العودة   منتديات الفطاحله > منتديات الشعر النبطي/يمنع الفيديو > رواد الشعر النبطي > رواد الشعر النبطي المعاصر

إضافة رد
 
أدوات الموضوع
قديم 22-09-2007, 11:12 PM   رقم المشاركة : 11
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: مختارات النصافي


اصبر بصبري يامبارك عن اللي= عقبه بدا في صفة الريش خله
تبكي علي ورع اعلومه تسلّي =وانا علي اللي ثار بالحمل كلـه
قلبـي ليـا تذكـر مهلّـي=صاعتنـي الدنيـا بقـوم مهـلـه
ياليت ربي ماخلقه ولدٍ لي= والا ان ذعـذاع الهـوا دايـمٍ لـه






توقيع الطائر المهاجر
 
  رد مع اقتباس
قديم 22-09-2007, 11:20 PM   رقم المشاركة : 12
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: مختارات النصافي


جرت محاورات بين صقر النصافي وعلي أبو ماجد المتوفى في شهر 6 من عام 1383هـ ولكنها لم تطبع ولم تنشر حسب الراويه ابراهيم بن محمد الواصل

أبو ماجد:

مرحبا بالرفيق اللي ينومس كلامه = ليتني جار والا لو من أدنا فريقه
أبو ماجد يحبك يوم هو في تهامه = والموده تجدد والمبادي عتيقه

قال صقر:

ليت علمي وعلمك تلتزم به حمامه = والخبر ما يضب من القلوب الشفيقه
والا أنا مثل عدٍ مستخلٍ مقامه = ما أحرز أطرش وعيني من وجعها عويقه
واستمروا بهذه المحاورة..
ثم حصل بينهما محاورة ثانية والمناسبة كان علي أبو ماجد ساكن في مكة وقال صقر النصافي:

ليه تسكن بالجبل لو تزخرف لك زهيد =غير حج البيت ودك تنزح عن جباه
ليه ما تسكن عنيزه بها خضر الجريد = والتجار وقربهم من تسابيب الغناه

قال علي أبو ماجد وقد ذكر حمص وحماه يقصد أن له بنتاً وولداً فيها صغاراً:

ودي أسكن به وسكاني فيها يوم عيد = لكن المخلوق يمشي بتدبير الإله
كن حاديني عن زيارته مثل الضديد = النخل ما ليش اوقفيت عن حمص وحماه
قال صقر النصافي:

الغشيم اللي تعرض على رجل رشيد = ماشٍ بالدرب عينه مقديته خطاه






توقيع الطائر المهاجر
 
  رد مع اقتباس
قديم 22-09-2007, 11:26 PM   رقم المشاركة : 13
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: مختارات النصافي


وحسب الراوية الواصل اجتمع صقر النصافي وزبن بن عمير العتيبي في ليلةٍ بحضور الشاعر علي البراهيم القري وعبدالله السليمان المزيد بالكويت قال صقر لعلي القري نبيك تشاركنا بالمحاورة قال القري ما أقدر أباريكم ولاني في مستواكم ولزموا عليه قال أنا أباسم لكم والباقي عليكم قال القري:

سلام الله على صقر النصافي هو وأبو غشام = أقوله من هجوس كلها باللعب مرتاحه
أنا ما غير أبا أقرع يا جماعة خير بالدمام = وأبو غشام هو مغلاق هالمعنا ومفتاحه

واستمرت المحاورة بين زبن بن عمير وصقر النصافي الله يرحم الجميع منهم ثم بدأت محاورة ثانية بينهما قال صقر:

اليوم يا زبن خليت الهوى اللي يريده = ناسٍ لوازيمهم وردت وأنا صدر لزومي
منول أطرب وأكيف للملابيس الجديدة = واليوم حالي اسموحيه الي غسلت اهدومي
واستمروا على هذه المحاورة..

