إلى رجال الوطن الاوفياء ..

[نواف العدواني]

السلام عليكم ورحمة الله وبركاته ..

هذه الأبيات مناشدة إلى كل أبناء الوطن الأوفياء للقضاء على الفساد و قادته المنافقين و ما خلّفوه من تخلف و هدر للطاقات و الكفاءات ..

صلوا على النبي ..

ياهاجسي دربك خضر مدري على وجه السعير؟=مدري تضـيق (أ)بك الوسيعة لا لقـيت علاجها
الوضــع شايـك فالـبلد و أهل البلد تحت الهجير=من فعل ناس ً مجرمة ســارت على مـنهاجـها
مجلاسها قم القمم و أخلاقها مثل الحصـــير=تحـــت الدجى لجــل الدنية سُيّرت و أفواجها
وين الرجال اللي تجيب الكايده وين الضمير=وين الرجــال اللي على الموقـف ينـير أسراجها
راس الكتيبة لا أنـزوى ما لــه عن الذلة مصـير =في عــصر كــــلن يرتمي و يقـــول أنا فراجها
قـم و أحــــتزم دام الخصــال الطيبة منك صدير=أنــتا كفو يا صــاحبي يالــلي شــعلت إحراجها
في وجــه منــهو يلــتوي ثم أذبْـل النبْت النضير=هـَـدَمْت سيسان الـغدر والظلــم بين أدراجــهــا
بنيت من حب الوطن منزال يرعب من يغير=و اليوم يفقدك الوطن من يوم طاح أسياجها
من يوم ساد الأمعة والمسلمين (إ)بلا نصير=كود الولي و الصبر هو مفتاحها و مخراجها
وجدي عليكم ياالقروم اللي كما السيف الشطير=اللــــي تبـــــيّح ســــدها و اللي محت هلباجها
اللي ليا شانت صروف الدهْر تثبت ما تحير=تسري كما سود البوارج في شديد أمواجها
مطلوبها عز الديار اللي لها فالخير بـــــير =يــروي كما هــــــداج تيـــــما أليا لفا محتاجها
أبكيك يا جيلً مضى والوجد للذكرى خشير=والعين من شوف المصايب عقّدت باحجاجها

و سلامتكم..

[نجم الإبداع]

ارحب يانواف

وصح لسانك على المصافحه الوافيه

والله يصلح الحال

لاهنت

تقبل مروري

وتقديري

[الطامي]

العدواني
صح السانكةملايين
انت تقول وهم يستاهلون
وحفظ الله الأمه الأسلاميه من كل مكرووه
شكرا لك

[احمد الجريفاني]

الغالي نواف جزاك الله الف خير

[مبروك بن ماضي]

أخي الشاعر القدير/ نواف العدواني
مااجمل بوحك واشراقة حرفك
مااروع تجسيدك للحدث ومخاطبتك لذاتك وللغير
قصيده شفافه ذات قيمه إصلاحيةتحسب ظمن ابداعات شاعرنا المتتاليه
تقبل مروري مع تسجيل اعجابي الدائم
والله يصلح الحال
مع تحياتي الطيبة وتقديري ،

[داعي الشوق]

مطلوبها عز الديار اللـي لهـا فالخيـر بيـر =
يروي كما هـداج تيمـا أليـا لفــــــــــــا محتاجهـا

أبكيك يا جيلً مضى والوجد للذكـرى خشيـر =
والعين من شوف المصايب عقّــــدت باحجاجهـا

،،،،،،،،،،،،،،

صح لسانك يالشاعر نواف العدواني

والحمدلله على السلامه

قصيدة قمة في الروعة و الجمال

كما أنت دائما

لله دررررررررك

و صح لسانك مدد بلا عدد

تقديري لك

مع التحية

[حي الضمير]

صح لسانك وعلا شانك
قصيده رائعه وابدعت يامميز
أجزل التحايا والاحترام

[حوريه]

قصيده تحمل قمة الاحساس

الوطني والغيره على أبناءه

يسلم قلبك يانواف

ويدوم حرفك

.
.

[احمد الكثيري]

سلمت وصح لسانك مليون ولايكفون نص جميل وراائع
يا الغالي لك مني كل التقدير

[نفحات حساسة]

صح السانك.. اخوى نواف
قصيده رائعه كروعتك..
يعطيك العافيه..وسلمت وسلمت يمينك.
تحياتى لك وتقديرى.