنت

[سعيد عوده الحويطي]

صح لسانك يالطامي ونسال الله عز وجل ان. يعود رفيقك بصحة وعافيه وتحقق كل ما تتمناه وهذا حق الصديق على صديقه تقبل تحياتي واحترامي *

[منيع]

الله يردة سالما معافى
وابيات وافية وجزلة
تسلم ياالطامي
تحياتي

[حرف وشعر]

امين وعسى الله ان يشفى جميع مرضى المسلمين

وفيت وكفيت يالطامى وصح الله السانك

[عبدالإله]

صح لسانك
وصح كلك على هذه اللائقة باسمك وعنوان حرفك
حضوراً رآئع لآهنت

[الطائر المهاجر]

صح لسانك واعتلا شانك
وسلم بنانك وفكرك
تحياتي وتقديري

[روح الشعر]

صح لسانك قصيده طيبه من طيب




شفاى الله مرضاكم ومرضى المسلمين

[النداوي]

مبدع وجزل في لمحة ابداعيه راقيه
صح لسانك
ولا هنت
لك اجمل التحيه

[الـزلـزال]

الطامي

نص رائع وجميل
من شاعر متميز ورائع في كل حروفه
أبدعت وأمتعت شاعرنا
دمت ودام لنا حرفك
صح لسانك ملايين ملايين
ولك فائق تحياتي وتقديري