الرجل لا منّه بذل كل مجهود

[الطائر المهاجر]

الرجل لا منّه بذل كل مجهود = مع العيال ولا حصل منه تقصير
وده يشوف الكل مافيه منقود= يفخر بهم عند الرجال المناعير
ما يدري ان الوقت تأثيره بزود = يغيّر طباع اجيال في كل تدبير
يطلع له اللي ما تحراه بحدود = جسم بعقلٍ مثل عقل العصافير
عايش ليومه ماحسب يوم منكود= وما دام معه فلوس عايش بتبذير
من المطاعم يبني كروش ولغود = ودرب المهايط منهجه دون تغيير
يهوى التبطح ما عرف عنه مردود=واخذ القرض واسلاف من دون تقدير
ولا احتاج في لحظه يدور على العود= ومن قبلها ناسيه لو جاه تذكير
ولا قلت له وينك يجاوبك ببرود= مشغول باعمالي ولكني بخير
جيل الذياب اليوم خلف له قرود= وشباب مايع من صنوف المغاتير
مفروض تجنيد يخرّج لنا جنود =وشباب يتحمّل عجاج واعاصير
شباب عقل ودين بالجد معهود = ولا من دعى الداعي تشوفه طوابير

[داعي الشوق]

وافيه وجزله و حكيمة من حكيم

صح لسانك و طاب حالك

ابدعت يامبدع ولاهنت

[الطامي]

الـرجـل لا مـنّـه بــذل كــل مـجـهـود = مـع العيـال ولا حـصـل مـنـه تقصـيـر
وده يـشـوف الـكـل مافـيـه مـنـقـود = يفخـر بـهـم عـنـد الـرجـال المناعـيـر

اي والله ماكذبت
الله يصلح لنا ولكم العطاء والنماء

صح السانك ملايين
جزلة من جزل لافض فوك

[منيع]

اجدت وابدعت
شكرا لك ولحرفك الراقي دائما
تحياتي لكم

[بنت النور]

اصابعك مو زي بعد يادكتور
صح السانك ملايين
لاهنت
جزلة من جزل لافض فوك
تقديري واحترامي

[حرف وشعر]

صح الله السانك رووووعه

[الطائر المهاجر]

شكرا داعي
على كريم المرور
تحياتي