وفي ليلة ثانية اجتمعوا بالملعب.. قال صقر النصافي لزبن:

قبل أمس يا زبن يوم انك بسوق الغنم = وشلونها يوم دجت وسجت في سوقها
وشلون بيع الضعيف وكيف بيع الشحم =ترى السلع ما تساوى عند فاروقها

قال زبن:

أعز ما شفت سوق اليوم بيع البهم = والضان خلا كثير الناس طاروقها
الوقت ماهوب وقت اللي تبي تفتهم =قامت تسقط به العربان بحقوقها
واستمروا على هذه المحاورة..

وفي نفس الليلة قال صقر : إنني في سنةٍ من السنوات كنت «مصيوب» قال علي القري وشلون مصيوب قال إنني أحب , قال علي القري : " يشير على عبدالله المزيد "هذا تراه مصيوب , قال المزيد : غير صحيح أنني مصيوب..
قال صقر النصافي:

والله اني عقب جربت في حالي ما ألوم = النفوس الطيبة لو يزيد اهبالها
كد سريت بليلةٍ ما تشاف بها النجوم = مثل ما تهذل بها ذيبةٍ لعيالها

قال عبدالله السليمان المزيد:
المعافا مثل حالي ترى ما له لزوم =ويش لي في هرجةٍ ما اعرف تفصالها

ثم قال أبو محمد إنني سمعت ان فيه أربعة شعراء كبار كل واحد قال بيت من الشعر بالغزل على معنى واحد وهم عبدالله بن سبيل , وبعدالله اللويحان , وسليمان بن شريم , وعبدالرحمن العيسى..
عبدالله بن سبيل قال:

أحبهم والله عليم بما أخفيت =أحب من مضنون عود لصيبه

قال عبدالله اللويحان:
من يوم هوتوه وأنا خاضع له = اخضاعة الشايب على أصغر عياله

قال ابن شريم:
ما له حلي الا مودة عيالي = واصغر عيالي بالغلا كنه اياه

قال عبدالرحمن العيسى:

اسلم وسلم الي جيت الجماعة يا سليمان = سلم على اللي جتين للصغير من عيالي






توقيع الطائر المهاجر
 
  رد مع اقتباس
قديم 22-09-2007, 11:39 PM   رقم المشاركة : 14
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: مختارات النصافي


محاورةالمرحوم الشاعر صقرالنصافي و بين المرحوم الشاعرابراهيم الطويان ومشاركة الشاعرة فاطمه الجديع الشيتان رحمهم الله

محاورةالمرحوم الشاعر صقرالنصافي و بين المرحوم الشاعرابراهيم العبدالمحسن الطويان رحمهما الله
في إحدى الاجتماعات الشاعرية أخبر صقر النصافي ابو مهلي الله يرحمه أن بين المتفرجين شاعر نجدي وكان لايعرفه ولم يسمع به من قبل وجيء بالشاعر المرحوم ابراهيم عبد المحسن الطويان الله يرحمه الى ساحة الملعب بالقوة وكان رحمة الله لايريد ذلك ولكن الحاضرين أجبروه علىذلك0

النصافي

ســـــــلام ســـــــلام يــالــطــيــر الــغـــريـــب =يـقــولــهــا قــلــبـــي ويــبــديــهــا الــلـــســـان

الطويان

بــــك الـبـقـايـا لــلـــي تـســلــم مـــــن الـقــريــب=مــاهـــو مــنـــاوش هـــــرج شــــــوف الــعــيــان

النصافي

نــبـــي نــشـــب الـــنـــار ويـــبـــان الــحــريــ=بنـــــشـــــوف هــــــــــو ذازع والاهـــيـــبــــان

الطويان

الـفــعــل يـظــهــر لاعــــــوى ذيــــــب لـــذيـــب=مـــاقــــدم شــعــبـــان يــلــقـــاء الــرمـــضـــان

