الزمن هذا ترى خيره كثير

[الجوهرة]

من يقول إن الزمن ما به رجال=الزمن هذا ترى خيره كثير
العيوب وواردة في كل حال=الكمال وبس لله القدير
الحياة اتصير لحظة للزوال=والفناء بيوم هو كل المصير
لا تشيل هموم في حجم الجبال=دام عمرك وسط ها الدنيا قصير
المهم إن كل كسبك با الحلال=ما يهم لو " مرقدك " قطعة حصير
لا تخون وعذرك إنه " إحتمال "=ولا تحقق من ورى الشي الصغير
ولا تفكر كيف تكسب بالجدال=دام آخرته مرده للسعير
النفاق وفي ثلاثة لا محال=كانها في شخص لا ما هو بخير :
الكذب أكبر خديعة واحتيال=ما يفيد بصاحبه وإثمه كبير
والخيانة واقع(ن) ما هي خيال=ما يخون بصاحبه غير الحقير
والزمن يا سامعي لو فيك طال=الوعد لا تخلفه مهما يصير
الأمانة ما بغتها ها الجبال=إنتبه لا تصير معدوم الضمير
لا تبوح بسر لحظة إنفعال=لا تحقْد ولا تحسْد ولا تغير
ولا تردد كل ما هو لك يقال=ومو ضروري تنقله مهما يصير
والتعلم ما يجي إلا بسؤال=والشهادة ما تجي بمفرش وثير
أطلبه بأية تخصص أومجال=‏وأحفظ القرآن لا تصبح غرير
طبق السنة بحكمة وامتثال=لا تخلّف عن نبي (ن) لك نذير
والقصيدة ما هي والله إرتجال=ولا يهم أسلوبها لو كان غير
كاتبتها صار لي عدة ليال=من بدايتها ليا البيت الأخير
ما قصدت أبحث بشعري عن جمال=دام قصدي واضحاً والقصد خير
بالختام أدعيه ربي بإبتهال=ربي تغفر للي ذنوبه كثييييييير

[الطائر المهاجر]

هلا ومرحبا بك اختي الفاضل
ما ادري اقول الجوهره او جواهر العبدالله أو سجينة الذكريات
فكلها اسماء نشرت تحتها القصيدة ، فإن كنتي انتي هي
فياليت تحطين لنا روابط نشرها وروابط غيرها من القصائد التي نشرتي
والأسماء المستعارة التي تنشرين لها ، فهذه من تعليمات النشر لدينا
فهذه القصيدة لا يكتبها إلا شاعرة متمكنه ومن حقها علينا ان نحافظ على حقوقها
شكرا لك
تحياتي الطيبة

[سعيد الصاعدي]

الاخت الفاضل/ الجوهرة
صح لسانك وعلى شانك
يسلم راسك على هذه المصافحه الرائعه
التي لايكتبها الا شاعرة متمكنه كما اشار دكتورنا الفاضل
سجلي اعجابي
وتقبلي تحياتي
أخـــــــــــــوك
س / ص

[نجم الإبداع]

ارحبي يالجوهره

وصح لسانك على المصافحه الراقيه

ابدعتي

لاهنتي

تقبلي مروري

وودي

[الطائر المهاجر]

هلا بك اختي الفاضلة
واللي يعرفك قوقل ، ما قصر عرفنا عليك
شكرا لك للتوضيح
وطالما لك قصائد اخرى فياليت تعطينا روابطها
لاهنتي
تحياتي

[الطيف المسافر]

قصيده حكيمه
اتت بالخير من جميع جوانبه
والحكمه ضالة المؤمن

دمتي على العطاء بمثل هذا الابداع الغزير

[منصور العبدالله]

النفـاق وفـي ثلاثـة لا محـال
كانها في شخص لا ما هو بخير :
الكـذب أكبـر خديعـة واحتيـال
ما يفيد بصاحبـه وإثمـه كبيـر
والخيانة واقع(ن) ما هـي خيـال
ما يخون بصاحبه غيـر الحقيـر
والزمن يا سامعي لو فيـك طـال
الوعد لا تخلفـه مهمـا يصيـر
الأمانة مـا بغتهـا هـا الجبـال
إنتبه لا تصير معـدوم الضميـر



هلا بالجوهره

نثرت درر لا ينثرها الا شاعره قديره

هلابك بين الفطاحل

وصح لسانك

بانتظار الدرر القادمه

[الجوهرة]

راح اختصر لك الطريق .. وتحصل قصائدي هنا :

[الطائر المهاجر]

شكرا لك
وافيه
تحياتي

[ماجد الزيد]

ياهلا ويامرحبا بالجوهرة
ماشاء الله عليك أبدعتي وأمتعي
الف صح لسانك يالشاعرة
حكم وجزالة ودقة وزن
مبروك للفطاحلة وجودك
لكي التقدير والاحترام يامبدعة