اليوم ذا غير تهنئه بمناسبة زواج اخوي عذب

[النداويه]

الله يتمم لك بخير على خير=يامنبع للود والعزوالجود
يافزعة المظيوم يامعشي الطير=يامالي جو الفضا برق ورعود
يامورد الشيخه على جمة البير=ماهمك اهل الحكي والنقص والزود
بالمرجله تملك بكار مغاتير=من حسنها وسط المزاين بها الفود
خوتك دايم للرجال المسافير=اللي لهم فالمجد ميثاق وعهود
حطيت في صدرك لهم كل تقدير=ويبادلونك بالوفا صدق ووعود
ولا حسبت حساب كثر المخاسير=فيك الكرم والطيب ماهو بمحدود
ولاشتدت الوقفات لك فزة الزير=سيف صريم فاللقاء يثبت وجود
يعجز لساني عن كثير التعابير=كل الخصال الوافيه قدتها قود
فرحتك هذي فرحة للمناعير=الي لهم عد معك امس مورود
ياخالد ابن محمد اليوم ذا غير=فيه الفرح مايعرف خطام وقيود
نفرح مع الشغموم من دون تأخير=مشاعر جاته مع هبة النود
وان جاتنا الدعوه فلابه معاذير=حق علينا ناصلك شابّ وعود
ماهمنا كثر التعب والمشاوير=والوعد في الدوحه وخطواتنا سنود
مباركين ٍ بعد جتنا التباشير=في وقفة يلحق على شهوده شهود
تستاهلك بنت ٍ ابوها كما النير=اللي على متن الثريا له بدود
الله يتمم لك على خير وتصير=باقي حياتك للفرح مالها حدود

[نجم الإبداع]

صح لسانك يالنداويه ويستاهل عذب

الله يوفقه

لاهنتي

تقبلي مروري

وتقديري

[روح الشعر]

صح لسانك النداويه

[سمّار]

صح لسانك على هذه الدرة الرائعه

ومبارك لاخينا عذب(خالد بن محمد)
اللهم بارك للعريسين وبارك عليهما واجمع بينهما في خير

لاهنتي يالنشمية
الوعد الدوحه..

صح لسانك

ومبرووك للعريس والعروس

ويستاهل ابو محمد الخير

تقبلي مروري

[منيع]

ابيات رائعة
وبارك الله للعريسين
تحياتي

[سناعيس]

بارك الله لهما وبارك عليهما
وصح لسانك يالنداويه
وافيه لمن يستحق الوفاء
لاهنتي


تحياتي

[داعي الشوق]

صح لسانك يالنداويه

مشاعر اخويه في قالب شعري جميل ..

وافيه يالنداويه و يعطيك العافية

مع تهانينا لعذب

وصح لسانك

[عبدالله الشويمان]

صح السانك واعتلا شانك يا النداويه

ابيات جزله لا هنت لا هنت

دمت بخير

[حوريه]

ألف مبرووووك يا النـداويه
وصح قلبك وكـلك
أبدعتي وأمتعتي
لكي ودي

0
0