خلووووووووووووها اقرب شاعر هنا

ياسلام الله على اللي يصخر المعنى وقافه = من يجي يلعب واغني له جديدات القوافي
ودنا محراف قبل الليل يقفي بانصرافه = قبل مايبدي عمود الفجر والخافي يشافي

الشجر مثمر واشوف ان الثمر حاين قطافه = ياثمر حاين قطافه جايلك ناوي القطافي
الشعر مثل الحرار اللبيت يبغى له عسافه = كل شاعر ماقدر عسفه يريحنا السنافي

استلم طال عمرك ..

ياهلا بالشاعر اللي يرسم الحرف بلطافه = ركد الجني وجانا يدهر والقلب صافي
من يجي بالليل ساري ينتبه للانعطافه = ليه يمشي في طريقه منسجم والنور طافي

[الطائر المهاجر]

من يطفي النور في دربه يخاف الإنحرافه = وينحدر في جرف ما تمسك فرامله الرهافي
ولو ستر ربك ولو هو شاطر وكله حرافه = يلتقي نفسه وحيد وحوله الجن التفافي

	من تركى للصداره كيف يرضى بالوصافه=نعرفه رجال طيب نعرفه ذيب(ن)سنافي مير يالمشرف وناصر المركد مين شافه=بادع القيفان وينه علموني بالخوافي

الليل استلم يا مركد

	المركد ركد الجن والجنونه ما تخافه=كيف ركدها وجنه لا تهاب ولاتخافي النوايف تعتزي بلي رقى العالي ونافه=ومن يبا الميدان هيا نخرجه يا كود حافي

ياهلا بك ياعبادي .. سو لي عندك اضافه = وان تعادلنا فلا مانع من الوقت الاضافي
ياعبادي .. يامحمد ماعلى الدنيا حسافه = الوفا مني وفيني وانت بالتأكيد وافي

	يا نديم الشاعر ألي سجل القول بحرافه=متقن القيفان سجل فالشعر قول(ن) خرافي جزل قاف وقو معنى لا تصنع لا كلافه=يا محيط الشعر يا ناصر عسى دربك عوافي

لنا لقاء بعد الساعة التاسعة والنصف مساء
مساءكم جميل بإذن الله

الليل يا عيال يالله

ابشر ياعبادي .. جاك الخير ..