النصافي

إن طـــعـــت شـــــــوري هـــــــود يـالـعـضــيــب=عـــــود بــدربـــك طـــــع طـــواريـــق الامــــــان

الطويان

مــنـــك يـاطــيــر شــلـــوى مـــانـــي مـسـتــريــ=بمـيــرخــلــك مـــــــن وســعـــيـــن الــبـــطـــان

النصافي

حـــنــــا خــذيــنـــا الـــعــــز بالله والـنــصــيــ=بأخــــــذ نـــــــاه ذا الـــزمــــان وذاك الـــزمــــان

الطويان
وقـــــت الـكـسـيــرة مـــــا يـطــيــح إلا الـصــويــب=وتـــشـــوف بـالـمــيــدان ضـــــــرب الـجــنــحــان




فتكلمت الشاعرة فاطمه الجديع الشيتان الله يرحمها من بين الحضور وكانت جالسه بجانب صقر النصافي وقالت مخاطبة صقر النصافي وابرهيم الطويان يسمعها:

الشاعرة فاطمه الجديع الشيتان :

هـــــذا يـــاأبـــو مــهــلــي بـأفـعــالــه حــبــيــب=يـســمــع بـــــه الــلـــي مــــــن وراء قــحــطــان

الطويان ردًا علـى الشاعـرة

يـافــاطــري جـنــبــي مــــــع الــبــيــدا خــبــيــب=الــعــقــرب الــصــفــرا اتـــشــــادي الـعــقــرابــات

النصافي
نــبـــي نــخـــض الــمـــاء عــلـــى زود الـشــريــب=أمـــــا يــزيـــن الــشـــرب وإلا الــشـــرب شــــــان

الـــطــــويــــان

والله لــــو لاك شــايـــب لازتـــــك فـــــي الـشـعـيــب=أمـــــــا تــــوالــــي جــــــــرف والالــــيــــان






توقيع الطائر المهاجر
 
  رد مع اقتباس
قديم 22-09-2007, 11:53 PM   رقم المشاركة : 15
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: مختارات النصافي


محاورة له مع سعد بن هتيل الدوسري

قال صقر

عيّنت لي بكرةٍ ما نيّرتها السنين=عساك من عقب هاك الوقت فطنٍ لها
أتلا عهدنا بها يوم ارزمت بالحنين=والناس قالو ترى ابن هتيل شنحٍ لها

فقـال سـعـد

يا صقر هي من سمار الطرش والا لوين=وايضا بعد يا وسيع العرف وش حلّها
ما شفتها جعلها لمدوّرك ما تبين=ما عندنا حل ضيعتها مداجٍ لها


فقال صقر

لله خابر وكل الناس بك خابرين=يوم انت تلعب لها لين اختلف دلّها
الغايه ان حجتي من غاربك يالمسين =ما نيب من حطّها ولانيب من شلّها

فقال سعد

البكره اللي تقول شهودها حاضرين=مانيب ملفاً لها مانيب ملفاً لها
دوّر لها في يسار النزل والا يمين=هيجن لها من شليل النزل هيجن لها

فقال صقر

شيعتها يا سعد شعي الهجين اليدين=غديت فيها وانا امشي كان في ظلّها
يا ليتها من ضليع الثور للروضتين=مرباعها بالحتايف جاز والا اللها

سعد ..

الحايل اللي بها دبدوب وقلادتين=يا اعريب دار اسمحو منها وقارٍلها
حيت انها بكرةٍ مشعاف والحل زين=ترحل مع البدو وتعيّن وليفٍ لها

صقر

يا واهني من يشد احبالها باليدين=ويمسي ويصبح ورى المطلاع راعٍ لها
ويفتل لها قيدها الكمبار ابو ثنوتين=وعقالها وان رحل ميّل على شلّها

سعد

يا صقر انا طالبك لا تعترضها بشين=يا ابو مهلّي ترى مثلك وديعٍ لها
ترى الفتاة الظهيره غدوة الطيبين=الطيّب أهلٍ لها والخايب إفداً لها

