رويبضه قامت

[ابو أنس]

(عش رجباً ترى عجباً)ونحن نرى الكثير من التحولات التي تجتاح مجتماعاتنا وتغتال الكثير من مقوماتها وتسعى الى دك صروحها وتحاول بكل السبل النيل منا وتقويض ثقافاتنا مما لم نكن نعهده قبل
جاءت هذه الأبيات نزف خاطر وبوح فكر لاأفرضها عليكم ولكني أطرحها لكم قابلة للقبول والرفض
ولي في نقاء سرائركم ماخولني لتركها هنا

صار التطاول نغمة(ن)عند الاذناب=من شبع فقّ افمه تجشّابما كل
دايم وهو في مادبة عمّه ذباب=يُطرد ويرجع مع طنينه وما مل
يجوز له مقامهم لو ورا الباب=يعوي وينبح وان لقافرجة(ن)طل
محسوب من قوم اللحى واهل الاشناب=غر(ن)على علم المراجل تطفّل
وصفه كما السبرنج رصّه بنشّاب=لو يرتخي ضغطه طمر ما تمهل
بوق(ن)يزمجر لو نفخ فيه كذاب=والى سمع حق(ن)لوا عنقه وفل
دايم على ربعه يبي فزعة اجناب=سعادته في شوف بيته يزلزل
معول هدم جاهل ولايحسب حساب=مستقبله واهله وله فكر مختل
رمز الحضاره عندهم جنز مع كاب=والبنت تطلع في المحافل تعلل
كشخه على الموديل ماهي بجلباب=لازم لها معهم صداقات وشلل
واذا حكى العالِم تلقاه كُتاب=كلن على كيفه تفلسف وحلل
ويغربون الشرق يرخون الاطناب=عسى عماد البيت يضعف ويختل
رويبظه قامت مكشّرت الانياب=يالله عساها في مرضها تململ

سعد 20/9/1429هـ

[سناعيس]

الغالي أبو أنس
صح لسانك ولله درك
قلت فأجزلت
حتى وان كنت تعني واقعة معينه أو ظرف معين أو شخص معين
فبلا شك الأشباه كثر والواقع ملموس
نسأل الله الهداية للجميع
لاهنت

تحياتي

[داعي الشوق]

لله درررررك يا بو أنس

وصح لسانك حتى ترضى

جبتها على ما تمنى الله يسلمك

تسلم يالغالي

وصح لسانك مع التحية لك والتقدير ،،،

[الصريح العتيبي]

دايم على ربعه يبي فزعت اجناب=سعادته في شوف بيته يزلزل


الاخ العزيز الاستاذ الشاعر ابو انس

صح لسانك واعتلاء شانك

تعليت على قمة الهرم بهذه الشامخه التي عالجت بها


ظاهره طافيه على السطح


بارك الله لك في فكرك ويراعك

ودمت بهذا الابداع والشموخ

اخوك

[حي الضمير]

صح لسانك شاعرنا القدير ابوانس
كتبت وابدعت كعادتك ياجزل

[ام العمده]

الاستاذ الشاعر القدير/ابو انس

صح لسانك واعتلى شانك
لاهان راسك
شاعر من الوزن الثقيل
قصايدك تعالج الكثير والكثير

بارك الله فيك

تحياتي وتقديري

[الخنساء]

صح لسانك اخى الشاعر ابو انس

لاهان راسك قصيدة رائعة

ترجمت واقع موجود

سلمت وسلم شعرك

دمت بخير

[الطامي]

ابو انس
كلام بالصميم للرويبضه
خله ايولي عساه افداك
صح السانك وبنانك
رائعة للغايه
شكرا لك ولاهنت

[عيد بن سعدون]

ابو انس

صح لسانك

قصيده تصور حال المجتمع اليوم

نسأل الله العفو والعافيه
معول هدم جاهل ولايحسـب حسـاب
مستقبله واهلـه ولـه فكـر مختـل
رمز الحضاره عندهم جنز مع كـاب
والبنت تطلـع فـي المحافـل تعلـل
كشخه على الموديل ماهـي بجلبـاب
لازم لهـا معهـم صداقـات وشلـل

[عذب القوافي]

شامخه بحق أخي أبوأنس

نص يلامس واقعنا المؤلم

قلت فأجدت يالغالي

رمز الحضاره عندهم جنز مع كـاب
, , , , , , , , , , والبنت تطلـع فـي المحافـل تعلـل
كشخه على الموديل ماهـي بجلبـاب
, , , , , , , , , , , لازم لهـا معهـم صداقـات وشلـل

صح لسانك عددنجوم الكون

مودتي

أخيك

:::::أبوابراهيم::::