ايه ياقلب لو عانيت حر الهجير

[الطائر المهاجر]

ايه ياقلب لو عانيت حر الهجير= لزم تفهم وترضى بالقدر واختياره
وتعرف الكون متحف وسط مسرح كبير= متحف للصقور ومسرح للحباره
والروايه كتبها من بشغله خبير = والتماثيل مسخت لين صارت حجاره
كلمة آمين ثروه تفتح اللي عسير= ومن ضبطها تعلاّ ما يبي من صداره
ومن تجاهل لها لو هو هدر كالبعير= ماعرف للروايه غارقٍ في بحاره
فاضبط الدور خلك ماشيٍ كالضرير= كود تسلم بدربك ماتحس انحداره
ماانت ملزوم تصبح للخلايق نذير= كل من عطي عقلٍ يفتهم وش مساره
من بغى عاش وقته في المذله اسير= ومن بغى فيتجنّب جو زايد غباره
ما انت وحدك بهمك دام مثلك كثير= فلا تصير الضحيه لو تحس المراره
لا تقل ليش هذا مفرشه من حرير= ساكن بوسط قصرٍ معجبٍ للنظاره
يمكن انه حلال وبالمعزه جدير= ويمكن انه حرامي لو مسك للخفاره
وش يفيده حلاله دام ميّت ضمير= في حياته ذليلٍ والعقوبه بثاره
مايحس السعاده لو رصيده غزير= وبينه وبين نفسه شاعرٍ باحتقاره
وانت لو وسط صحرا مفرشك من حصير=عايشٍ في سعاده ماتعرف الكداره
عزة النفس كنزٍ من ملكها امير= ومن فقدها فلا هو رابحٍ بالتجاره

[عمر ال شيبي]

يسعد صباحك
ويا زين قلبي

اكون اول من يرد

صح لسانك لا هنت

[نجم الإبداع]

قلت واجزلت واوفيت المثل يالامير=مير ماحدن بوقتك يفهمك بالاشاره
لو تحاول ولو تنوي على كل خير = قالو الناس هذا القول ضد الحضاره
تاه عقل الحليم وضاع قدر الكبير =واصبح القدر للتاجر وراعي العماره
الحرامي بوقتك صار راع الضمير =والتملق طريق الي يبون الصداره
صح قلبك وللحكمه بنصك زفير= تلمس الواقع الي صار طاير غباره

صح لسانك يابو عبدالله

لاهنت

وكل عام وانت بخير

مودتي

[شجون القصيد]

الله الله

صح لسانك وكلك

حكيم يازعيم

توجيهات راااائعه لا فض فووووك


ودعوه عظيمه للقناعه في تناغم راااقي


ارويتنا شعرا

سنعود كثيرا حيث الشعر الحقيقي


دمت كما تحب

[منيع]

ماشاء الله
جزالة وحكم وعزة نفس
تسلم يادكتور
ربي يرعاكم
تحياتي

[حلا نجد]

يا سيدي



يا صاحب القلم الكبير والمميز

كلمات تناغمت مع نبضات القلب

وتعلقت على أوتاره

اعذرني وتقبل اعتذاري على عدم انتباهي لهذه الروعه الادبيه


يتوجب علي ان ارفع قبعتي

احتراما لقلمك الكبير والرائع

القللم الصادق بحرفه والمبدع بكلماته

شكري الكبير لطرحك المميز

وواصل ابداعك وهنيئا لنا بحرفك الذهبي

تقبل مروري

وتحياتي لشخصك الكريم

دمت بكل الود والحب
حلاوووي

[الخنساء]

المشاركة الأصلية كتبت بواسطة الطائر المهاجر

ايه ياقلب لو عانيت حر الهجير= لزم تفهم وترضى بالقدر واختياره
وتعرف الكون متحف وسط مسرح كبير= متحف للصقور ومسرح للحباره
والروايه كتبها من بشغله خبير = والتماثيل مسخت لين صارت حجاره
كلمة آمين ثروه تفتح اللي عسير= ومن ضبطها تعلاّ ما يبي من صداره
ومن تجاهل لها لو هو هدر كالبعير= ماعرف للروايه غارقٍ في بحاره
فاضبط الدور خلك ماشيٍ كالضرير= كود تسلم بدربك ماتحس انحداره
ماانت ملزوم تصبح للخلايق نذير= كل من عطي عقلٍ يفتهم وش مساره
من بغى عاش وقته في المذله اسير= ومن بغى فيتجنّب جو زايد غباره
ما انت وحدك بهمك دام مثلك كثير= فلا تصير الضحيه لو تحس المراره
لا تقل ليش هذا مفرشه من حرير= ساكن بوسط قصرٍ معجبٍ للنظاره
يمكن انه حلال وبالمعزه جدير= ويمكن انه حرامي لو مسك للخفاره
وش يفيده حلاله دام ميّت ضمير= في حياته ذليلٍ والعقوبه بثاره
مايحس السعاده لو رصيده غزير= وبينه وبين نفسه شاعرٍ باحتقاره
وانت لو وسط صحرا مفرشك من حصير=عايشٍ في سعاده ماتعرف الكداره
عزة النفس كنزٍ من ملكها امير= ومن فقدها فلا هو رابحٍ بالتجاره

صح لسانك مليون ولايكفون
قصيدة جزلة من شاعر مبدع
وانا اشهد انك صادق طائرنا
لاهنت وسلمت ودام حرفك

[عبدالعزيز البليهد]

تسلم وصح لسانك

لاهنت على هذا الابداع ونصائح مجرب

إلا انني اختلف معك في وجوب ابداء النصيحه قبلت ام لم تقبل

خلاف طرح الرأي على من لم يستشيرك

مجرد وجهة نظر

[داعي الشوق]

صح لسانك يالطائر المهاجر

معاني جميلة و طاروق جميل

و صح لسانك نجم الابداع على الابيات الوليدة

و
موفق بإذن الله ... لك مني أجمل تحية .

مع الشـكــ وبارك الله فيك ـــرا لك ...

[ناصر عبيد الهواوي]

ياسلام يابو عبد الله على هالدرر الرائعة
ويا الف سلام على البيت الاخير الذي اعتبره بيت القصيد
سلم فكرك ونبضك يادكتورنا
تحيلتي وكل عام وانتم بخير