من لامني في حبكم يا لرويلي

[عبدالمحسن الرحمه]

من لامني في حبكم يا لرويلي =لعل ربي بالمصيبات يبلاه
من حبكم يا ويل حالي ياويلـــي =كن الحشى به نار يازين تصلاه
أسرح وأفكر بك وقـلبي عـليلي =وأقول يا عل المخاليق تفداه
( الجوف ) مسكانه ولا لي دليلي=لاكن بقول الله يحفظه ويرعاه
يا عل بـرق ٍ ناشي ٍٍ بالمخيلـي =يسقي ديار الخل ديم ٍ تغشاه
ياليتـني طـاير لا شـدّ الرحيـلـي =يم الديار اللي بها الخل وارعاه
ميـر البـلا لا صـار دربـه طـويلـي =مالي سوا دمع ٍ وآه ٍ ومشكاه
ثابت على درب المراجل أصيلي=من خيرة أعيان العرب صدق والله
الصدق مابه في وصوفه مثيلي=حبه سلب عقلي عسى الرب يحماه
من بعد فرقاهم أجر العويلي=حالي براها الهم من بعد فرقاه
الجسم والله من بعدهم هزيلي=راسي كساه الشيب كله وغطاه
ياويل قلبي كلما حان ليلي=أعزف لحون الآه من كود جفواه
ماذقت من فرقاه كود الغليلي=صوب سهامه يم قلبي بيمناه
عز الله إني صرت كني هبيلي=من شافني يحسب حياتي مشقاه
مايدري إني تايه ٍمع خليلي=أللي ملك – عقلي – وعيني تمناه
حبه بقلبي ثابت ٍ ما يميلي=غالي ولا ودي أوضح مسماه
هو غاية المصود وايضا زميلي=بنيت من حبه قصور ٍ مبناه
هو بنك لاشواقي وأنا له عميلي=دايم أودع به وأدافع عن حماه
ياليت يرحمني يليته يجي لي=يرحم عشير ٍ ما تهنا بلا إياه
أنا أشهد إنه بالوصايف جميلي=حسنه مثل يوسف يشابه محياه
احساسة الطيب وعقله ثقيلي=مايحكي إلا صدق والخير مبداه
حبه يرج القلب رجً الصميلي=أجر صوتي من عذابه وبلواه
ياغيمة أحلامي ياضل ٍ ضليلي=نسمة غلاهم في عروقي مرواه
عز الله أنه في خفوقي دخيلي=أحميه من شر البشر ما تعداه
أصبحت في ساحت غرامه قتيلي=أقفا وخلاني طريح ٍ على لآه
هذي الصراحة والصراحة بقيلي=يبقى حبيب القلب والله منساه

[داعي الشوق]

صح لسااااااانك مليووووووووون يا عبدالمحسن

شاعر جزل و قصيدة جزلة

و الله يديم المحبة

ولاهنت يا مبدع

********************

[منيع]

اكثر من رائعة
دمت مبدعا
ربي يرعاك
تحياتي

[عمر ال شيبي]

صح لسانك ما عليك زود
روعه من رائع

[فارس القوافي]

عبدالمحسن

ارررحب يالطيب

صح لسانك

لاهنت

يعطيك العافية

دمت بخير

[زهرة اللوتس]

صح لسانك ونبضك
جزلة من جزل
لاهنت
تحية طيبه

[جهاد الشعلان]

الله الله الله الله

جزاله وابدااااااع

لله درك

صح لسانك وكلك

تقبل مروري

[عبدالمحسن الرحمه]

داعي الشوق ياهلا والله فيك صح ابدنك
كل الشكر لك على الحضور والرد

[عبدالمحسن الرحمه]

منيع صح ابدنك الله يديم عليك الصحة والعافية

[عبدالمحسن الرحمه]

عمر آل شيبي صح ابدنك كل الشكر والتقدير
لشخصك الكريم