مساجلة الفطاحلة...

[ضعيان البدرانى]

	بسم الله الرحمن الرحيم اقدم لكم هذة المساجلة بين الشاعرين:عبدالله بن زويبن الحربي.. والشاعر:عضيب بن هليل الحربي.. والبداية عند ابن زويبن ويقول مـن اليمامـه قـم تولّـم يـا نديـب=الله يفكـك مـن عراقـيـل السـفـر من فوق جيب(ن) من بلاده توْ جيـب=مـن طبتـه للمملكـه مـا لـه شهـر اليا مشيت العصر مع ستـر الحبيـب=قبل تغيـب الشمـس وأنتـه بالحفـر ملفـاك بيـت(ن) للبعيـد وللقـريـب=مشرّع(ن) بابه علـى طـول الدهـر راعيه رجال(ن) عضب واسمه عضيب=اللي على النامـوس والطيـب اشتهـر ما هو كبيـر وشاربـه مليـان شيـب=من كثر صكات الدهر مـا هـو كبـر مشيّبـه كـثـر المـصـالا للهيــب=والحمس فوق الجمر الأشقـر والسهـر على دلال(ن) وزنهن نثـر السريـب=غثو(ن) على مقلع شجرة(ن) في مقـر وشيل الصواني في كبيرات العصيـب=اللي مكبـر وزنهـن قطـف الزهـر وتذويبة الحجـه علـى راس الطليـب=ياليـن يسقيـه الـمـراره والـكـدر وبالشعر ما ينحاه من ينحـا الشعيـب=اليا تقضقـض مـن علـوه وانحـدر متوسقه مزن (ن) يصب الما صبيـب=سيله يحـوّل فـي جلاميـد الصخـر اليا وصلته قـول يـا سقـم الحريـب=يا عضيب يا سـاس الحميـا والظفـر أنت وسبيل ابـن سنـد وبـن شبيـب=مثـل السيـوف اللـي يشقـن النحـر كل(ن) من النوماس حاز أكبر نصيـب=وقـف بميقـاف الشجاعـه وانتصـر مثل مواقـف مرويـة حـد الذريـب=شيخان حرب اللـي يقـودون الجبـر سواقة العطفه علـى الجمـع المريـب=لباسـة الماهـود والجـوخ الحـمـر على المهار اللـي يموحـنّ السبيـب=ما يورحون الموت مـن زود الدجـر اخوان نوره فـوق عجـلات الهذيـب=علـى ضحاياهـم يسـمّـن الـديَـر صويبهم لو عـاش مـده مـا يطيـب=الموت مـا لـه عـن ملاقاتـه مفـر صوابهم يطغى علـى طـب الطبيـب=مثل السرطان الخبيـث اليـا انتشـر وابن نحيت اليا عوا ذيـب(ن) لذيـب=ما ينهزم جمع الحروب اليـا حضـر مقدم بني سالم هـل الأصـل العريـب=دفانـة الركبـه علـى خـط الخطـر وأخوان حسنا ويش اخلي ويش اجيـب=خصيمهـم عينـه يلاطفهـا السـهـر اليا صاح أبو جلال بالصوت الصليـب=الخيل من وجهـه تفـر اليـا زجـر اليا طاش مثل الهايج اللي لـه لسيـب=ترجف قلوب الزمل منـه اليـا هـدر ولو أذكر الباقيـن طاروقـي يشيـب=مير السموحـه يـا حميديـن السيَـر والصدق يا اكرام اللحى ما هو بعيـب=مثل النهـار اللـي يمـد بـه النظـر الشاعر اللـي لـه مواقـف والأديـب=سيف (ن) اليا ماحـد صـدّى واندثـر بعض الرجال بماقفه مشعـوف طيـب=عند اللـزوم يطـش عمـره بالبحـر اليـا دعيتـه للمـواقـف يستجـيـب=يجيـك ويجيـب الجواهـر والـدرر وبعض الرجال يجيبه الحق المصيـب=يقضي اللـزوم ولا يوطيهـا الوعـر وبعض الرجال يهيّب اللي مـا يهيـبب=ـس يتلـوى مثـل قصـاص الاثـر أثر ذهيب(ن) مختلط له مـع ذهيـب=في وادي(ن) مليـان رتـاج وشجـر وبعض الرجال يحيّـر القلـب اللبيـب=متقلب(ن) يمشي علـى بطـن وظهـر وسوالفه مثل السـراب مـع الجذيـب=يمـلا لـك القيعـه ميـاه بـلا مطـر ويملا لك الطاسه من الحايـل حليـب=ويحـط بيـديـك الثـريـا والقـمـر ورشاه ما يطلعك مـن بطـن القليـب=لو هو بجنبـك قـال بقريـح وصقـر وقت الرخا قـدام وجهـك مـا يغيـب=ووقت القسـا مـا عنـه رداد الخبـر وبعض الرجال مرافقه صعب وتعيـب=مثل السلاح اللي يعامـل فـي حـذر ندرى شعوره مثل ما نـدرى الغريـب=ودري القزاز اللي اليا طـاح انكسـر والناس مختلفين وارضاهـم صعيـب=وهذا هو المعروف عن طبـع البشـر

