حنا العرب حنا الذي مايدنون

[نجم الإبداع]

ليت
ولعل
وعسى
آملٌ في زمن الأموات
ولكني سأعيش بخيالي
واحاول ان اصنع حلما
ممزوجا بالأمل
فابحروا معي ولا تمقتوني
فمنظر اشلاء
أطفال بيت حانون
لم تفارقني
عبرة تمزقني
واستغفر الله العظيم

ليت المنادي صاح يابيت حانون =كان اصطفاه اهل القلوب المحانين
ماشوف غير الشجب وافلام كرتون= ياويحنا غَضّ البصرعيب ياعين
اطفالنا يا مجزرة بيت حانون = اغلى من الدنياء دماهم رياحين
الكيل فاض وخابوا الي يهابون = والله لناخذ حقنا ياملاعين
وعد الرسول وفي كتبكم تعرفون= من ظلمكم بات القدر قاب قاوسين
حنا العرب حنا الذي مايدنون = صيحه على صهيون يالابة الدين
ياقادة الأمه على ماتخافون؟ = النصر من رب السماء ونور يٍٍــــس
حرام هذا الذل من سيف صهيون= خافوا من الله لاتهابوا الشياطين
صبراء وشاتيلاء وقانا وحانون = ماحركت نخوه وقتل المساكين
قوموا على العادين يارجال تكفون = توحدوا ولاتسكتوا في الميادين
صوت الجهاد العز لاشك تدرون = اصحوا كفاكم نوم واغدوا شياهين
حتى بنات اليوم صاروا يلالون = ماغارت الخنساء على اصحاب حطين
يابنت صيحي عالذي لك يهذرون= قولي لهم ماحنا عليكم براضين
وقولي حشا مانتم رجاجيل تخسون = ان كان مارديتم الصاع صاعين
ياوجد روحي يالذي ماتغارون= تتاجروا بالزيت والارض بعدين
انتم غثاء للسيل يانسل هارون = يابخت من هو مات! صرنا مهانين
المعتصم لو شافكم صار مجنون= بيع الشرف بالسوق قيمتْه قرشين
سني وشيعي يالذي تاتعزوون = متزاعلين الربع من عهد صفين
يبون خيبر وبالمدينه يحلمون = والله اننا بين الخلايق مفهين
راحت قبايلنا مع الي يغنون = ماعد يصدّوا قاتلات النياشين
لاعد تقل لي ياشبابي وبتمون =ولا انت غندف واعتبرني من الصين
ولا تقل لي لابتي قوم يغزون = مات الوفاء في حكم رايس وبرلين
قل للعرب ان كان باقي يحسون = دارت على العادين والعمر يومين
آخر آمل بعد الذي صوّر الكون = المسجد الآقصى بكى والنساوين
ياكل عالم قولها وانت مأمون = موت الجهاد الذل من عام تسعين
وفوا الآمانه ويلكم لاتخونون = لامن رضيتم ضيمنا بكره جيّيّن
في قرننا الخامس عشر لاتناسون= تاريخ مايرحم وما فيه قولين
صهيون لو صاح المنادي يخافون = هذا السلاح الي فرّق عالم الفين
والمال ماخلد على الارض قارون = بغداد تنخاكم وتنخى فلسطين
انا اشهد ان العيش بالذل ملعون=لكن من يسمع ومن يقضي الدين
هذي رساله من صدى بيت حانون = ياويحنا غَضّ البصر عيب ياعين

[يوسف الشقران]

وقولي حشا مانتم رجاجيل تخسـون
ان كان مارديتـم الصـاع صاعيـن





ولن نحرك ساكن




لا اجد الا ان اقول شكرا


وجزاك الله خير

[الشاعر إنسان]

الله يرفع عن المستضعفين ، ويفرج كربهم ويخلف عليهم بخير ، لا هنت اخوي فلاح وصح لسانك .، ويبقا الحال على ما هو عليه ، حتى نغير ما بأنفسنا .

فلاح بن منشار

صح لسانك

وعلى شانك

وبيض الله وجهك

[ابراهيم السنيدي]

اخوي الغالي الشاعر فلاح بن منشار

صح السانك ولاهنت

قصيده تحمل بين طياتها الكثير

يعطيك الف عافيه

اخوك ابراهيم السنيدي

صح لسانك اخوي فلاح ولاهنت يالجزل

وفعلا تصوير رائع لحالة المستضعفين من اخواننا

بابيات ولا اروع منها

[منيع]

اخي فلاح بن منشار
الحديث ذوشجون
تحياتي وتقديري

[أم ريما]

صح لسااانك


قصيده جميله

الله يعطيك العافيه

تحياتي لك

[انكسارات النخيل]

فلاح بن منشار

لامست الجرح العربي الذي

يأبى ان يندمل

صح نبضك الصارخ الصادق سيدي

كل الود

[ابو زياد]

بيض الله وجهك
متوهج دائمآ يافلاح
صح لسانك