كلكم مدعوين لعرس بن عمار ههههههههههههه

[محمد بن عمار]

السلام عليكم ...
الله يشوف نفسه خفيف يخاوينا ..
العرس في الصمان ... ههههههه

يالله الهمر جاهز .. قصدي الفرت ..ههههههه

معي فرتن احمر مدبرن بالصدأ مرشوق = موديل اربع وخمسين ضايعتن اوراقه
ابي من يخاويني بعفشه على الصندوق = ويرفق بصك الباب .. مكسورة الطاقة
بننحر به الصمان لأهل الغنم والنوق = ونترك ربوعن . في ردى الهرج نقـّاقه
وقرص الجمر نآكل ونشرب عليه اغبوق = نفل الحجاج وخالق الطير رزاقه
واشوف الذي منها ستار الحشا مشقوق = نتمم فرحنا .. والمهر ندفع سياقه
ونهدي عربها بالتمر قلـّتن واعذوق = وهيل ٍ يعشعش في قفا راس من ذاقه
فداها العناق اللي طرف اذنها مشقوق = وفداها الصميل اللي مكسرتن حلاقه

محمد بن عمار

[سعيد الصاعدي]

الاخ الفاضل / محمد بن عمار
مبروك الفرت هههه
صح لسانك لاهنت
ماشاء الله عليك يابن عمار مبدع في كل الاحوال
تسلم ويسلم فكرك يالغالي
تحياتي
أخــــوك
س / ص

[الطائر المهاجر]

ابلحقك بالسيكل ولو مشيتي برفوق= وابسبقك قبل الفجر ما يعلن اشراقه
لأني اعرف انك تغديت بالمرقوق = الينه تفخ بطنك وتشكي من شهاقه
وبنصح من استناك لو كان لك معشوق= يدور بدالك فانت قدر وطرباقه
فمن شاف وجهك شاف جربوع فيه شقوق= دعسه التريلا قبل ياصل لْنطّاقه
وانا اللي وسيم من نظر له يشوف بروق= اصيد الأسد وابدا بحمسه واحراقه
جهازي ثمين آقدمه للظبي بشفوق= خلاخل وسمبوسه ولو كانت رقاقه
واخليك في الصمان ما تهتني بالسوق= سبقتك وخذت الظبي لو كنت تشتاقه

[محمد عبدالله البدراني]

هههههههههههههههههههه



صح السانك يابن عمار


وبيض الله وجهك


بس شف الطاير ونقائضه


الله عليك يابو عبدالله اما وسيم وسيم


ههههههههه


لله دركما



تحيتي وتقديري

[الطامي]

ابن عمار
صح السانك
وابشر بالعانيه ههههههههههههههه
من عندي التواير والبترول سوبر طائرات
وصوت المغني يلاحي صوت شكمانه
وافية بحق
شكرا لك

اذا صوت ابن عمار يسمع بكل اطروق = يبي فزعة العربان من بُعد واشناقه
يبي اللي يساير موتره لاوطا الساروق = يخاف الرمل ويعود مشيه على ساقه
فانا جاهزٍ له بالسفر ناصل المعشوق= على اللي مع اللجه شغلها على الطاقه
نشيله ونشيل اللي معه لو بدون اسبوق = ونشيل المسمى للصلوات وارفاقه
ونشيل المواتر والسياكل مع المطبوق = ونشيل الحبيب وراية النصر خفاقه
ومعنا المضاد اللي على المعتدي ساحوق= ومعنا الموجَه ناره بحيل حراقه
انخوف به اللي ثوبه من اسفله مشقوق = شجاع على الادنى وهو باللقا ناقه

هههههههههههههههههههههههه جمعناها يابن عمار

[نجم الإبداع]

هههههههههههههه صحت السنتكم ههههههههههههههه

صدى وصوت حطيئيين فارهين

لاهنتما

تقبلا مروري

وودي

ومشاااااااااااااااااااااااركتي

علامك يابن عمار صوتك تقل مخنوق=تعزْم العرب وتجي تناظر من الطاقه
على موترك شديت حملي وانا مشفوق=وراكب في الصندوق ماشفت سواقه
لقيت المهاجر عند موترك شايل بوق=يقول الحقونا بيننا افكار منساقه
وعاينت وجهه شفت وجهه تقل برقوق=وبشته مطوى في يده والهوى شاقه
معه سيكل مكسر وشايل معه صندوق=وشايل كلاشنكوف ماحلى تمنطاقه
تحيرت بالمخطي ومنهو الذي محقوق=وجاريتكم في ليل مابين افاقه
وعاينت بالصمان ماشفت لي مخلوق=ولا شفت غير العيس والشمس حراقه

[محمد عبدالله البدراني]

الله الله يافلاح


وماشفت غير النوق والشمس حراااااقه



ياسلام عليك



تحيتي

[رفيعة الشان]

هههههههه

هلحين الطاير والنجم والبدراني والطامي كلهم معك

اشهد ان اهلها ما وافقواا

بيقبضونك انت وياهم البااب

المشكلة النسوان وين يركبون <<<فالبدي


الله عليكم جميــعاً
وصح الله السنتكم

لااهنتوووا

[محمد بن عمار]

المشاركة الأصلية كتبت بواسطة الطائر المهاجر

ابلحقك بالسيكل ولو مشيتي برفوق= وابسبقك قبل الفجر ما يعلن اشراقه
لأني اعرف انك تغديت بالمرقوق = الينه تفخ بطنك وتشكي من شهاقه
وبنصح من استناك لو كان لك معشوق= يدور بدالك فانت قدر وطرباقه
فمن شاف وجهك شاف جربوع فيه شقوق= دعسه التريلا قبل ياصل لْنطّاقه
وانا اللي وسيم من نظر له يشوف بروق= اصيد الأسد وابدا بحمسه واحراقه
جهازي ثمين آقدمه للظبي بشفوق= خلاخل وسمبوسه ولو كانت رقاقه
واخليك في الصمان ما تهتني بالسوق= سبقتك وخذت الظبي لو كنت تشتاقه

السلام عليكم ...
هههههههههههههه العود والله اني عارف
انك مشاكس بس انا مالك علي دروب ...
هههههههههه فلااااااح اي صوت واي صدى !!!!!
قل المشاكس ابتدأ .......... ! هههههههههههههه
طيب استلم يالورر .......!

وش الراي في عودن يهاجم بدون حقوق = جميع الخلايق تشتكي .. لذعة اشداقه
يحارش جميع الناس ماخص له مخلوق = لسا نه كما الرشاش .. في لحظة اطلاقه
معه سيكلن موذي به الخلق ذا المطفوق = عطوني إذا احدن سيكله في الرمل ساقه
بزعمه باصدّ ق روحته زاير ام صفوق = يكد الشعر .. والكوت ... في جيبه مشاقه
روى لي حكايتها عقب ما كل الخازوق = وحلف . حلف مايدخل ... مع اثنين عشاقه
لقاها عجوزن . في الثمانين مدري فوق = عليها من الخلقان .... طولينن .... وطاقة
وتلاوين كشرتها .. من الديرم المدقوق = وفلقة جبينن .... كنها ... طار ... طقاقه
وريحة عطورن تحرق العين هي والموق = وصوتن مثل صوت الجحش لحظة نهاقه
عقب ماتواست وانكشف راسها المحلوق = تمدد .. طريحن وانثنت ... عقبها ساقه

محمد بن عمار

[زهرة اللوتس]

بن عمار سلمت
وصح لسانك
قصيدة فكاهية من جد
يسعدك ربي
تحياتي
وتقديري