ليت الليالي يرجعن بي(بالصوت)

[الطائر المهاجر]

ليت الليالي يرجعن بي الى الورى = طفلٍ غرير وما بدى بالفطانه
يلعب طوال الوقت بالوقت ما درى = ولا من بداه النوم يركض لامانه
أمٍّ تحضنه لين ياخذ به الكرى = وتقبل وتقفى ما تعدى مكانه
وينك يا يمه تنظرين الذي جرى= وليدك غدا شايب وهدّه زمانه
وكلش تغيّر والزمن صار اغبرا= عجّه خنقني خايفٍ من دفانه
امن أولٍ وياّك نقنع بما نرى = قرص ودويف وقطره امن الشنانه
العود يابس لكن القلب اخضرا = ما فيه حقد وغدر والاّ خيانه
والناس ترحم بعضها غُرب وقصرا= محدٍ يجوع وشابعٍ من وزانه
كلٍ يخاف الله في السر وجهرا = وما حدٍ يتاجر في نفاق الديانه
فيهم تواضع والشهامه لهم ذرى= ومقياسهم رجل الكرم والأمانه
واليوم غير الأمس في كل مظهرا= مقياسنا بالقرش.. كلٍ بخانه
فالناس غير الناس والفكر يحجرا= والرجل يخشى زلةٍ من لسانه
ومن كان ينوي العز والجاه والثرا= فالبعض ياصلها بذلّ ومهانه
يالعنبو وقتٍ به البوم ينشرى= والحر ما له في زمانه مكانه
يمّه كبرت وهمي اليوم أكبرا= مدري وش ابدّي وافكّر بشانه
إن جيت للتيّار فالكل مجبرا= ومن لا مشى به خاسرٍ في رهانه
وان جيت للعيلان فالوضع اخطرا= الفقر داعيهم يذوقوا هوانه
والامنا تكبر والاحلام تصغرا= مما نشوفه من طغاة الرطانه
يالله عليهم فانت اكبر واقدرا=فالأمر امرك ياعظيم بشانه
يرحمك ربي ساكنه باعمق الثرى= ويجزاك بالفردوس باعلا جنانه

[الأموره]

وينك يا يمه تنظرين الذي جـرى = وليدك غدا شايب وهـدّه زمانـه

اواه من هذه الاستغاثه ،،

و هذا الصوت الحزين ،،

الذي ينادي على احن صدر في الدنيا،،

يدمي القلوب و يدمع العيون ،،

كعادتك جعلتنا نعيش في قصيدتك ،،

ابياتها جدا جميله و رائعه ،،

رغم حزنها ،،

صح لسانك ملايين ،،

سلمت يالشاعر ،،

الف شكرلك ،،

دمت برعاية الخالق ،،

[نجم الإبداع]

صح لسانك

وشيلات رائعه

لاهنت

تقبل مروري

وتقديري

[عبدالرحمن بن زهير]

رحم الله امهات المسلمين وصح لسانك يابوعبدالله على هذا النص المتألق

[الطائر المهاجر]

شكرا للفاضلة الأمورة
على كريم الحضور والتفاعل الراقي
لاهنتي
تحياتي

[راجي الحاج]

يا إلهي ما أبدعها من كلمات


مؤثرة مؤثرة مؤثرة

صدق العاطفة تنبض بينهن

وصدقت بكل ما نطقت به ( وافيه من وافي )

وأخيرا رحمة الله عليها وجمعك بها في الفردوس الأعلى

[حي الضمير]

ابوعبدالله ابكيتني والله
ليش مدري
ولي عوووووده

[النهج المختلف]

الشاعر الرائع الطائر المهاجر صح السانك ,, ,,

قصيدة تغوص بوجدان شاعرها وتترجم لنا إحساسه العذب ,, ,,

وصف جميل وراقي من شاعر جزل ومدرسه شعرية ,, ,,

الله يرحم والدتك واسكنها فسيح جناته

لاهنت يا دكنورنا على الصور الشعرية الجميلة والله يعطيك العافية ,, ,,

تحياتي وتقديري ,, ,,

[حوريه]

ما كل ما يتمنى المرأ يدركه
طائرنا المهاااجر...
صح قلبكـ... وحرفكـ ...
قصيده جزله من شاعر جزل
دمتـ..... وسلمتــ......

[ابومياس]

صح لسانك يابو عبدالله

نص جزل من جزل

لاهنت لاهنت

دمت بخير