خارطة طريق!!

[سلطان العطاوي]

مجرد محاوله .. كيبورديه .. اقبلوها كما هي

عتيم المكان اللي تجره عيون الخوف = زمانه زماني واخر احزانه أحزاني
لو اني ليا مني بغيت انتظر وأشوف = أشوفه بكل أوجوه حاله ويملاني
جريح المكان ولا اعترتني عليه ظروف = لكني جريح وجرحي إغياب خلاني
غريرٍ بلاني بالمحبه وشب الجوف= بنار انتظاره وانتظرته وما جاني
دعيته بصوتٍ فسره واحدٍ ملقوف = وغير معالم نظرته لي وسراني
نشدته بكل احباب قومه يجي ويروف = بحالي وعيا لا يجاوب وعناني
هذا حيلتي واللي تمر الغلا وتطوف = نساها وانا ما أنساه منها وينساني
هذا آنا وقلبي والسبب ناعم السرجوف= ياليته سمعني من لساني وبراني
لكن يا رياح الخوف لا تزرعين الخوف = وشيلي غرامه من خفوقي ووجداني

[الطائر المهاجر]

جزلة من راس جزل وشاعر مبدع
صح لسانك وقلبك
ولا هان راسك يالعطاوي
تحياتي الطيبة

[ام العمده]

سلطان صح لسانك واعتلااا شانك لاهنت على هذه الشامخه هطول رائع ابدعت دمت بخير

[الخنساء]

جريح المكان ولا اعترتني عليه ظروف
لكني جريح وجرحي إغيـاب خلانـي
غريرٍ بلاني بالمحبه وشـب الجـوف
بنار انتظاره وانتظرتـه ومـا جانـي
دعيته بصوتٍ فسـره واحـدٍ ملقـوف
وغير معالـم نظرتـه لـي وسرانـي
نشدته بكل احباب قومه يجي ويـروف
بحالـي وعيـا لا يجـاوب وعنانـي

صح لسانك ولاهنت
ابيات رائعة تترجم روعة المعانى
سلمت ودمت بخير

[مبروك بن ماضي]

الاخ الفاضل الشاعر / سلطان دحيم العطاوي
ما أجمل الوقوف على عتبات كلماتك
صح لسانك .. فقد أستمتعت بكل حروفها
تقبل تحياتي وتقديري
أخوك / بن ماضي

[محمد عبدالله البدراني]

سلطان دحيم العطاوي


سلمه الله


مليون صح السانك ولايكفون


وعلا شانك يالعطاوي


لي عودة تليق ان شاءالله


تحيتي وتقديري

صح صح الساانك يا العطااوي

قصيده راااائعه

من شااعر جزل

سلمت

[حمود السكراني]

سلطان العطاوي صح صح صح لسااااااااااااااااااااااانك

جميلة جميلة ورائعة لله درك يالعطاوي جزلة لاهنت

[عذب القوافي]

وافيه من وافي أخي سلطان

صح لسانك على هذه الرائعة

تقديري ,,,,,

[الطامي]

ياليته سمعني من الساني وبراني
الله عليها هالرائعه
العطاوي
صح السانك ملايين اخي
لاهنت