مبرووووووك سمو الأميرتركي

[اسير البدر]

هذه القصيده مهداه الى سمو الأمير تركي ابن عبدالله ابن عبدالعزيز بمناسبة زواجه
صلوا على النبي(الهم صلي وسلم عليه)

هلت تباشير الفرح ورقصت نجد=نجد الشموخ اللي بدا من مهدها
وغنى مواويل الفرح طاير السعد=واستبشرت كل الرياض بسعدها
نجد الحكم والملك والسيف والمجد=نجد الصقور اللي ينومس هددها
في ليلة فيها من الشوق والوجد=مايشعل الغيمه وينثر بردها
بزواج تركي طيب الجد والعًد=نسل الملوك اللي كبير جهدها
اميرنا اللي كنه الصقر لي هد=كل العلوم يطولها ويحصدها
طيار في جو السما ساعة الجد=لما اعتزت دار السعود بولدها
دون الوطن حد يجابه على الحد=وعلى كبود اعداه آمر وادهى
عريب ساس الأب والخال والجد=كل العروق الطيبه معتمدها
ابوه عبدالله على العز والمجد=مليكنا اللي كل قمه وردها
وجده معزي عزوة مالها حد=موحد الدوله وباني عمدها
وله في الطنايا عرق بالطيب ممتد=والنعم والله بالعروق وسندها
ياسيدي حرف الشعر فيك يعتد=يصافح النجمه ويمسك بيدها
لنك فخر للقاف ياوافي العد =ياسور كل الطايلات وبلدها
ويالله عسى افراحك على طول تمتد=وعسى حياتك مايحوشك نكدها
مشاعري في فرحتك مالها حد=وحرفي عجز لك مايوفي عددها
والعذر منَك لو عليه الزمن ضد=ياوزن قيفان الشعر ياعمدها

[سناعيس]

اللهم صل على محمد
صح لسانك يابن عسكر
وبيض الله وجهك
مشاعر طيبه نثرتها في هذه الجزله
ويستاهل سمو الامير تركي
لاهنت

تحياتي

[أم ريما]

ما شاء الله..الله يوفقه يارب

صح لسانك

قصيده جميله ويستاهل

تحياتي لك

[مبروك بن ماضي]

اللهم صلي على نبينا محمد وعلى آله وصحبه أجمعين
الاخ الشاعر / مجحود بن عسكر

صح لسانك ولاهان راسك

قصيده طيبة بطيب راعيها

ونحن بدورنا نهني ونبارك لسمو الأمير تركي

تقبل مني أجمل تحية

واعجابي بما قرأت

[حي الضمير]

صح لسانك
واعتلا شانك
قصيده رائعه بروعة حضورك
لا خلا ولا عدم
ويستاهل سموه

[نفحات حساسة]

اللهم صلي وسلم عليه..

ومبروك.. وبرفاه والبنين

وصح السانك.. مجحود..ولاهنت

رائعه..يعطيك العافيه

تحيتي..

[ترانيم المطر]

اللهم صل على محمد
صح لسانك يابن عسكر
وبيض الله وجهك
مشاعر طيبه نثرتها في هذه الجزله
ويستاهل سمو الامير تركي
لاهنت

تحياتي

[عيدالماجد]

اللهم صلي على محمد صح لسانك بن عسكر تحياتي لك والف مبروك

[الـزلـزال]

مجحود بن عسكر
اللهم صلي وسلم على رسول الله
قصيدة مميزه وجزله
حملت مشاعر غاليه
مبدع وممتع شاعرنا فيما قدمت
وغير مستغرب عليك التميز والوفاء والجزاله
دمت ودام نبض حرفك
صح لسانك ملايين ملايين
ولك فائق تحياتي وتقديري

[داعي الشوق]

اللهم صلي على نبينا محمد وعلى آله وصحبه أجمعين

ا الشاعر / مجحود بن عسكر

صح لسانك مليووووووووون

قصيده طيبة بطيب راعيها

لك أجمل تحية

**********