|
همس القوافي للشعر النبطي قصائد من إبداع شعراء الفطاحلة لم يمضي عليها اكثر من سنه |
![]() |
|
أدوات الموضوع |
![]() |
رقم المشاركة : 1 | ||
|
همومي تسابقني علـى فـرّة المسبـاح=ألـوّح خرزهـا والشراشيـب وانتلهـا
أنا كل ما ضاقت واشوف الدموع ارماح=آجامل وإدق الصـدر وآقـول إزهلهـا أذا قشة الغرقان آخر أمـل يـا صـاح=تعلّـق بهـا والـروح للـغـد أملّـهـا على طاري اللي ما لقى عيـب فالتفّـاح=يقول احمر الخدين وهو جالس ابظلهـا انا اللي عبرته وانت طامي على الالواح=يبيلك سنيـن اطـوال حتـى توصلّهـا وانا واحد إمن الناس سافر كثير وسـاح=وشايـف وعايـف والشـوارب مفتلّهـا وعلى قولهم لا قلت , زيد الملاح املاح=مدامك ضربت اوجع والاوتار غازلهـا وجيب البيوت اللي عليهن وسم و اوشاح=وخامـر فناجيـل المحابـر ونآدلـهـا تنحنحت يا كانـون ومعزبـك مرتـاح=تروّضْ بنـات الفكـر ولـىّ تزرفلهـا مناديل وجه الليل يـا دمعـي الفضّـاح=تقّطر سهرهـا فـي عيونـي واكحلّهـا تشتت , شحوب افكار , دنيا بدون افراح=ظما فالعروق الصايمـه ويـن ؟ ابلّلهـا اقيس الاماني بعد مـا قـررت تجتـاح=وازيد الهمم لحمـول ازريـت لحملهـا أنا مثْل كفخ الطير يربـا وهـو شبّـاح=الى شاف له عيطا كفـخ ليـن يدهلهـا ولكن بعد عامين قلبـي كسيـر إجنـاح=تموت الامانـي فـي عيونـي ويقتلهـا حبيب ٍ على وضح النقا والنقـا مفتـاح=قلـوب الحبايـب والسفينـه ومحملهـا حبيب ٍ على ثيابه نثر عطـره الفـوّاح=يضفّ العباه وضامر الخصـر ينسلهـا رموشه سيوف ٍ صُقّلت والهـدب ذبـاح=تسلهـم عيونـه بتلـة العيـن ويسلهـا مشاعر بعد عامين هي والجراح اجراح=لتس الله يقبور المحانـي وانـا ادملهـا يقولون لا تزْمل مـدام الزمـل مـوّاح=وسوق المطيـه قبـل ليضيـع مزملهـا حكيم العرب وصّى وهو حاضر ٍ ما راح=الـى شانـت العربـان يعنـاد جاملهـا وسقها بوجه الله عسى خاطرك يرتـاح=الى صِفيت النيـه , توكلـت , فعقلهـا ولا يستثيرك حزن من دمعـة التمسـاح=تحـب الذيابـه كـل فـارس يهرفلهـا تجمّل عن قلوب ٍ حسدها بسبـع ارواح=ولو تنغسل فـي زمـزم ٍ مـا يغسلهـا تأمل وجيه الناس واسري مع المـرواح=ولا تعقد حبالـك علـى شـي و تحلهـا يطيح الوجه وان طاح يا عزتاه ان طاح=تطيـح أبمحلـك يـوم نفسـك تفشلهـا تعيش الفقر والجوع بس خاطرك منساح=و لا لقمـة ٍ بالهـون والـذل تاكلـهـا انا وين ابهنا دام نص القلـوب اشحـاح=محبـه اذا متعـز راســي لبطلـهـا وجيه الدما , خلف الكواليس , والاشباح=تركت الهوى لهلـه ولا النفـس اذللّهـا مسيرة حزن ترجع على فرت المسبـاح=وقصة غـرام ٍ فـات مانـي مطولهـا |
||
![]() |
![]() |
رقم المشاركة : 2 | ||
|
مبدع وشاعر متمكن |
||
![]() |
![]() |
رقم المشاركة : 3 | ||
|
جزلة ووافية |
||
![]() |
![]() |
رقم المشاركة : 4 | ||
|
سلمت ولا هنت |
||
![]() |
![]() |
رقم المشاركة : 5 | ||
|
|
||
![]() |
![]() |
رقم المشاركة : 6 | ||
|
صح لسانك وفكرك |
||
![]() |
![]() |
رقم المشاركة : 7 | ||
|
عناد الرواد
نص في قمة الجمال والروعه والتميز من شاعر متميز ورائع في كل نصوصه الرائعه الجميله استمتعت كثيرآ بهذا النص المميز الراقي صح لسانك ملايين ملايين ولك فائق تحياتي وتقديري |
||
![]() |
![]() |
رقم المشاركة : 8 | ||
|
يالله تحييبه |
||
![]() |
![]() |
رقم المشاركة : 9 | ||
|
كل الروعة والابداع |
||
![]() |
![]() |
رقم المشاركة : 10 | ||
|
صح لسانك وفكرك |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
اغضبي ياحروفي...ليلة قصف بغداد | الطائر المهاجر | همس القوافي للشعر النبطي | 11 | 27-08-2013 11:09 PM |
العيد واحكامه!!!!!! | الخنساء | المواضيع العامة | 15 | 16-12-2010 06:50 AM |
سيرة مختصرة عن الحبيب محمد صلى الله عليه وسلم العطرة. | سعد بن شليه | العقيدة والحياة | 15 | 16-12-2010 06:50 AM |
موضوع رائع | أميرة الليل | المواضيع العامة | 15 | 16-12-2010 06:50 AM |
حسبي الله ونعم الوكيـل | عبدالله راشد الثويني | همس القوافي للشعر النبطي | 48 | 04-12-2010 09:10 AM |