15-01-2006, 02:38 PM
|
رقم المشاركة : 1 | ||
|
|
بسم الله الرحمن الرحيم صبحكم الله بالخير انتسانم في الليل ومساكم الله بالخير انتسانكم في النهار يعلن ابو وفى وهو في كامل قواه العقليه وبطوعه وارادته وبدون تهديد من احد انه سيفجر المفاجئة التي لن يصدق بها احد وهي وليمه كبيره سيقوم بها ابو وفى ماعنه خفى لكل الاحباب والاصدفاء والجيران واسرة (منتديات الفطالحلة) من مراقبين ومشرفين واعضاء وجيبو عوائلكم معكم الدعوه خربانه قصدي الدعوه عامه الغايب يعلم الحاضر لا احد يتشره ويقول درانا مادرانا ترى العزيمه فيها ساعة مدري من هيله قصدي ساعة صدر مدري ساعة يد مدري ساعة حائط المهم ابي المنتدى يجي كله عن بكرة ابيه واهم شي بكرة ابيه لاتقعد هي اول المدعوات وعلى شان بكرة ابيه قولوا لكل البكرات والقعدان والحواشي وكل من يركض وماشي وماشي ماشي ويعدي وحطها في المرمى (اسف قلبنا على القناة الرياضيه تراني من الحين متولم جايب(ن) الصبابين والصبابات والمغنين والرقا اسف اقصد الجوائز والمشايخ وعلوم رجال فنجال وعلوم هبال مثل ماقال الشاعر مدري منهو لكن غناها الفنان الكبير ابراهيم حسن
ياما حلا الفنجال سكر زباده=في مجلس(ن)مافيه ناس(ن)كثيريـن المهم لايقعد احد لا يتعذر احد مهوب يقول واحدك اباشوف المبارات بمدبك ترقد فوق ذيك الوساده=محد(ن)يقول اصحى والناس ممسين  والا الثاني يقول استحي والايقول معزوم تعال انت واللي عازمك ونسيت اعلمكم موعد العزيمه تعالوا يوم السبت لليلة الأثنين بعد صلاة الجمعه الساعه عشر طعش بعد منتصف الليل قبيل وقت الغروب تزيد قليلا او تنقص قليلا اما المنزل فهو واضح يشوفه الاصقه قصدي الاعمى هو وانت ماسك طريق الملك فهد من جهة الشرق تعرفون طريق الملك فهد وش اتجاهه المهم يجيك منفذ ديراب جنب مستشفى العسكري بالضبط خله لاتمسكه رح سيده اللين يجيك الدائري الشمالي
هبت هبوبن شمال وبردها شيني =ماتدفـي النـار لوحنـا شعلنـا الى مسكت الدائري الشمالي وانت مشرق رح خل الشمس في حجاجك الايسر ياخفيف الدمالين تجيك بندة العليا هذي تراي اتمشى فيها بالقميص يعنني من اهل العليا المهم خل بندة العليا على يسارك وديور مافيها عرض ها الاسبوع امش الين تاصل البطحا امش قدام اللين تجيك مقبرة العود تراهم صكوها يعني ماعاد يقبرون فيها احد صاروا ويدونهم مقبرة المنصوريه حلوه بس بعيده وتضيق صدرك الزحمه اللي عند الكبري المهم امسك شارع حمزه اللي في حي الروضه وادعس الين تجيك بقاله على اليمين لاتشتري منها تراي متهاوش مع راعيها ابو هنود0هذاغير اللي في المستوصف الله ياخذه) اجل يزود على في الدفتراخر الشهر وكرشت مندوبه الى صارت البقاله على يمينك لف معها وطبعا تبي تصير على يسارك امش سيده بيجيك خياط اسمه الاناقه انا خيطت ثوب عنده طلع كم اطول من كم بس خياطته روعه يعني يفصله على جسمك مره بس يطلع الي قدام اقصر من اللي ورى الى تعديت الخياط بيجيك حلاق تركي لاتحلق عنده اجل يخف الشعر 15 ريال ابن اللذينا الله لوه فلبيني المهم اذا جتك المغسله مغسلة الشباب في وجهك لاتوقف وتاخذ من عنده همبرقع قصدي همبرقر تراه مايكثر البطاطس الا بغيت المشاوي الطيبه فعندك راعي البنشر اللي بعده على اليسار في الزاويه عنده بوستد روعه انا اموت في المشويات عشان كذا دايم اكل عنده سندوتش فلافل المهم بيجيك شارع وسيع مره مره مرتين انا وانت صرنا اثنين يعني مهوب ش عشرين لا 00 تقدر تقول انه ش 8م ادعس الين تاكل لك ثلاث