عوده الى الشعر الفكاهي معى الفطاحله

[الطامي]

الطائر ،، فلاح ،، فهد المطيري ،، فهد المطلق ثم ؟؟ دخل معهم ابو مياس ببيت واحد لاغير ثم ختمها هاجس نجد ببيت واحد ؟؟؟؟؟؟؟؟؟؟؟؟؟؟
تقابلو جميعا في قصيده فكاهيه كل شاعر لو تفرد ابياته لوحدها اصبحت قصيده متكامله
تابعوها بالمراده وتابعوها مقسمه :-

الحيله اللي تجعل الطير يحتال=حيلة ذكيٍ فاهم وش هو مراده(الطائر)
ياصاحبي هذا معلم للاجيال = عايش وله بالناس فكر انفراده(فلاح)
راح الصلاة وقام في السوق تجوال= ولقى الطماطم بالسعر بازدياده(الطائر)
قفل على نفسه في الدار باقفال= مخدوم ومغرد وهو في بلاده(فلاح)
تعبت رجوله ما لقى السعر ينطال= وشرى بعض ملفوف قرب فساده(الطائر)
وقال اطبخوه وخلوا اللحم لاحوال= لا من لفانا ضيف يهنا بزاده(الطائر)
ورجع يسحّب في كراعينٍ طوال= يعنز على ورعه وهو في جهاده(الطائر)
ورعه شحط لابعير لاثور لا بغال=يشيل ابوه بيد كنه كتاده(الطائر)
يلف له في اليوم كيسه مع اكمال = امن الخبز والجبن يمضغه عاده(الطائر)
ماشاء الله الرحمن لايكون مثقال= طوله تقل مترين او هو زياده(فلاح)
همه ببطنه دام ما يدفع ريال = امعسكر والفرن ماسك شداده(الطائر)
هذا صحن رايح وذا صحن باثقال = وما جاه لفه تقل مكنة جراده(الطائر)
ابرسله يدعو لعله بصومال = يجيه من ياكله فاكله عباده (الطائر)
الهادي الله وانت وش لك بالاموال= دامه بجنبك فافتخر في شداده(فلاح)
دامه معك لارحت والا بالاقبال= فاشكر ولي الملك واكسب زناده(فلاح)
دامه معك لارحت والا بالاقبال= فاشكر ولي الملك واكسب زناده(فلاح)
يكسب اجر في جايع مالقى اسمال= واللحم ما يعرفه منذ الولاده(الطائر)
الله ييسر له مع اصحاب الاعمال=دامه مطيع فلا تنزل مزاده(فلاح)
مابه مطيعٍ هالزمن غير لريال = ولو ماوراك ريال تلقى عناده(الطائر)
خالد مثل خالد تماسيح وجمال = ياويل منهم له ففيهم قراده(الطائر)
رزقه على الله عن طريقك والاجلال=فلولاه ماطبت لك ام النكاده(فلاح)
الطيب اللي من عيالك بلا اشكال= الجن فيهم والشياطين ساده(الطائر)
لاتخذله بالقول فالعقل يغتال = من طيب قولك له يجيه ارتداده(فلاح)
هذا رقم سته والاوسط بسلسال= منهم لقيت الهم اجني حصاده(الطائر)
ادع الولي في تالي الليل بامال= هو يستجيب لدعوتك وانقياده(فلاح)
لو كان في يدي قطعته إلى اوصال=ورميت به في البحر مابي زياده(الطائر)
يوم فضيل والاجر فيه لازال= الله ياجركم بيوم العباده(ابو مياس)
في هالزمن عيالك عدوك والاغلال= فقلل عددهم وش تبي بالزياده(الطائر)
مثل الشعيره تنقضم دون اجلال=مهضومةٍ مذمومةٍ دون فاده(الطائر)
الشاعر اللي قام يغني بالامثال=ليته يحصل بالقصيد استفاده( المطلق)
خلك كما يعقوب في ذكر الانجال= يومه فقد يوسف عمي من بعاده(فلاح)
يامرمم البنيان ما بده اكمال= تصلح لمن كبر بنومه وساده(الطائر)
ماغير يتعّب للفكر دوم والحال=والوقت الاقشر باديٍ بالنكاده(المطلق)
ياعود لاتشعل لنا نار الانكال= خلك على الي مايخيب اعتماده(فلاح)
ليته يريح راسه اليوم ياعيال=ويرجع يعيد الراي يلقى الاجاده(المطلق)
تتعب لغيرك شايل الهم اثقال= وفي الاخره ترحل وتترك قياده(الطائر)
قرشٍ معك دقه ولا تترك ريال= ووسع لصدرك لين تشفي مراده(الطائر)
هذا هو المقسوم مافيك تكتال = تبني لغيرك وانت وارث رشاده(فلاح)
لابد ما نشقى على كل الأحوال= ونريح عيال يبون السعاده(هاجس)

[نجم الإبداع]

شكرا يابو محمد على مجهودك الجبار

وشكر خاص للتقديم الرائع

موصول الشكر لكل من سيمر من هنا

لاعدمناك

[الطامي]

ابو منشار
ربنا يسعدك بالدنيا والأخره
لاهنت
وشكرا على مرورك على محاورتك مع الربع
هههههههههههههههههههههههه

كل الشكر لك أخوي منصور

وصح لسانكم جميع
عساكم عالقوه يارب


دمتم بخير

اقول الله يعطيكم العافية




وياويل اللي يطيح بينكم الله يكفينا شركم


بس ناقصكم صاحب المجهود وتكونون رابع بالوت


الله اني داخل عليك ...


ابو محمد لاهنت على المجهود

صح لسانكم ولا هنتوا

لكم ارق تحيه اساتذتي الكرام

اخوكم ,, فـ,ـهـ,ـد

[راجي الحاج]

يعطيك العافيه يا منصور

وصح لسان شعارنا الافاضل

دمتم جميعا بخير

[الطامي]

الجميع
لاهنتو على المرور والتعليق الجمل
وشكرا لكم

[محمد بن عمار]

	السلام عليكم ههههههههههههه الكاشف والله انك خطير هي على حسب تناغم الشعراء سلمت يمناك يابو محمد ولا هنت محمد بن عما ر

[الذيب الذيب]

قصيدة القطةهههههههههههه جميله صحة السنتكم كلكم