@ @ @

	ورد الشاعر عضيب العلوي يقول بديت باسم اللـي علـى العالـم رقيـب=محيي الهشيم وميبـس العـود الخضـر الواحـد اللـي يلتجيلـه مـا يخـيـب=عـلام مـا يَخفـى علـى كـل البشـر إلى دعيتـه وانـت مخلـص يستجيـب=ويا جب على المخلـوق يومـن بالقـدر الله ولا غيـره علـى الدنـيـا يثـيـب=سمّيـت بالرحمـن وابليـس انـدحـر الله يآمرنـا علـى القـول المصـيـب=يوم استمـر القـاف والغايـب حضـر يا مرحبا بالجيب من رجل (ن) نجيـب=اعـداد مـا هلـت هماليـل المـطـر واعداد ما يخضر من الوسـم الشعيـب=وعداد مـا يبـدي مـع الفجـر السفـر يا مرحبا حييت من صـدر(ن) رحيـب=يا اللـي عنيـت امـن اليمامـه للحفـر ترحيبة المشتـاق مـن قلـب(ن) لبيـب=بالزايـر اللـي خصنـي دون البـشـر أكبر هديـه منـك يـا الشهـم الأديـب=اهديتنـا تــاج المـعـزه والفـخـر نجم(ن) لمـع لعـل نـوره مـا يغيـب=دافـع وفـا ويـدل فـي بعـد النظـر عندي شهادة حق لك قـاف(ن) عجيـب=لا اوحاه مـن يكرهـك دنـق وانقهـر إلى حصـل بالمجتمـع شـد وجذيـب=يَسعد صديقـك والعـدو منـك انحشـر يا ابن زويبن ما قفي مـا هـو غريـب=دمـي غيـور ودافعـه قـوّ الصـطـر انا اعتزيت بحـرب والسـاس العريـب=ما هم خشاش(ن) جمعه قـوع الشجـر لا جا نهار(ن) فيـه مغلـوب وغليـب=يسقون وجعان الضميـر امـن السـدر دون القبيلـه لا نـخـاف ولا نهـيـب=ما نقبل العوجـا علـى الحربـي تمـر إخذ الكـلام بغيـر شـك ودون ريـب=دون القبيلـه مـا يعيـش اللـي ذخـر بعض الآوادم يلحـق السـرح العزيـب=يسمـح لمـن ضيّـع طريقـه ويعبـر لا ما نحينـا العـوج يطمعنـا القريـب=ما هي علـوم(ن) جابهـا زيـد وعمـر تعرف مواقف حرب باليـوم الصعيـب=كـان النشامـا طوّحـو بيـض الغتـر عوق العنيد إلى حصل يـوم(ن) رهيـب=قبيلنـا معـذور لـو قـيـل انتـحـر يا ما كسر مركاضهم عظم(ن) صليـب=وكم واحد(ن) في ظلهـم كسـره جبـر من فـوق قـب(ن) يدبـن ّ المستريـب=يحرم علـى مـن لايعنّـه مـا انتصـر وإن صاح راع الشول وأومـا للجنيـب=سلّـم عقيـد القـوم واسلـم وانـدمـر ثم كوسـرن بأذيالهـن مثـل العسيـب=راجـن عليـه وراغ قلـبـه وانبـهـر مـا فيهـن الدنـا ولا فيهـن هلـيـب=يحتـار راع الصنـف فيهـن وافتكـر إن طـاب للزعـلان وإلا لا يطـيـب=عيب(ن)على اللـي كلمتـه مـا تعتبـر ما كل من يرمي الهدف رميـه يصيـب=ت تـاج قـوّ زنـود وضلـوع وبصـر فـي ظلنـا تلقـا الضعيّـف والغريـب=يوم السنيـن اللـي بهـا قـل وعسـر وبعض العرب ما له قريب ولا شريـب=الحنظـل المكـروه لـو يطلـع ثـمـر شرحت عن بعض البشر شرح(ن) مريب=لا شك أنـا بشـرح قليـل ومختصـر كل (ن) على ما قيل ربـه لـه حسيـب=ترى المذاهـب تختلـف وأنـت الحـذر عليك بالطيّب إلـى اختـرت الصحيـب=رفقة عزيز النفـس تجعـل لـك قـدر من طاب حظه كـل مـا يفعـل يطيـب=ومن طاح حظه خـف وزنـه وانعثـر ترى الردي ما عاد يقضب لـه قضيـب=مثـل سـراب القيـظ والحـظ الغبـر اسمع سلمت وكـل سايـل لـه مجيـب=عسى لك التوفيـق مـع طـول العمـر اقبـل تحيّاتـي وسـامـح يالخطـيـب=شـرواك مـا نقـدر نقـدم لـه عـذر أدراك يـا ريـف النشامـا واستعيـب=من كلمـة التقصيـر مـن قبـل النـذر تقديـر والتقديـر واجـب يـا الحبيـب=يا اكعام خطـوان الحقيـد إلـى زمـر أبيك تفصـد ناظـر الوجـه الغضيـب=لا هزّه الشيطـان وارسـل لـك سبـر يا بن زويبـن كمّلـت كلمـة عضيـب=ولـك اجمـل التقديـر منـي والشكـر

[داعي الشوق]

مشكوور أخ ضعيان

نقل جميل

تحيتي لك

،،،،،،،،،،،،

[نفحات حساسة]

يعطيك العافيه..اخوى ضعيان
وصح الله السنتكم
نقل رائع..تحياتى

[الطامي]

ضعيان
شكرا لك على النقل
صح السنة الشعراء
ولاهنت اخي

[همس الورد]

اختيار رائع و مميز

يسلمووووووووووا

[ضعيان البدرانى]

الاخ:داعي الشوق شكرا للمرورك الكريم

@ سلمت ودمت @

[جلال ابراهيم الصبيح]

صحت ألستنهم جميعا وصح لسانك يا ضيعان.....لاهنت....دمت بخير.


عاشق دمشق

[طويق]

مشكور
على ما افدتنا به
تحياتي

[المورد]

مشكور
على ما افدتنا به
تحياتي

[الحويطي]

بارك الله فيك
كتبت فقرأت فاستفدنا
تحياتي واحترامي