صقر

لا والله الا نويت تحوفها ياللعين=يا عارفٍ وسمها وشلون تحتلّها
بيني وبينك هل المعروف والغانمين=وان كان عادك رفيقي بكرتي خلّها

سعد

يا صقر هي لك وانا باخذ بها ركعتين=عند الضحى واطلب اللّه جعلك إتملّها
وانا بأعيّن عوضها من هل القريتين=الديره اللي تربّي مثلها أدلّها






توقيع الطائر المهاجر
 
  رد مع اقتباس
قديم 23-09-2007, 12:07 AM   رقم المشاركة : 16
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: مختارات النصافي


محاورته مع سليمان بن شريم

قال النصافي :

والله اني ما اخلي اللعب ذل وفشيله=دام راسي عليه اليا لمسته عقالـي

فرد ابن شريم :
ياسحابٍ ترزم وارتكب نو سيله=يالله انك تخفف سيلته يوم سالي

قال النصافي :
من بغا يضرب المضماه يملا صميله=لا يحوشه نهارٍ يلمس السعن خالـي

فرد ابن شريم :
كم صبي ٍ تهقوانـا خفسنـا زبيلـه=يصبح الصبح ما عونه من العز خالي






توقيع الطائر المهاجر
 
  رد مع اقتباس
قديم 23-09-2007, 12:44 AM   رقم المشاركة : 17
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: مختارات النصافي


محاوره قصيره بين الشاعر صقر النصافي وشريد ه المعصب ا لله يرحمهما
بداء الشاعر هذه المحاورة القصيرة بسؤال وجهه للشاعر صقر النصافي فأجابه النصافي بذالك انتهت المحاورة وهي نموذج للمحاورة القصيرة التي يتبدى فيها بيت القصيد لدى الشاعرين المتحاورين 0

شريده المعصب

أباسيلك يالنصافي ياصقر يابومهلي= عن رفيجٍ مر عجلٍ هي عجلته ويش هيله
قلتله عندي عشاك وقال لي خله غدلي= وان بغيته لي عشا خله ليله عقب ليه

صقر النصافي
لاتظن الا بخير واترك الشكه تولي =رايحٍ في حاجته والناس كلٍ في سبيله
هقوتنه باقي ذوقه برادٍ في حولي = والبراد الزين من عقب السمايم ينعنيله






توقيع الطائر المهاجر
 
  رد مع اقتباس
قديم 23-09-2007, 10:58 AM   رقم المشاركة : 18
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: مختارات النصافي


اللويحان:

ســــــــــــلام رديــــــــــــه مــــــــــــن خــــــاطــــــري والــــــبـــــــال مــــنــــســـــاح=احــــلـــــى مـــــــــن الـــــــــذوب وأحــــلـــــى مـــــــــن شــهــالــيـــل الـــقـــراحــــي
بـــالـــلـــي لــــفـــــو مــــــــــن بـــعـــيــــد الــــــــــدار مــقــصـــدهـــم لـــــلأربـــــاح=غـــــفــــــران مــــــــــــن والــــــــــــي الأقــــــــــــدار عــــــــــــلام الـــمـــشـــاحـــي

النصافي
يـــامـــرحـــبـــا عــــــــــــد مــــــاهــــــب الـــنـــســـيــــم وعـــــــــــــد مـــــــــــــالاح=بــــــــــرق تـــــزبـــــر مـــــزونـــــه ثــــــــــم مـــــنــــــه الـــــوبــــــل طـــــاحــــــي
بــالــصــاحــب الــــلــــي صــــديــــق لـــــــــي ومــــاشـــــي لـــــــــي بـــالانـــصـــاح=حـــــامـــــي عـــــلـــــى مـــامــــضــــى مـــــاقــــــال ذاك الـــــوقــــــت راحـــــــــــي
اللويحان:
فــيــمــامــضــى لــــــــــي بـــــطـــــاروق الـــــهـــــوى مـــــســـــرح ومـــــــــــرواح=والـــــيــــــوم يـــاصــــقــــر مـــايــــومــــي عـــــلــــــى الـــصــــيــــده جـــنــــاحــــي
مــــاهــــوب صــــيــــدي مــطـــاعـــه مــــيــــر اشــــــــوف الــــوقـــــت شــــحـــــاح=بـــيـــنــــي ومـــــــــــن بــيـــنـــهـــم صـــــدفــــــات مـــــــــــاش ارض بـــيــــاحــــي

