لا صرت في ديرة والله معطيها

[الطائر المهاجر]

لا صرت في ديرة والله معطيها = خير كثيرٍ ومليانه حراميه
تصير كالقربة المثقوب دانيها = مهما تعبا تلاقي خرت الميه
يبدا ولي الامر يضغط اهاليها= بحزام ورسوم توجع قاصر فيه
الا الحرامي فلا هو داريٍ فيها = يدفع من السرق لو هو الف بالميه
تبدا الخلايق تعاني من مآسيها= ومع كل هذا الغلا يحرقهم بكيه
احد بيصبر ويرجي الله واليها=يحمي بلدهم ولو عاشوا بدونيه
واحد تشوفه لسان لحال عاديها= درب الشماته طريقه مظهر طيه
واحد بنفس ضعيفه ابليس يغويها= يسلك طريق الفساد بنفس مرضيه
يقبل رشاوى وسرقاته يغطيها= والا يبيع المخدر ممعن بغيه
يتضاعف الصرف في امن بنواحيها =وكنك يابو زيد ما حققت امنيه
ولو والي الأمر فكرفي تداويها = يراجع حسابات للسرقان مرهيه
مواطن كان او وافد لاراضيها = واثرى بعد فقر من سرقات لحظيه
يرجع اللي انسرق ممن عثى فيها= وتلقى الخزينه تفيض بدون قرضيه
تنعم بها الدار مثل ايام ماضيها = ويرتاح فيها الشريف ومن مشى زيه

[منيع]

ونعم من الحرف وراعيه
قلبك على الوطن وأهله
دمت ضميرا حي ودام حرفك الهادف
شكرا لك
تحياتي

[داعي الشوق]

انشهد

و صح لساانك و فكرك

ابدعت في تصوير المعنى يا مبدع

صح لسانك مدد ولاهنت

[الطامي]

ياسلام
صح السانك ملايين
قلت فأبدعت لافض فوك
شكرا لك

[بنت النور]

صح لسانك مليون مايكفون
اتقنت وابدعت لافض فوك
لاهنت
تقديري لسموك

[الراقي]

سلمت وصح السانك
ولا هان راسك

لك ارق التحايا

[الطائر المهاجر]

شكرا منيع
على كريم المرور
تحياتي

[سناعيس]

صح لسانك
تحياتي