كلمتني ما عرفت الصوت(بالصوت)

[الطائر المهاجر]

كلمتني ، ما عرفت الصوت من كثر العويل= قلبها المجروح يبكي من غرابيل الحيـاه
ذكّرتني ، وين كنا ، وكيف ماضينا الجميل= يومنا طفـلين نلهو ما درينا بالعنـاه
حبنا حبٍ طفولي ، طاهر ما فيه ميـل= بنت جيراني واختي والغلا في منتهـاه
وافترقنا ، ما عرفنا ، وابتدا درب الرحيل =كل واحد في طريقه ، انتهى به منتهـاه
قلت ، وش يبكيك قولي ، ما ابي قال وقيل=هاتي اللي صار واضح ، بالأساس ومبتداه
قالت اتجّوزت رجلٍ ناقص العقل وبخيل=يحسب إنّه قـد شـراني عبدةٍ والا اداه
دايم اطبخ له وانظّف ، هدني ما في حيل=ولو أبي الكسوة نهرني ما شرى حتى العباه
ساهره فالليل وحدي ، وهو ساهر كل ليل=مع جماعة في استراحه كلهم طيش وسفاه
ولا رجع للبيت ريحه ، يقلب الراس الثقيل=حـط راسه ثم نوّخ ، بعد لقّاني قفـاه
خمس من عمري تولن ،عايشه ويل وويل= والامل باهت بحالي ، لا عيال ولا بنـاه
قلت طلقني وعيّـا ، قـال هذا مستحيل= القـبر بيني وبينك لـو تطول ابنا الحياه
اكرهه من كل قلبي ، صعب ما فيه تعديل=لو احاول ما احاول صعبه العيشه معـاه
هذي اجمال الحقيقة دونما لفٍ وميـل=قللي برأيك شسوي كودي اظفر بالنجاه
مالي هالآيام غيرك لا قريب ولا قبيـل=ولا صديق ولا رفيق يمكن ادخل في حماه
قلت صبرك ، ثم صبرك فالصبر شي جميل=ابذلي كل المساعي ، ونا اسعى في اتجاه
وابتديت انصحه كوده يمشي بدربٍ بديل=ما استجاب ولا تجاوب لا ، ولا ربي هداه
وجت من الله دون غيره دونما عون ودخيل= طبّت الهيئـه عليهم وانتهوا عند القضاه
وطلّقت منه البنيّه بعـد ما بان الدليـل= وزوجّت رجل كريم واضحٍ من مبتداه

[الأموره]

المهآجر

وصفت حآل الكثيرآت من بنآت مجتمعنآ

اعآنهن الله على ما بلين به

صـح لسـآنك ملآيين

سلمت و سلم فكرك

ألف شكر لك

دمت برعآية الخآلق ،،

[منيع]

ابيات رائعة
ياعندليب
شكرا لكم
تحياتي

[إبتهال الجنوب]

بسم الله الرحمن الرحيم

د. عثمان الشاعر المبدع

قدرة فائقة عالية

وسلاسة طاغية في الحكي

برونق ..

في نظم الجميل

وإن تلك هي قضية مؤلمة في مجتمعاتنا العربية

شكرا لك

تحيتي و تقديري

[نجم الإبداع]

صح لسانك دكتورنا الفاضل

اجتماعيه وافيه

لاهنت


تقبل مروري

وتقديري

[ماهر غريب الذيابي]

وجت من الله دون غيره دونما عون ودخيل

. . . . . طبّت الهيئه عليهم وانتهوا عنـد القضـاه

وطلّقت منه البنيّه بعـد مـا بـان الدليـل

. . . . . وزوجّت رجــل كريم واضـحٍ مـن مبتـداه





____________

الطائر المهاجر

____________



صـــــح لسااانك ملايين ولا يسدن

وصف راقي وراهي وجميل وصف متمكن لحاله تعيش في مجتمعنا

وبالفعل هي حالات متعددة ونسأل الله الصلاح في ذرياتنا

أشبعتني بالفعل هاهنا بما كتبت


لله درك . . . كلمات بالصميم


شكراااا لك لما تنثر هاهنا وتتركنا نستمتع معك بها


تقبل تحيتي قبل مودتي لشخصك الكريم


( ماهر بن غريب الذيابي )

[عبدالله الشويمان]

يا سلام عليك يا ابو عبدالله

اتقان للشعر القصصي

صح السان يا الغالي ولا هنت

[النهج المختلف]

الشاعر الرائع الطائر المهاجر صح السانك ,, ,,

قصيدة اجتماعية ووصف جميل وصور شاعرية معبرة ,, ,,

لاهنت يا دكتور على هذا الجمال الرائع وراقي ,, ,,

الله يعطيك العافية يامبدع ,, ,,

تحياتي وتقديري ,, ,,

الغالي ابوعبدالله

صح لسانك ..ودائماً متميز بطرحك

قصيدة رائعه ...والله لايهينك

تسلم ويسلم راسك

[شوقي العامري]

صح الله لسانك على هذه القصيدة الجميلة ودام ابداعك