تكملة أبيات كوميديه

[الطائر المهاجر]

اليوم رايح نبدأ مشوارنا مع الشعر الكوميدي
نبي ناخذ هالأبيات ونحاول نكملها مجتمعين حتى تصير قصيدة

اما هواشن يلحقه كم فلقه .....والا حرام مهاوشن دون فلقات


امس الضحى في تالي الليل قلت آه.....من شي خرفش فوق حوش بقرتنا


صليت بالجــامع وسبحت تسعين …… مع كثرهن واتبعتهن بتهليله
وقريت عـمّ والمـــدثر وياسين …… ادخل على الله مايخيب دخيله
وقريت وِردي عن جميع الشياطين …… وشبيب ماسوى به الورد حيله


العـام تبغى لك من البيض ثنتين ------ ايضـا وتبغى لك عليهــن زياده
ومثلك الى منّه وصل عام سبعين ------ يروح مخّه مثــــل مخ الجراده
لايقضي الحاجـه ولا يوفي الدين ------ وش عاد لو عطّرت فرش الوساده


ميّـة هــلا باللي يكحّل ثناياه ------ اللي يحط الديرمه في عيونه
اللي حدا نهديه من خلف علباه ------ والنهد الآخر روّحوا يطردونه


ياوجودي وجد من ضيّع نعوله ------ لاقيٍ وحـده والاخرى مالقاها
عايشٍ معها من ايـام الطفوله ------ شاب راسه بس نعله مانساها


جا يعيرني يقـول انتـي متيـن=حلقـك المفتـوح لازم نغلـقـه
هيـه يادبّـه لـزوم تخفّفـيـن=والا اثوّر فيك عشريـن فشقـه
وفي رجيمي استمريت سنتيـن=جدي اللي مات قاربـت الحقـه
ويش رايك ؟ قلتها بصوتٍ حزين=قـال دبّـه وانقلبتـي لسلـقـه


مرحوم يابسّن على الخط مدعوس =له سبعة ايام ولاحدن درا به
لو كان بامريكا تطوطح له الروس=والبيت الابيض بالعزاء في كآبه


لا تظن كل من تأمل فيك مغرم=يمكن المسكين ملطوشه نعاله
راح للمسجد يصلي وقتٍ اظلم= مالقاهن والتهم صوب العماله

[الشريف الشرّقي]

صح لسانك .. أجل علقة على كيفك اسمح لي بمحاولة سريعة على البيت الثاني :

امس الضحى في تالي الليل قلت آه.....من شي خرفش فوق حوش بقرتنا
نقزت مرتاعٍ وأنا اقول ويلاااه ... خايف من الحنشل يسوق ثمرتنا
وارقى السطح واطيح من فوق عزاه ... ينعن أبو (هالكاو) ياهي قهرتنا

[ابو زياد]

المشاركة الأصلية كتبت بواسطة المشرف العام

لا تظن كل من تأمل فيك مغرم=يمكن المسكين ملطوشه نعاله
راح للمسجد يصلي وقتٍ اظلم= مالقاهن والتهم صوب العماله

ويمكن انه كل ماشافك تهكم=قال مهبول ولا سره هباله
كل ماشافك يحسب انك منسم=وده انه يجلدك جلد بعقاله
والاكيد ان كان صاحبك متلطم=شايفن بك شيفت ارخت حباله

[نسناس الهوى]

الشعراء .. ابو عبدالله،الشريف الشرقيّ،ابوانس،ثامر الشبيلي،ابوزياد

اوقفتمونا مندهشين على ما ابدعتم .. صحّت السنتكم وسلمت قلوبكم ..

والى اذّن الاول نهضـت الكراعيـن
ـــــــــ تنحـاش للمسجـد ولا هيـب عـاده
تنحاش قصـدك مـا تحـل التماريـن
ـــــــــ لاهـوب ديـن ولا قصـدت العبـاده

ههههههههههههههههههههههه

مافيه لياقه يا ابو انس ههههههههههه


صح قلبك .. رااااائعة هالابيات بل غاية في الروعه



اعجابي وتقديري

[أم ريما]

ههههههههههههههه

يعطيكم العااااااااااااافيه

والله ابيات طريقه وتضحك

مشكورين جميعا

تحياتي للجميييييييييع

[اصيل]

شكراً لما امتعتنا به
تحياتي

[البتار]

شكرا لك
على الجهد الطيب
تحياتي

[طويق]

لك الشكر
على ما فاض به قلمك
تحياتي

[الحويطي]

الف شكر
على ماجاد به قلمك
تحياتي الطيبه