النصافي
لاوالله الاشــــــعـــــــرك اســـــــــــــود ووجــــــهـــــــك فـــــــيـــــــه الافــــــــــــــلاح=تـــــبــــــي تـــصــــيــــد الــســـمـــيـــن الــــــيــــــا قـــنـــصـــتـــه بــالــمــضـــاحـــي
مــــيــــر الــــبــــلا الــــلــــي الــــيـــــا مــــنـــــه بــــغـــــى مـلــقــافــهــن طـــــــــاح=مـــثـــلـــي عـــــــــن صــــيـــــد عــــنـــــد الـــبـــيـــت مــصــبـــاحـــي مـــــراحـــــي

اللويحان:
اخــــــــذت انــــــــا وانــــــــت هــــجــــره نــــرتــــوي مــــــــن غــــيــــر مــــيـــــاح=نـــــــشـــــــرب عــــــــــــــدود طـــــــــــــــول مـــاتـــهـــقـــواهـــا الـــــســـــداحـــــي
يــالــيــتــنـــي وانـــــــــــت قـــــــــــدم الـــــمــــــوت حـــيــــثــــه ســـــقــــــم الأرواح=مــــــاصــــــرت انـــــــــــــا بـــالـــحـــجــــاز ومـــســـكـــنــــك دار الـــصـــبـــاحــــي

النصافي
يـــــامـــــا عـــــفـــــى الله خـــذيـــنــــا مــــــــــال مــــــــــلاك وهــــــــــو شـــــــــــاح=نــــجـــــيـــــه وقــــــــــــــت الـــحــــيــــافــــه مــانــصــبـــحـــهـــم صـــــبـــــاحـــــي
والـــبــــعــــد يـــدنــــنــــه الـــعــــيــــرات فـــــــــــي مــــمــــســــى ومــــصــــبــــاح=والــــقـــــرب مــــازيـــــن الــمــبــغـــض ولـــــــــو هــــــــــو كــــــــــان داحــــــــــي






توقيع الطائر المهاجر
 
  رد مع اقتباس
قديم 28-05-2008, 07:31 AM   رقم المشاركة : 19
ابراهيم عبدالحميد
الخريف الحزين/عضو شرف





معلومات إضافية
  النقاط : 10
  الحالة :ابراهيم عبدالحميد غير متواجد حالياً

 

افتراضي رد: مختارات النصافي


الطائر المهاجر

تعريف و افى و دقيق لمختارات راقيه للشاعر / صقرالنصافي
بارك الله فيك أخى للمجهود الرائع

و دمت و سلمت و غنمت







توقيع ابراهيم عبدالحميد
  رد مع اقتباس
قديم 11-02-2009, 12:04 AM   رقم المشاركة : 20
المازن




معلومات إضافية
  النقاط :
  الحالة :

 

افتراضي رد: مختارات النصافي


شكراً على المشاركه
والله يرحم شاعرنا ويسكنه فسيح جناته







توقيع المازن
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مختارات احمد فؤاد نجم الطائر المهاجر منقول الأدب العربي 15 16-12-2010 06:50 AM
مختارات ابي العلاء المعري الطائر المهاجر منقول الأدب العربي 17 15-12-2010 11:58 AM


الساعة الآن 06:47 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة