لا صرت تهـوى لك مـن النـاس غالي ،

[داعي الشوق]

لا صرت تهوى لك من الناس غالي = و بنيت له و سط المعاليق بيته
و زرعت به ورد الغلا بكل جالي = و بدم شريان الموده سقيته
لا تنخدع بايامها والليالي = و تطيح في هويات درب مشيته
ولا تآمن الامرار لو ذقت حالي = و لا تنجزع من باع بك و اشتريته
لحظة ندم بتعيشها بكل حالي = في كومة حطام الجراح المميته
و تبقى رهين المعمعه و انعزالي = تبكي على وقت مضى لك قضيته
حيث الهوى خداع باول و تالي = لو كان صوّر لك غرام هويته
دام الوفا معدوم و القلب مالي = يم الذي قلبك خذاه و عطيته
و ضاعت قوانين الهوى عند والي = أخفى معالمها وانا ما قويته
وش فايدة حب صعيب المنالي = ما دام ما نلت الغرام و جنيته
كم عاشق قبلي من العقل خالي= احدٍ سمعنا عنه و احدٍ قريته
و انا من اللي فيه يضرب مثالي = شكيت و الشكوى من اللي شكيته
الجادل المزيون تاج الجمالي = ما شفت منه انصاف يومي نصيته
لا قلت له ارجوك عندي سؤالي = ابغى جوابه دام حكمك رضيته
عندك على تعذبنا راس مالي = يومك تجازينا بحكم افتريته
قال انت يالمفتون يا بن الحلالي = اغليك يوم ان الغلا بك هقيته
و الحب مفهومه يثير الجدالي = و القلب من نهر الهوى ما رويته
ياللي تعلق فيك روحي و بالي = ياليت تفهمني وش اللي عنيته
انا معك بارقى على كل عالي = سطح القمر رقيت له و اعتليته

[طوفـــان]

صح لسانك شاعرنا أبو سعد على هالنص الزاخر والجزل ،،

لاهت يالغالي على طرحك الرائع ،،


لك تحياتي أبو سعد

[منيع]

صباح الحب من اهل التميز والابداع
تسلم ياسعود
ودي وتقديري لكم
تحياتي

[احمد الكثيري]

صح لسانك على هذا الابداع والنص الجميل دمت ودام لنا قلمك الرائع
تقبل تقديري واحترامي

[داعي الشوق]

المشاركة الأصلية كتبت بواسطة طوفـــان

صح لسانك شاعرنا أبو سعد على هالنص الزاخر والجزل ،،

لاهت يالغالي على طرحك الرائع ،،


لك تحياتي أبو سعد

صح بدنك اخي الغالي

والف شكر لك على المرور و الكلمات الطيبه

ولاهنت

[سناعيس]

ياسلام عليك
صح لسانك ياسعود

تحياتي

[الـزلـزال]

داعي الشوق

بوح في قمة الجمال والروعه
من شاعر يميز حروف شعره بالجزاله
أبدعت وأمتعت ياداعي الأشواق
دمت بكل الحب ودام لنا حرفك الراقي المميز
صح لسانك ملايين ملايين
ولك فائق تحياتي وتقديري

[دخيل الازوري]

الله الله
نص رائع وإبداع لا حدود له
صح لسانك وفكرك

[جهاد الشعلان]

الله الله الله الله

ابدااااااااع وجزاله

صح لسانك على هالرائعه اخوي سعود

تقبل مروري

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة