الجمائل والعلوم الطيبه لها رجالها

[الطامي]

القصيده نظمتها بأحد فاعلين الخير المطاليق ،،، تابعو قصته وما فعله مع ابنا عمومته رغم ،، مصيبته ،، وهو👇

*محمد بن فالح بن جروان العاطفي القحطاني*
(*النمر*) لقبه
توفى عليه فالح اكبر عيالة بعد ماصار عليه حادث مع ابناء عمومته في احد مدن المملكة العربية السعودية
قبل اسبوع الله يرحمه
وتوجهو له اهل المرافقين لإبنه في السياره
وعزو عليه واعطوه عوض دية مالية وسياره الا انه ابى ورفضها ،، شيمة منه ورضى بما قدّر الله على ولده وحلف من الدية والسياره ..... وقال اللي مات ولدكم والحيين اخوانا وعيالنا.
وحيث ان اباء المرافقيين هم من معارفنا واصحابنا فقد اردت ان اذكر فعله والثناء عليه من خلال بعض الابيات اللي تبرز فعله وحتى يكون قدوة لغيره ،، مانع العاطفي المذكور لتوصيل القصيده زميل عزيز علي :-


لااله الا الله المعبود خلاَق العباد
جل شانه واحد له التصرف بالأمور

والصلاة على النبي ماهل وبل في حشاد
وعد مالبَو حجيجٍ برجوى ربٍ غفور

عقبها يامانع القرم حيث ان بك سداد
وصل المطلوب للنمر اكفيت الشرور

قصدي ابن جروان محمد راعي الشداد
من لفاه يبلغه مني التعازي بلا حضور

عظَم الله اجركم يالعاطفي بفالح وكاد
واحسن الله العزاء لكل محلفنا بكل دُور

والسموحه لاطلعنا من العزاء لأمر يراد
رايتك بيضا وعلمك طيب ودوم مخبور

العلوم الطيبه تبغي لها رجل سناد
مثل ابن جروان شروى المشبَب مايبور

بيَض الله وجهك الي ينومس يوم ساد
قال ذولا كلهم عيالنا بفخر وسرور

من توفى ذا ولدكم ولا فينا حياد
ومن بقى ايضا ولدنا واخونا ومخبور

وكلنا للاخرعضيد على الضِد البعاد
وكلنا مالية للأخر ولا فينا معثور

ختمها اقبل سلامٍ من المري يعاد
ياللي علومه تجمِّل ويِكتب فيها سطور

منصور المري
٢٠٢٠/٦/١ م

[الطائر المهاجر]

صح لسانك
ولاهنت
وهذي شيم الرجال
وكلش مقدر ومكتوب
الله يرحمه ويصبر اهله
ويجمعهم الله به في جنات النعيم
تحياتي

[منيع]

الله يرحمه برحمته الواسعة
ابيات مؤثرة وجزله
شكرا لكم
تحياتي

[داعي الشوق]

الله يرحمه
ويكفينا وياكم شر الحوادث
وصح لسانك ابو محمد
وفيت وكفيت

[الطامي]

هلا دكتور
صح بدنك
وشكرا لك لمرورك وتعليقك
ولاهنت

[الطامي]

منيع
وشكرا لك لمرورك وتعليقك
ولاهنت

[الطامي]

داعي الشوق
وشكرا لك لمرورك وتعليقك
ولاهنت

[عبدالله الشويمان]

صح لسانك وبيض الله وجهك يا أبو محمد

قلت فابدعت..

لا هنت لا هنت

[بنت النور]

صح لسانك
ولاهنت
وهذي شيم الرجال
وكلش مقدر ومكتوب
الله يرحمه ويصبر اهله

[الطامي]

بنت النور
صح بدنك
وشكرا لمرورك وتعليقك الاجمل
ولاهنتي