لا خاب ظنك في الزمن لاتجاريه(بالصوت)

[الطائر المهاجر]

لا خاب ظنّك في الزمن لا تجاريه = ولا تعكس التيّار يجرفك للقاع
خلك بعيد ولا تجي في محاريه = فالوقت مثل الموج في كل الاطباع
من لاحسب للمد والجزر قافيه= تلعب به الامواج ما عنه منّاع
تعمي عيون اللي توهق خطاويه= يحسبه يكفي له مجاديف وشراع
يا جاهلٍ به تشتكي من بلاويه = الوقت وقت البوم ما هوب لسباع
لا تحسب ان العلم والجهد يكفيه= لانّه يبي تلبس خلاخيل وقناع
ارفع مناحيها اذا شفت لاضيه = ربك يفرّجها على كل ملتاع
الوقت ماهو لك ولا نتَ بطاريه = يدري رفيقه من شرى الذل ما باع
اللي يلبّس ثوب جاوز عراقيه= يرفع شليله لامشى .. دوم مرواع
يا سرع ما ياقع ولا من يدانيه = عورته بانت وانكشف ذيل وكراع
واللي ثويبه كان في يوم شاريه= من دم قلبه بعد عمرٍ بالاوجاع
ما عاد ينفع لو يغسّل ويكويه = فالوقت غير الوقت في كل الاوضاع
ولوهم يبونه والبعض جهر يغليه = خوفٍ على سرٍ مع الوقت ينذاع
لا خير في ثوبٍ حرق قلب راعيه= ما عاد ينفع دام يكوي للاضلاع
خله لهم فالخير لابد قافيه = رزقك على اللي من ترجاه ما ضاع

[صعبة المنال]

جزلة

سلمت وصح لسانك

صعووب

[نفحات حساسة]

تسلم..وصح الله لسانك
ولاهنت..بو عبدالله
تقديرى..

[الطائر المهاجر]

شكرا صعبة
على كريم المرور
لاهنتي
تحياتي

[منيع]

اي والله صح لسانك يادكتور مبدع وجزل من اول وتالي
شكرا لك
تخياتي

[بنت النور]

صح لسانك عددبلامدد
ولاهنت
يعطيك العافيه
دمت بود

[الطامي]

صح السانك دكتور
رائعة جدا
ولاهنت