وحده تحبك غير ثنتين ضدك

[احمد الجريفاني]

اذا وهب لك وال الاقدار غالي=يمسح دموع العين من فوق خدك
يسهر معك في مظلمات الليالي=ويشاطرك همك وبلواك ، سدك
وش لك بغيره من بنات الحلالي=وحده تحبك غير ثنتين ضدك
عطها حنانك واكرمه با الدلالي=تراه تخلص لك وتحفظ لسدك
بنت الحموله ما بطيبه جدالي=لا طبت با اصناف المكارم تمدك
لاصارت امه من بنات الرجالي=لو هد حيله خدمتك ما تهدك
بناتنا ما ندعي با الكمالي=اطيب من اللي هرجهن ، ويش بدك
بهن التقى والمرحمه والجمالي=ويقدرن ظرفك وصرفك وكدك
يعرفن همومك بليا سوالي=ودك تجرب غيرهن ، مين ردك ؟
لا تدعي بظروف مهر وتوالي=وتروح تاخذ وحدتن ما تودك
شرت فلوسك ماهو لجلك مثالي=رمت ولد عمه وطمعت بيدك
لو تساله وش نظرتك في خصالي؟=قالت حبيبي اعشقك مين قدك!
ولو يوم ما يصبح بجيبك ريالي=قالت يا ولد الناس حدي وحدك
تبدأ تمرمط بك يمين وشمالي=مثل الخدم لا بننك ابوه تعدك
(زواج فرصه) مرجعه للزوالي= عسى الآهي يا فتى لا يحدك

[الـزلـزال]

بناتنـا مـا ندعـي بـا الكمالـي=اطيب من اللي هرجهن ، ويش بدك
بهن التقى والمرحمـه والجمالـي=ويقدرن ظرفـك وصرفـك وكـدك

احمد الجريفاني
بوح في قمة الروعه والجمال
من شاعر عودنا على تقديم كل مميز وراقي
أبدعت شاعرنا وامتعت
وطاب لي المقام بين حروفك الرائعه
صح لسانك ملايين ملايين
ولك فائق تحياتي وتقديري

[نجم الإبداع]

صح لسانك ياحمد

مصافحه راقيه

لاهنت

تقبل مروري

وتقديري

[الطائر المهاجر]

صح لسانك مدد بلا عدد
ولاهان راسك
تحياتي وتقديري

[الطامي]

الجريفاني
صح السانك ملايين
جزلة لافض فوك
شكرا لك

[احمد الجريفاني]

الغالي الزلزال ردودك شرف لكل شاعر سلم راسك

[حي الضمير]

ابدعت ابدعت حيل بارك الله فيك يالجريفاني
الحقيقه شاعر متمكن ومميز ولاغريب عليك الابداع
وصح لسااااااااانك يامميز

[احمد الجريفاني]

الغالي فلاح بن منشار سلمت يا الغالي

[الونيس]

الإستمتاع بالجزالة وناسه
صح لسانك وقلبك يالقرم
لاهنت
ودي وتحاياي

[احمد الجريفاني]

ابو عبدالله شكرا يا الغالي