صياف الحربي

[الطائر المهاجر]

صياف بن عواد بن شميلان الحربي
ولد في وادي النقيع إلى الجنوب من المدينة المنورة بحوالي 80 كيلاً
في حوالي 1356 ، وقد بدأ تجربته الشعرية وبخاصة شعر المحاورة من سنة 1382هـ، حيث كان يحضر الحفلات التي تقام في المدينة المنورة ، لكنه عرف على مستوى المملكة والخليج منذ عام 1397هـ في حفل التراث الذي أقامته جامعة الملك سعود مع مجموعة من شعراء المحاورة، منهم أحمد الناصر وخلف بن هذال ومستور العصيمي ومطلق الثبيتـي رحمه الله وعبدالله المسعودي رحمه الله وجار الله السواط ومحمد بن تويم رحمه الله ومحمد الجبرتي رحمه الله. وقد برز صياف الحربي تلك الليلة بروزاً مشهوداً عـَرّفه بالجمهور بشكل جيد ومال الشعراء الكبار للعب معه. تقاعد صياف من عمله بعد بلوغه السن النظامي في عام 1416هـ، وتوفي في ربيع الأول 1428هـ بعد مرض عضال لم يمهله طويلاٍ ، رحمه الله رحمة واسعة .

كان يتحلى بدماثة الخلق، وطيب المعشر، وعفة اللسان، ونقاء القلب، فقد وهبه الله قلباً كبيراً، وعقلاً حكيماً يقول صياف الحربي - رحمه الله -:

واحد ما يشيمني ولا فيه شيمه =ودي أصك ريعه لا تذعذع هبوبه

اشتهر صياف كشاعر محاورة من الطراز الأول وقد خصصنا له موضوع مستقل عن محاوراته في قسم المحاورات
جمعنا فيه كلما وجدناه ، مثل بقية شعراء المحاورة المعروفين
"يقول صياف: (في بدايتي الشعرية كنت في أحد الملاعب ألعب مع شاعرين في وقت واحد، ولما سمع الجبرتي رحمه الله بذلك قال: اتركوا لي هذا الشاعر، وكان يسرع في الرد ويركض بين الصفوف كركض الحصان، وعندما يكمل البيتين أرد عليه ببيتيـن في وقت واحد وعندما انتصف القاف "المحاورة" كان يتنظر أن تقل سرعة الرد عندي وهو يستمر على سرعته، لكنه وجد العكس، فقال للشعراء الذين كانوا يلعبون معي: العبوا معه هذا مجنون!! ، وحينها شعرت أن معنوياتي قد ارتفعت لأن هذا القول جاء من شاعر ذي مكانة، فقد كان أقوى شعراء المنطقة في ذلك الوقت).

وفي موقف آخر يقول صياف: (حضرت حفلة كبيرة في منطقة الطائف يحييها عدد من الشعراء المعروفين آنذاك، مثل عبدالله المسعودي رحمه الله والشاعر أبو ناب الزبيدي الحربي وجار الله السواط وغيرهم، ولم أكن معروفاً لدى حضور هذه الحفلة من شعراء وجماهير، وقد قامت محاورة بين عبدالله المسعودي وأبو ناب الحربي، وقد رأيت المسعودي قد تفوق على الشاعر الحربي فانتخيت له وطلبت الرد على المسعودي، فأعطاني الدور ورديت، فنظر إليّ الشاعر عبدالله المسعودي مستنكراً أياي" وغير المسعودي الطاروق ليبدأ معه بطاروق جديد.

[الطائر المهاجر]

قصيدة لصياف في الحكمه

يالـه ياخـلاق جـلاب الارزاق=ياواحدأ فـوق السمـوات عالـي
اطلبك يامعبـود ياطيـب الجـود=يامنشي الما من صحيح الخيالـي
ماغيرك اللي له نصوم ونصلـي=ولا غيرك اللي ينتظر في الحوالي
اطلبـك تحمانـا وتغفـر خطانـا=ويارب تهدانـا لـدرب الحلالـي
ياخالق الابحار في كـل الاقطـار=وفرقتها بالـذوق مـرأ وحالـي
اغفر لنا الزلات في كل الاوقـات=واحلم علينـا ياعزيـز الجلالـي
النفـي ميالـه لغيـر العـدالـه=وانت الذي تعصم نفوس الرجالي
دربأ يهين الروح مافيه مصلـوح=والرجل مايخطي دروب العدالـي
واللي يبا يرتاح في وقت الايـاح=تقضي حياته ماكسب راس مالـي
ومن رافق الاجـواد للخيرينقـاد=ينقـاد للعـزه وخضـر الليالـي
ومن رافق الانذال مـاوب رجـال=ايضأ ولا يحب حسـاب الرجالـي

