حياة عز ولامذله وتناهيد ،،، جديد المري

[الطامي]

ياطول ماني مملٍ فيك يافهيد =والظاهر ان محمدٍ حاز الاول
ياذا الفهد ان كان يابوك بتصيد = الصيد والله عندنا لو تجوّل
الفيد ماهو صيد منتوقة الجيد = اللي معك وقتٍ ووقت تحوِل
والصيد طرد الرزق لامدة الأِيد=ولاحدٍ على رزق الخلايق تخوّل
الربح حفظ الدين هذا هو الفيد = ولطف وحنان وفعل ماهي تقوّل
لايافهد يابوك مجناك من حيد = معربٍ ساسك عمام ومخوّل
لاتخلف الهقوه وانا شبحي بعيد = فيكم،،وخل الناس منكم تهوّل
انذرك من خوة رجال هلابيد =يوم يراضونك وعشرٍ تفوِل
ولاترافق كل فاسق وعربيد = لانافعٍ نفسه ولغيره يعوِل
يخبرك عودٍ له تجاريب ويزيد = فعل ،،على من هو سعى له يطوِل
مايصله ياكون شرواه صنديد = يدرى مناقيد العرب والتسوِل
ياما قطعنا فجوجها نضرب البيد = ماحن بوسط اسواقها ونتجَوّل
وياما قطعنا هجعة الليل والغِيد = الهم يبرا والفكرله يموِل
نبغي الغناه ويغتبق راعي الديد = ونجود مما نحوش للي يتَنَوّل
حياة عز ولامذله وتناهيد = ويالله النجا لاجيت قبري محول

[الطائر المهاجر]

لاتخلف الهقوه وانا شبحي بعيـد
فيكم،،وخل الناس منكـم تهـوّل
النار ترث ما خبرته من رميد= والمصلح الله قيل من قبلي اول
علي بذر الخير من غير تحديد= ولا ني كفيل الخلق لامن تحول

صح لسانك الف
ولاهنت
تحياتي

[الطامي]

الطائر
صح بدنك
وشكرا لمرورك
وابياتك طيبة جدا ومنكم نتعلم الشعر دكتور
ولاكن عدم تكرار القافيه اجبرتني على ترك قوافي واضافة غيرها
شكرا لك

[فارس القوافي]

هلا بك يابو محمد

عسى عمرك مديد

صح لسانك

لاهنت

يعطيك العافية

دمت بخير

[منيع]

جزل ومبدع وحكيم
تسلم ياالطامي
ودي وتقديري

[عبدالعزيز العمار]

رائعه وجزله يالطامي

صح لسانك ولاهنت

تحياتي لك

[وليدالبسطي]

الطامي

ابدعت

جزله من راس جزل

صح لسانك مليون

تحياتي

[الخنساء]

الصيـد ماهـو صـيـد منتـوقـة الجـيـد
الـلـي مـعـك وقــتٍ ووقــت تـحــوِل
والـزيـن طــرد الــرزق لامــدة الأِيــد
ولاحـدٍ عـلـى رزق الخـلايـق تـخـوّل
الربـح حفـظ الديـن هـذا هــو الفـيـد
ولطـف وحنـان وفعـل ماهـي تقـوّل
لايافـهـد يـابـوك مجـنـاك مــن حـيـد
مـعـربٍ سـاسـك عـمــام ومـخــوّل
لاتخلـف الهقـوه وانـا شبحـي بعـيـد
فيكـم،،وخـل الـنـاس منـكـم تـهـوّل
انــذرك مــن خــوة رجـــال هـلابـيـد
يـــوم يـراضـونـك وعــشــرٍ تــفــوِل
ولاتـرافـق كـــل فـاســق وعـربـيـد
لانـافــعٍ نـفـســه ولـغـيــره يــعــوِل
يخـبـرك عــودٍ لــه تجـاريـب ويـزيــد
فعل ،،على من هو سعى له يطوِل



صح لسانك مليووووون

قصيدة جزلة من شاعر متمكن
والله يهدهم ويصلح حالهم يارب
والمسلمين

سلمت ودام حرفك

[روح الشعر]

منصور المري

لاهنت يابعدي على هذه الجزله

وهذا من طبعك الجزاله

دمت بود

[داعي الشوق]

صح لسانك مليون يا بو محمد

قصيدة ارشاديه جميلة و هدفها سامي

وان شالله فهيد عند الهقوه

ولاهنت يالشاعر