قلت للدولار ضيعت الخليقه

[الطائر المهاجر]

قلت للدولار ضيعت الخليقه = اغلبيتهم تعيش ابلا مبادي
كل واحد راكض بخطوه سبيقه= كل همه كيف يكسب للمرادي
مالقى ضفه وهو يمشي بطريقه= من حلالٍ او حرام الامر عادي
لو معه مليون قال اشعر بضيقه=انوي المليار لو اسرق بلادي
الضماير ميته هذي حقيقه= حتى صرنا كالوحوش بكل وادي
كل واحد يفترس حتى رفيقه=لاجل عينك بالحضر والا البوادي
قال انا اصلي وفصلي بالوثيقه= من صناعة مجرمين في تمادي
من عصابات غزت ارض عريقه= وقتّلت برجالها مثل الجرادي
وكل حرمه صدروها كالرقيقه= تشترى وتباع في ارخص مزادي
حصلوا بالأرض ثروات عميقه=صنعوا منها اسلحه واحدث عتادي
والصهاين جو كلٍ من طريقه= معهم الأموال تشري للعبادي
اخطبوط انتشر ماشٍ يعيقه=شرق ولاّ غرب او دار النجادي
في حكومة ظل للحاكم لصيقه= تامروتنهاه ما يرفض منادي
دمية بيدينهم حطوه خيقه = ولو عصاهم انتهى ماله سنادي
وخلفهم اسرائيل ترسل بالدقيقه= كل اوامر ماتجابه بالعنادي
ولا عرفوا عن معدن يغري بريقه=باي دار اخضعوها في ركادي
عن حقوق انسان لو تهمه لفيقه=وبالرشاوي يخضعوا راسٍ القيادي
حتى صاروا اقوى قوه بالخليقه=باقتصاد وجيش يكسب للمعادي
عالم لادين واخلاق تعيقه = همهم للكسب في سهل ووادي
مايهم نوع التجاره لو صفيقه = من دعاره او صواريخ القرادي
وهذا سر انه متحكم دون ضيقه= خلفه القوه بساحات الطرادي
دائما مثل الملك يفتح طريقه= لا مشى والناس تركض بانقيادي
اما انتم يالعرب في خنبقيقه = مستمرٍ جهلكم باتعس رقادي
بين كاف وكاف مع اجمل عشيقه=في ليالي حمر بانواع الفسادي
راحت الثروات في نهب وسريقه= والأمانه مالقت بيض الايادي
ارصده ببنوك صهيونٍ دفيقه= يشغلوها ضدكم وقت الحصادي

[منيع]

انت صح
وجزل ومبدع
شكرا لك
تحياتي

[بنت النور]

اتقنت وابدعت
صح لسانك وعتلى شانك
لاهنت
ابيات في القول صح سلمت
تقديري لسموك

[داعي الشوق]

المشاركة الأصلية كتبت بواسطة الطائر المهاجر

راحت الثروات في نهب وسريقه= والأمانه مالقت بيض الايادي
ارصده ببنوك صهيونٍ دفيقه= يشغلوها ضدكم وقت الحصادي

صح لسانك ومعناك بو عبدالله

الله يصلح الحال واحوال المسلمين

ابدعت وعوايدك ياعود

جزاله وابدااع

ولاهنت

[الطامي]

ياسلام عليك يادكتور
كعادتك ابدعت وأصبت
صح السانك ملايين
ولاهنت

[منيع]

اما انتم يالعرب في خنبقيقه = مستمرٍ جهلكم باتعس رقادي
بين كاف وكاف مع اجمل عشيقه=في ليالي حمر بانواع الفسادي
راحت الثروات في نهب وسريقه= والأمانه مالقت بيض الايادي
ارصده ببنوك صهيونٍ دفيقه= يشغلوها ضدكم وقت الحصادي

مبدع ورائع وفعلا هذا هو الواقع المرير
شكرا لك
تحياتي

[ابن جردان]

عـالــم لاديـــن واخـــلاق تعـيـقـه
همهم للكسب فـي سهـل ووادي
مايهـم نـوع التـجـاره لــو صفيـقـه
مـن دعـاره او صـواريـخ الـقـرادي

الله يصلح الحال ويصلح احوال المسلمين في شتاء بقاع الارض

نص مؤلم وفاخر في طرحه وثقافته

صح الله السانك مدد بلا عدد

[نجم الإبداع]

الله يعين يبو عبدالله
وصح لسانك مليووووون

ولاهنت

[الطائر المهاجر]

شكرا منيع على كريم المرور والتفاعل
لاهنت
اطيب التحيه

[الطائر المهاجر]

شكرا بنت النور
على كريم المتابعه
لاهنتي
تحياتي