غربة عمر

[عيدالماجد]

مسكين ياللي خانك الوقت والناس=وخلوك وحدك في مدينه غريبه
من حقها لو تختنق فيك الانفاس=معذوره انفاسك حياتك مصيبه
احنا بدنيا كل ضعيف ن بها انداس=ماينفعه صدق النوايا وطيبه
احنا بزمان ن ماصفا فيه جلاس=ناس ن كذوبه والصدوقي تعيبه
ياصاحبي اصبر ولاتوطي الراس=مهما غزت نفسك ليالي عصيبه
خلك كما موج البحر عالي الباس=ومايصيب ذا الانسان الا نصيبه
دنيا بها تحيا ترى اجناس واجناس=منهم كريم ن ميتندم طليبه
ومنهم حقود ن معدنه خبث وانجاس=مهماكبر سنه وبين مشيبه
هذي هي الدنيا بها حزن واعراس=ناس تعيش بعز وناس كئيبه
وناس ن تذوق الذل كاس بعد كاس = وتصبر على مر الزمان ونحيبه
فيهم كرم غطى على باقي الناس=وفيهم شهامه بالظروف الصعيبه
وفيهم رجوله وخافق ن حر حساس = وافعالهم وقت الشدايد عجيبه
وصلاة ربي عد ماهب نسناس=واعداد اطلوع الهلال ومغيبه
وصلوا على سيد البشر هادي الناس = مرسول ربي مصطفاه وحبيبه

مع اطيب تحياتي للجميع متمنيا ان تعجبكم هذه القصيده وعذرا على التقصير وطول الغياب اخوكم عيد الماجد

صح لسانك ولا هنت يالشاعر

لك من ارق تحيّه

اخوك ,, فـ,ـهـ,ـد

[الأموره]

المآجد

صح لسانك ملايين يخوي

الف شكر لك

دمت برعاية الخالق

[راجي الحاج]

اللهم صلي على سيدنا محمد

صح لسانك اخوي عيد

جزله من راس جزل

تحياتي

[عبدالله راشد الثويني]

خلـك كمـا مـوج البحـر عالـي البـاس=ومايـصـيـب ذا الانـســان الا نصـيـبـه


الله عليـك
مُبدع يا الغالــي

صح لســانك وعـلى شـانك ، كلمات رائعه

كـل الشكـر طامعيـن بجديدك

تقبل وُدي

[ابومياس]

عيد الماجد

نص حكيم

يزخر بمعاني جميلة

صح لسانك وبيض الله وجهك

دمت بخير

[سناعيس]

عيد الماجد
صح لسانك والله لايهينك
على هذه الرائعه

تحياتي

[عيدالماجد]

الف تحيه وشكر لكم جميعا اخواني واخواتي ونعدكم بالجديد الاجمل ان شاء الله

[يوسف بن صالح]

عيد الماجد

صح لسانك ولاهنت

جزلة من راس جزل


لاعدمنا حضورك الكريم

[بنت القصيد]

اللهم صلي وسلم عليه
بيض الله وجهك يالنشي
ابيات رائعه

صح لساانك
تحياتي
اختك القاسميه ...