’,’, يافديـــت عـــروق قلبـــــه ,’,’,’

السلام عليكم ورحمة الله وبركاته ..

كتبت هالقصيده اللي بحق يستحقها صاحبها ...

اتمنى ان تحوز على رضاكم جميعاً ..

وهي ثاني قصيده أنزلها بمنتداكم الشامخ ..

,’,’,’,’,’,’,’,’,’,’,’,’,’,’,’ ,’,’,’,


ياقصيدي قم نخيتك ...سطّر أبياتٍ جزيله

علّها توفي جمايل ..صاحب النفس الأبيه

صارم شهم شجاع ..وشيخ من راس القبيلة

ذيب من صلب الذيابة ..شامخ يحمى الحميّة

الكرم طبعه وفنّه ..قرم مايرضى الهزيله

باسمعه وأطيع أمره ..دام انا ماعشت حيّه

ان طلبته أي حاجه ..واجده والا قليله

جابها لي مايخالف ...جابها مثل الهديّه

والله ان ابوي فخري ..مستحيل أوصل جميله

ليتني أقدر أعيضه ..راس مالي ومالديّه

ان بغيتوا صدق والله ..ما رأت عيني مثيله

تاج راسي فدوته ... عمري وماتملك يديّه

مستحيل أوفيه حقه.. لو فعلت المستحيله

ودي أكتب لين ينشف ..حبري ويوقف عليّه

لكن والله ثم والله ..تقولها بنت اصيله

لحفظ البيت وأصونه ..وأصبح البنت الوفيّــه

لبّـا والله ماتعلّــق ..منك ياولـــد الكحيله

استرح ريّح ضميرك ..بنتك ونعم البنيّـــه

,’,’,’,’,’,’,’,’,’,’,’,’,’,’,’ ,’,’,’,



تحيتي لكم / مشاعر حالمه ..

[الطائر المهاجر]

صح لسانك وبيض الله وجهك
على هذا الوفاء لمن يستحق الوفاء
فعلى الأقل انصفتينا ، فالغالبية من البنات
ما تحط قصيد إلا في امها ، وحنا مالنا أهمية
فالله سبحانه وتعالى امر بالوالدين ولم يخص
احد دون الآخر .
كلها طيبة ما اقدر اختار منها
اعجابي وتقديري
مع أطيب تحياتي

[مهدي الحبابي]

أختي مشاعر حالمه

صح لسانك وسلم فكرك واعتلا شانك

قصيده جزله ورايعه بروعة حضورك

الله يخليلك والدك ويطول عمره ويمده بالصحه والعافيه

لك فااائق احترامي وتقديري

[منيع]

استرح ريّح ضميرك ..بنتك ونعم البنيّـــه
-----
والنعم والله بهذه المشاعر الطيبه
وانتي بحق نعم البنيه
بارك الله فيك

مشاعر حالمه


صح لسانك


وبيض الله وجهك

وكثر الله من امثالك

تحيتي وتقديري

مشاعر حالمه

صح لسانك . قصيده رائعه

كل الود والتقدير

[احمد الكثيري]

السلام عليكم
مشاعر حالمه سلمت وصح لسااانك مليون
ولا يكفوون قصيده جميله ورائعه بالحميل منك
قصيده اضاءت المنتدى ارج ان تتحفينا بكل ماهوجديد
لك ودي وتقديري

/

وعليكم .. الـ ســلام ..

/

كـفــووو

/

غاليتي ..


مـشـاعـر ..


كـتـبـتِ ..


فـ .. أبـدعــتِ ...


صـ لسـانـكـ ـح ..


مــدد .. بـ .. لا .. عــدد ..


دمــتِ .. كمـا .. أنــتِ ..


بـ انتظـار .. الـ مـزيـد ..


عزيزتي ..

/

صح لسانك وبيض الله وجهك ...


ماقصرتي ..

تحياتي ..

[الخنساء]

ياقصيدي قم نخيتك ...سطّر أبياتٍ جزيله

علّها توفي جمايل ..صاحب النفس الأبيه

صارم شهم شجاع ..وشيخ من راس القبيلة

ذيب من صلب الذيابة ..شامخ يحمى الحميّة

الكرم طبعه وفنّه ..قرم مايرضى الهزيله

باسمعه وأطيع أمره ..دام انا ماعشت حيّه
صح لسانك غاليتي الشاعر مشاعر
يستاهل كل اب والله يرحمك يابوي كان يستاهلها
مااروع الاب ووجودة في الحياة وما اصعب الفراق
الابدي ومااجمل مشاعرك ايتها البنت الباره
الله يطول عمر ابوك يا نيع الوفاء
سلمت وسلم شعرك الوفي الرائع
تحياتي ومودتي