ونشوفك بالاجازه طيب لاجيتنا راجع

[الطامي]

ابيات بمناسبةسفر اصغر الابناء للدراسه الجامعيه خارج البلاد:-

عسى ربي يعقلك يامسافر ياضنين العين =وعسى ربي يصبرنا ايلين اتجي لنا راجع
امانه يالخطوط اللي مع اللجه تشله فين=الى ديرة هل الخنزير واهل الغي ياسامع
تدارينه الين يحط في ديار البريطانيين=ويجيه اللي يدله مسكنه مايدله الجامع
ياهل مانشستر لفاكم لنا شبل طويل ايمين=مربينه على الطاعه ومديم لربنا خاشع
سليم القلب له طبع لايحب ايهان او يهين=وله نفس من الرديان تشوم ولا هو بطامع
الاياطول ليلي البارحه ماغمضت لي عين =واتجنب شوفته اخاف لاسبب له مواجع
اخاف يشوف له دمع يذرف ياعساه الزين=وهذا طبع الكبار مع اخر العنقود لاوادع
حفظك الله يامن هو يلبيني بعطف ولين=ونشوفك بالاجازه طيب لاجيتنا راجع

[بنت النور]

ان شاء الله يرجع بسلامه ورافع الراس
صح لسانك وعتلى شانك
لاهنت
تقديري واحترامي

[الطائر المهاجر]

الله يوفقه ويرجعه لكم بالسلامه
صح لسانك
ولاهنت
تحياتي

[منيع]

ابيات رائعه ومعبرة
يروح ويرجع لكم بالسلامة وبااعلا الشهادات ان شاء الله
تحياتي لكم

[الطامي]

بنت النور
صح بدنك وتسلمي على التفاعل وعقبال ابنائك
وشكرا لمرورك
لاهنتي

[الطامي]

الطائر
صح بدنك
وشكرا لمرورك وعقبال احفادك وانت طيب وبخير
لاهنت

[الطامي]

منيع
صح بدنك
وشكرا للك على مرورك والتفاعل الطيب
وعقبال من تحب
لاهنت

[داعي الشوق]

الله يوفقه
ويرجعه لكم سالم وغانم
وصح لسانك ابو محمد

ابيات معبرة

[الطامي]

صح يدنك بو سعد
وداعء طيب من غالي اللهم امين
وشكرا لمرورك ولاهنت

[محمد بن عبدالله السلمان]

صح لسانك ياخوي منصور
الله يعلي شأنك
وعساه يرد بعلمه سالم وغانم
ويقر عينكم فيه

الله يحفظكم جميع