كــــــواااااابــيــــــس ,,, مــنــــــ

[شوق]

يطول الغيابـ .. يدفعني شوق لمصافحتكم

للتواصل مع قلوبكم / مشاعركم .. النقيه ..

اقبلوها كما هي :

ومساؤكم ورد ...

,
,

راحت ليال العمر مثل الكوابيس=فيها الحزن غطا عليّه عجاجه
أقضي ثواني ساعتي بالهواجيس=مع وقتي اللي مايوقف ازعاجه
الليل طوّل والمدامع محابيس=والصبح لاجا مايجيب انفراجه
همٍ بصدري ذاب فوق القراطيس=باسباب جرحٍ مستحيلٍ علاجه
يابوي ياكاسب جميع النواميس=ليتك تقوم تلم حال الزجاجه
تفك بنتك من همومٍ متاريس=من بعد موتك ماتهنت بحاجه
زفوا لي همي مثل زف المعاريس=في وقتي اللي قام يعقّد حجاجه
يابوي كم جا من زحول وفواريس=لاشفتهم وضعي يزود انحراجه
آخرهم اللي حاز كل المقاييس=بس الفكر عيّا يخش بمزاجه
في غربةٍ عند الوجيه المعابيس=ماقوى البعد لاصار للراس تاجه
يموت في قرب العيون النواعيس=عنده نهار العيد يوم المواجه
لكن هذا طبع الليال المناحيس=نور الفرح عندي تطفى سراجه

,
,

شوق
,

[الطامي]

شوق
يسعدني ان اكون هنا واول من يرد عليك
صح السانك على هذه الأبيات الرائعه الجزلة
غفر الله لميتك واسكنه فسيح جناته
ووفقك الله لمايحبه ويرضاه
وهكذا الدنيا لكي وعليك ولايعصم منها احد
شكرا لكي

[عبدالله الشويمان]

لكن ه ذا طبع الليال المناحيس
نور الفرح عندي تطفى سراجه

صح السانك يا شوق ..قصيده راقيه وجزله حيل

لا هنت لا هنتي

[محمد عبدالله البدراني]

العزيزه الموقره شوق سلمها الله


اهلا وسهلا بعودتك وبك

الف مليون صح السانك وكان الله في العون


هذه تحياتي
مع اسمى ايات الشكر فائق الاحترام واطيب المنى رعاك الاله

[عبدالعزيز العمار]

الغالية شوق //

صح لسانك وقلبك وفكرك وكلك..

قصيدة جزلة فعلا تستحق الاشادة ...

لاهنت ِ ولاهان منطوقك يالغلا..

تقبلي تحياتي...

[شوق]

المشاركة الأصلية كتبت بواسطة الكاشف

شوق
يسعدني ان اكون هنا واول من يرد عليك
صح السانك على هذه الأبيات الرائعه الجزلة
غفر الله لميتك واسكنه فسيح جناته
ووفقك الله لمايحبه ويرضاه
وهكذا الدنيا لكي وعليك ولايعصم منها احد
شكرا لكي

الفاضلـ

/
/

الكاشف

/

لاهنتـ على هذا الرد الطيبـ

وصح بدنكـ .. يشرفني كونكـ أول الواصلين

تقديري وجزيلـ شكري

شوق

[الأموره]

شـوق

جميل ما خطته يمنآك

صح لسآنك و علا شانك

سلمتي و سلم فكرك

الف شكر لك

دمتي برعاية الخالق

[حي الضمير]

رحم الله والدك ياشوق فالأب يفقده الرجال فما بالك بالنساء
واعاننا الله واياكم في هذه الدنيا الزائله
والف صح لساااانك على هذه القصيده الرائعه جدا
وابدعتي حيل بارك الله فيك

[ابو أنس]

الفاضله شوق................
رثائية وجدانية معبرة ومؤثره
تستدر المشاعر وتستمطر الأحزان
لكنها جميلة ومشوقه

أختي الفاضله....
هنا...

لكن هذا طبع الليال المناحيس
.............................. ...نور الفرح عندي تطفى سراجه

أظن الهاء هنا جاءت نتيجة خطأطباعي ويستقين البيت بدونها ويكون أجمل
لك كل الشكر

[داعي الشوق]

صح لسانك يالشاعره شوق

ورحم الله والدك وغفر له والمسلمين أجمعين

قصيدة من الأعماق بترانيم حزينه

ولكن الأمل لازال .. ( إن مع العسر يسرا )

تحياتي لك مع تمنياتي بالتوفيق

وصح لسانك ،،،