-(العيون اللي يطيح الطير لو يلمح كحلها)-

[جلال ابراهيم الصبيح]

العيون اللي يطيح الطير لو يلمح كحلها = عاملة فيني عمايل حتى هتلر ما عملها
دايمٍ تحلى كما عين المها مافي مثلها = تحترف قتل الخلق حتى الورد منها يعاني
عاشقٍ ولهان فيها والعشق واضح عليا = لا متى يا رمشها تبقى عجول و ما تريا
تقتل اللي ما بقى به ضلعٍ الا ما تويا = حسبي الله فيك يا رمشٍ على غفله سباني
صادني طرف الغزالة قبل ما أنوي أصيده = من حلاها و من سحرها ذوبت حتى الحديده
مهما تكبر مهما تقدم تبقى ألماسه جديده = ولو تبسم ثغرها تغار الترايب والغواني
العيون اللي على حب البداوة علمتني = واشغلت بالي أهوجس بالعيون اللي اسلبتني
كيف من عالي السما عين الغزالة نزلتني = وكيف انا حظي على شاطي الغزاله قد رماني
في حلا منطوقها تكمن بساتين و روابي = تنثر اللولو مع الضحكه وانا أكتم عذابي
كن شفايفها رَشَاشَ العطر أو طعم الشرابي = قالت اشرب قلت عن شرب الخمر ربي حماني
كن بساتين الزهر والفل تعبدها عباده = وكن بياض المزن في عنق المها طوق و قلاده
لو ترف الطرف انا لساني تلفظ بالشهادة = من رموشٍ حدها قاطع كما حد اليماني
طرفها نجدي وانا اظن الخصر غصنٍ جنوبي = بالحشى أسكنتها واسميتها الريم اللعوبي
هي حياتي و هي مماتي أعظم و أحلى ذنوبي = ويل حالي لا ظميت و قالت اشرب من حناني
العيون اللي صباها مغربي والهدب شامي = والدلع مصري ودلعها غير عن كل الأنامي
ويلي من مشي المها لا شفتها مرت أمامي = احسب ان قلبي معي واثري القلب راح و عصاني
يا عيون الريم انا قلبي تولع بك جنونا = الله اكبر يا عيونٍ مو مثل كل العيونا
عذبتني واجرحتني وشيبتني بالطعونا = لكن ابقى في هواكم عاشقٍ مهما أعاني

[داعي الشوق]

صح لسانك يا جلال

و القصيدة جميلة في المعنى

و لكن تحتاج للنظر

شكرا لك

**********

[عبدالله مذكر العقيلي]

صح لسانك

وعلاشانك

والله لايهينك


تحيتي

[بدر الحافي]

صح لسانك ياجلال

احساس جميل
معنى متكامل

لو اخترت قافية واحدة للصدر ثابته اعتقد كان افضل

المهم
رائع والله

وصح لسانك

[الخنساء]

صح لسانك مليوون شاعر الصغير

قصيدة جزلة من شاعر متمكن

سلمت ودام حرفك

[عبير الورد]

صح لسااااااااانك وسلم منطوقك
ربي يعطيك العافيه

[جلال ابراهيم الصبيح]

المشاركة الأصلية كتبت بواسطة داعي الشوق

صح لسانك يا جلال

و القصيدة جميلة في المعنى

و لكن تحتاج للنظر

شكرا لك

**********

صح بدنك أخي الغالي والنص تحت أمرك متى شئت...حياك وشكرا جزيلا

لاهنت...دمت بخير.

[جلال ابراهيم الصبيح]

المشاركة الأصلية كتبت بواسطة عبدالله مذكر الحمدان

صح لسانك

وعلاشانك

والله لايهينك


تحيتي

صح بدنك أخي الغالي ولاهنت على مرورك وردك شكرا جزيلا لك.


دمت بخير.

[جلال ابراهيم الصبيح]

المشاركة الأصلية كتبت بواسطة بدر الحافي

صح لسانك ياجلال

احساس جميل
معنى متكامل

لو اخترت قافية واحدة للصدر ثابته اعتقد كان افضل

المهم
رائع والله

وصح لسانك

صح بدنك أخي الغالي واحساسك انت الطيب وكلك طيب...شكرا جزيلا لك .


لاهنت...دمت بخير.

[جلال ابراهيم الصبيح]

المشاركة الأصلية كتبت بواسطة الخنساء

صح لسانك مليوون شاعر الصغير

قصيدة جزلة من شاعر متمكن

سلمت ودام حرفك

صح بدنك أختي الغالية ولاهنت على مرورك وردك...شكرا جزيلا.


دمت بخير.