مطبات بعد المطب الثاني لف يمين وعد رابع لفه على اليمين لا لا لاوالخيزرانه اسف مهوب رابع لفه ياربيهبغيت اضيعكم وماتدلون لا ارجع شوي ثالث لفه ايوه هذي السكه لا السكة هذي سد دوير ديور ماعليش ايوه لف يسار وامش سيده اللين تشوف سياره ابو احمد على يسارك واضحه مرسدس صفراء اللون موديل كح واعطس معجبته بقوه لا ويقول مرغوبه كلن وده يشتريها (مزعجينه السواريه السياره للبيع المهم اذا ماشفتها ملبقه اصبر لاتمشي تراه مهوب مبطي يمكن ساعة زمان وراجع والا رجع عد بعد المرسدس ثالث لفه يمين بعدها يجيك بيت توه يبنى انا اتوقع انه ناوي يبيع وجارنايقول لا الظاهر والعلم عند الله راح يجي قول (ماعليش فتحنا القناة الرياضيه المهم بعد الفلة اللي تبنى تجيك ارض هذي قد سامها الوالد الله يمسيه بالخير ويرفعه بالعافيه بس ما الله اراد وبيعت بس مدري ليش مايعمرها راعيها بس تصدقون كويس صارت ملابق لنا بس البلديه شالت المظله يالله الحكومه ابخص المهم البيت واضح واجهته شماليه يعني يفتح على الغرب بتلقون الباب مفتوح
يابو وفى خلي الباب مفتـوح =خوف المسير يستحي ماينادي
وبتلقون الانوار والعقود مولعه والباب مفتوح على مصراعيه طبعا هذا بيت جيرانا لاتدخلون حنا البيت اللي بعد بعده تراني انتظركم
انا انتضرك وعجل لاتأخـر =ترى من بعدكم ماطاب نومي الوصف واضح والا احتريكم تحت الكبري عند الاشاره؟ترى الدعوه على ماقال راعي السالفه ============================== |
||
|
|
15-01-2006, 02:48 PM
|
رقم المشاركة : 2 | ||
|
|
ابو وفى فيك من البردعي 2 في الساحات آخر تعديل أم غادة يوم 15-01-2006 في 02:51 PM.
|
||
|
|
|
15-01-2006, 03:17 PM
|
رقم المشاركة : 3 | |||
|
والله اقلاع في الضحى ... البرادعي في حل .. |
|||
|
|
|
15-01-2006, 04:39 PM
|
رقم المشاركة : 4 | |||
|
الوصف واضح والا احتريكم تحت الكبري عند الاشاره؟<==بالحيييل وااضح |
|||
|
|
|
15-01-2006, 05:17 PM
|
رقم المشاركة : 5 | |||
|
من جد أنا كنت في الطريق بس للأسف دخلت في جدار |
|||
|
|
|
16-01-2006, 06:42 PM
|
رقم المشاركة : 6 | |||
|
وعلى شان بكرة ابيه قولوا لكل البكرات والقعدان والحواشي وكل من يركض وماشي |
|||
|
|
|
18-01-2006, 11:56 AM
|
رقم المشاركة : 7 | ||||||||
|
|
ام غاده اقتباس:
مدري على شان اني مشغول بأمور العزيمه لعلتس توضحين انا ما اعرف البردعي الا راعي النوويه ========================== الطائر المهاجر اقتباس:
لاتشره علي وش اسوي هذي الرياض وهذي شوارعها عسى مهوب انا اللي مخط الرياض اقتباس:
========================== الريم اقتباس:
======================== شموخ سدير اقتباس:
حنا الحمدلله احسن من غيرنا ماغير حفريات بس ============================== = ام فيصل اقتباس:
|
||||||||
|
|
|
22-01-2007, 03:57 PM
|
رقم المشاركة : 8 | |||
|
اقول ابو وافي000 |
|||
|
|
|
23-01-2007, 01:52 AM
|
رقم المشاركة : 9 | |||
|
|
اقتباس:
لاخليتس وانا اخوتس عند امتس ابيتس تراهم في مثل هالليله في امس الحاجه لتس >>>> ماتمشي علينا حركاتكم انتي عارفه ان الغنم هاليومين ماينطالن وتبين توفرين على اهلتس بس اللي قدامتس مهوب سهل <<<<امحق تفكير :d |
|||
|
|
|
23-01-2007, 01:58 AM
|
رقم المشاركة : 10 | |||
|
ابو وفى ارجع اكتب زي تسذا ترانا ضايقتن صدورنا |
|||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المفاجئة التي لن يصدق بها احد !!!!!!!!!
