النفس اللوامه

[عبدالله المفضلي]

يالله طلبتك يا عظيم الشاني= الطف بعبدك ضيم وقته ضامه
أنا الضحيه والزمان الجاني =بين الظروف ونفسي اللوّامه
الهم الأول يقتفيه الثاني =يأتي محله ويتسلّم زامه
اللي تجرّع رشفة الحقراني=أخير منها يرتحل بصيامه
ماكني أنقل علتي وأعاني= قدت الجمل للمجزرة بخطامه
قم انزل الميدان يا حميداني= كان انت باحوال البشر علامه
هات الدليل وعطني البرهاني=أن النوايا الطيبه هدامه
وان النجاح يحالف الخواني= وان المطفف يقنع السوامه
هاذي سوالف واحداً سكراني =يكتب صكوك المعرفه باوهامه
غلطان يا من يقنع الغلطاني=اللي ينقّل بالهبال عظامه
لا ما نسيته يخزي الشيطاني=الواجب اللي ترتفع به هامه
إلى نصاني واحداً ينخاني=أبذل جهودي كلها قدامه
مانا طبيب تخصصي نفساني =ولاعرف سوق البورصه وارقامه
ولانا معدد بالرخا خلاني =روس المجنن تتعب الحجامه
أنا وبعدي جعلها الطوفاني =مانيب ناشد لو تقوم قيامه

[الطائر المهاجر]

كل عليه من زمانه واكف
صح لسانك يالقرم
ولا هنت
تحياتي

[منيع]

ياسلام
مبدع وجزل
تحياتي لكم

[الـزلـزال]

عبدالله المفضلي

نص مميز ورائع وجميل
من شاعر متميز ورائع في كل مايقدمه لنا
أبدعت وأمتعت شاعرنا الراقي المميز
دمت بكل بخير وسلام ودام لنا حرفك الراقي
صح لسانك ملايين ملايين
ولك فائق تحياتي وتقديري

[حرف وشعر]

لاهانك الله يالشاعر والله يرفع شانك ياخوى

نص جميل من شاعر اجمل

[الطخيس]

اقف احتراماً لهذه الدره
صح لسانك
ولاهنت
تحياتي

[عبدالإله]

قصيده رائعه وجزله من شاعر راقي ...

ونص فاخر المعنى راائع السبك

/ صح لسااانكـ

[الراقي]

قصيدة راقت لي معانيها
صح السانك ملاييين

ورفع الله قدرك ولا هان شانك

[سمحان]

صح لسانك واعتلى شأنك
رائعة من شاعر رائع

[حي الضمير]

رائعه وابدعت شاعرنا القدير عبدالله
ومدد صح لسااانك يامميز