لتغت الهمس

[الـزلـزال]

بسم الله الرحمن الرحيم

مسائكم وصباحكم تحيطه السعادة والسرور

( لتغت الهمس )

ردت بسوري قلت ماني بسوري = أنا سعودي واتركي لتغت الهمس
قالت تقلع وافهم الحين شوري = لجيب قيري يطمسك فالثرا طمس
قلت انظري لي يابنيه وغوري = لغمسك مثل الي يدور لك الغمس
قالت علامك ماتفكر بجوري = ولا تفكر وش جنيته من الأمس
قلت اوقفي لي يابنيه ودوري =يمكن أشوفك عقب ماجاتنا الشمس
قالت ياصبر القلب قلبي صبوري = ويامثقل الطينه ولو هي لنا لمس
شكلك بديـوي تركـب الليـل لـوري=وسط الضحى تكشخ وتمشى بهالجمس
والمشكله شكلك يقولون حوري = وأكبر بلى ماتعرف اليوم للرمس
قلت ابتدا يابنت وقتي ودوري = ابدمسك ايلين تبكي من الدمس
وبعد البكاء بشد جمسي ببوري = وضحك واكركر واضرب الخمس بالخمس
منتي كفو للقلب منتي سروري = ولنتي من الي تحمس القلب بالحمس
أنتي بقايا سطل مدري بهوري = ويمكن بقايا بويتآ مالها طمس
قالت عليك الله وزادت بسوري = وقفت تونون كيف مدري على همس

[فارس القوافي]

هههههههه

صح لسانك ياساامي


لاهنت


فكاهية جميلة

يعطيك العافية

دمت بخير

[حرف وشعر]

وش ذا يالزلزال حمستنا نرطن معاكم ياخوي هههههههه

قصيده لها معني ذكي لاينبه له الا من دقق فيه


دمت مبدعا

[عبدالعزيز العمار]

الزلزال

صح لسانك وفكرك

شاعر قدير تجيد استخدام أدواتك الشعريه بكل احترافيه

ابدعت وأمتعت ولاهنت

تحياتي لك ولإبداعك الجميل

[الطائر المهاجر]

رائعة من شاعر رائع
ومتجدد الإبداع
صح لسانك وفكرك
ودام ابداعك
تحيتي ومودتي

[هاوي نجد]

طيب طيب يالزلزال
وافي ومبدع وصح السانك ملايين
تقبل مروري ولك التحيه

[داعي الشوق]

صح لساااااااااااااانك يالزلزال

قصيدة اقرب للفكايه بإسلوب شاعر فنان

صح لسانك مدد

مع تقديري لك

ولاهنت

************

[الراقي]

صح لسانك واعتلا شانك

تحياتي وودي

و دامت شاعريتك

[حوريه]

صح لسانك واحساسك
رائعه بروعة حضورك
تقديري

[صعبة المنال]

قلـت اوقفـي لــي يابنـيـه ودوري

يمكن أشوفك عقـب ماجاتنـا الشمـس

صح لسانك وفكرك

صعوووب