[الطائر المهاجر]

يا نجمة مرت من الليــــل ساعة = في الثلث الأخير مع طلوع الثريــــــــــا
نظرت نظرة خوف مــــدري شجاعة = وأثره مغير النور من صدر هيـــــــا
غروٍ لعبّي لعب طفــل الرضاعة = واليا طلبته بعض الاحوال عيـــــــا
يا سرع طرقة رمشهــا وارتفاعه = العين فيها النوم والقلب حيـــــــا
ياليت ابوها من قريــب الجماعة = أظن يحصل لي من الشي شيـــــا
وإن قلت أنا طماع وابغى الطماعة = قال أنت روح هناك وأنا هنيــــــا
ماني من اللي يرخصــون الوداعة = عز الله إني ما أحسب أنك كذيـــــا
بضاعتي يا غلوهـــا من بضاعة = أغلى من عقود الذهب في العليـــا

[الطائر المهاجر]

ياللي فعلت الخير مذكور بالخيـر=عند الحكيم اللي لحكمـه نطيعـي
مايفعلون الخير غيـر المسافيـر=الطيبـن اللـي كرمهـم طبيعـي
اوجيه نـاسِ يفعلونـه مناويـر=بالرجع ولا بالزمـان الشنيعـي
ووجيه ناس تتركه شكلها غيـر=مالله على شكل الاوادم جميعـي
صورهم اللي صور الكون تصوير=والله على المخاليق حلمه وسيعي
احدأ حكيم يحدر الهـرج تحديـر=ساقه على مشي المعزه منيعـي
واحدأ غشيم يدور الهرج تدويـر=كنـه لـزلات الاوادم وديـعـي
واحدأ تقل بيده عشره مساميـر=قلبه لفعـل الخيـر مايستطيعـي
واحدأ يفوز وينتصب للمساييـر=يكرم ضيوفه بالـذراع البتيعـي
واحدأ ليا شاف اللقاء المناعيـر=مشيه لشب النار ماهو سريعـي
الطيب اللي له مع الناس تقريـر=والطيب عند اهل الوفا مايضيعي

[الطامي]

الطائر
لاهنت على المعلومه
ورحم الله صياف الحربي
عرفناه من الشاشه المرئيه والصوتيه
وكان نعم الرجل حسب ماتناقلته الألسن

[عبدالرحمن الصباح]

الله يرحم ابوعواد صياف الحربي ويغفرله كان من فطاحله شعراء المحاوره بيض الله وجهك يادكتور والله يعافيك ماقصرت تحياتي وتقديري استاذي

[نجم الإبداع]

رحمة الله عليه رحمه واسعه

شكرا لهذا الموضوع والتقديم الراقي دكتورنا

لاهنت

فائق الاحترام

[ابراهيم عبدالحميد]

معلومات رائعه و شامله عن الشاعر الراحل صياف الحربي
دمت سيدى و سلمت

[عذب القوافي]

رحم الله الشاعر الجزل / صياف الحربي وأسكنه فسيح جناته
فقد كتبت هذه الابيات عندما قرأت خبر رحيله رحمه الله

مر الخبر ماني مصّدق واعيده= صياف مات وسطرتهاالعناوين
بالمنتدىابحث ادوّر قصيده=شفت الخبرقلّب جميع الموازين
يالله ياكاسي خضارالمديده= تجعل مقره جنة الخلـد آميـن
ياواحـد ٍ باللطـف يرحم عبيده=أغفرله الزلات ياناصرالدين
عساك ربي بالحسـاني تزيـده=وتثّبته يارب كل المسلمين
صياف رجل ٍ له مزايا عديده=يشهد له الأقراب والا البعيدين
فيه السجايا كل ابوها حميده=ياما أسمعوله بالقصايد ملايين
ياحرب والله راح منكم فقيده=صياف رجل ٍلاحضر كالبراكين

تقديري للجميع,,,,

[فيصل البدراني]

رحم اللة صياف الحربي الذي كان علم في شعر المحاورة وعلم في قمة الاخلاق التي افتقدها الكثير من شعراء المحاورة في هذه الايام