قذلتة[خمسة] اشبار - جهاد الشعلان

[جهاد الشعلان]

السلام عليكم ورحمة الله وبركاته

هذي قصيده كتبتها على لسان واحد من الربع كتبتها وانا عجل و اتمنى ان تحوز على رضاكم واعجابكم

والمعذره على القصور

الصاحب اللي قذلتة خمسة أشبار = ماشافت العينين زولٍ يحاليه
والله فلا اذكر غيره الخافق اختار = من صغر سني مغرمٍ به واداريه
ياما تبادلنا عفيفات الاسرار = دومٍ يناجيني وانا كنت اناجيه
وياما تقدم حظرته لي بالاعذار = وايقول تدمح زلتي ؟ وانطق بـ (ايه)
كبر الحبيب وصار يحجب عن الجار = من عقبها والقلب يصلى بصاليه
اتلى العهد به يومنا تونا صغار = بزران مايلحق علينا مشاريه
فر القدر قرص الليالي والاعمار = واندارت الدنيا وانا في حراويه
واليوم شاهد ناظري شي واحتار = رحت انشد امي جارنا وش نوى فيه
شفت المواتر حاجبه ساحة الدار = والعقد الاصفر واصلٍ ليييييين عاليه
قلت الخبر يمه عسى عندك اخبار؟ = الجار بيته كاثرات زواليه !
قالت وانا امك عندهم يقرع الطار = وكلن على عرس البنيه يهنيه
دارت بي الدنيا وخريت منهار = والعين هلت صافي الدمع واخفيه
وسمّت علي امي من الخوف بجهار = ولسان حال عيونها ينطق بـ (ليه)؟
لاتنشديني وش بلى الدمع مدرار = الحال واضح مايبي من يبديه
حسبي على درب الهوى كله اخطار = فرشه حرير , وواجداتٍ مهاويه
ياهل المحبه عادة الحب جوار = يركي على كبد العواشق شلافيه
درسٍ درسته ماعلى علمه غبار = الحب بعض اوقات ينسى مباديه

جهاد بن عبدالعزيز الشعلان

[صعبة المنال]

حزنتنى يا جهاد
الله يعين العاشق المبتلا
صح لسانك وحرفك

صعوووب

[الطائر المهاجر]

كتبت فأبدعت
جزلة من راس جزل
صح لسانك ولا هنت
تحياتي الطيبة

[نجم الإبداع]

الحب بعض اوقات تنسى مباديه

صح لسانك ياجهاد

مصافحه طيبه

لاهنت

تقبل مروري

وتقديري

[منيع]

اكثر من رائعة
تسلم اخي الكريم
رعاك الله
تحياتي

[وجـدآن]

الله ياجهآد ... صح لسآنك ..
والله يكون في العوون
وعسى ربي يجمع كلا باللي يبيه

تحياااتي لك ..
ابدعت

[الخنساء]

صح لسانك مليوووون

قصيدة جزلة من شاعر متمكن

سلمت ودام حرفك

[عبدالعزيز العمار]

الله الله ياجهاد ياسلاااام عليك

من جمالها تمنيت القصيدة ماتوقف

صـــــح لسانك وفكرك وكلك

ابدعت وامتعت يابعدي وماتجيب الا الابداع والجزاله

تحياتي لك ولهطولك الفاخر

[عمر ال شيبي]

المشاركة الأصلية كتبت بواسطة جهاد الشعلان

السلام عليكم ورحمة الله وبركاته

هذي قصيده كتبتها على لسان واحد من الربع كتبتها وانا عجل و اتمنى ان تحوز على رضاكم واعجابكم

والمعذره على القصور

الصاحب اللي قذلتة خمسة أشبار = ماشافت العينين زولٍ يحاليه
والله فلا اذكر غيره الخافق اختار = من صغر سني مغرمٍ به واداريه
ياما تبادلنا عفيفات الاسرار = دومٍ يناجيني وانا كنت اناجيه
وياما تقدم حظرته لي بالاعذار = وايقول تدمح زلتي ؟ وانطق بـ (ايه)
كبر الحبيب وصار يحجب عن الجار = من عقبها والقلب يصلى بصاليه
اتلى العهد به يومنا تونا صغار = بزران مايلحق علينا مشاريه
فر القدر قرص الليالي والاعمار = واندارت الدنيا وانا في حراويه
واليوم شاهد ناظري شي واحتار = رحت انشد امي جارنا وش نوى فيه
شفت المواتر حاجبه ساحة الدار = والعقد الاصفر واصلٍ ليييييين عاليه
قلت الخبر يمه عسى عندك اخبار؟ = الجار بيته كاثرات زواليه !
قالت وانا امك عندهم يقرع الطار = وكلن على عرس البنيه يهنيه
دارت بي الدنيا وخريت منهار = والعين هلت صافي الدمع واخفيه
وسمّت علي امي من الخوف بجهار = ولسان حال عيونها ينطق بـ (ليه)؟
لاتنشديني وش بلى الدمع مدرار = الحال واضح مايبي من يبديه
حسبي على درب الهوى كله اخطار = فرشه حرير , وواجداتٍ مهاويه
ياهل المحبه عادة الحب جوار = يركي على كبد العواشق شلافيه
درسٍ درسته ماعلى علمه غبار = الحب بعض اوقات ينسى مباديه

جهاد بن عبدالعزيز الشعلان

الله من قلة البخت وتالي تواليه

صح لسانك لا هنت ابد

[فارس القوافي]

ياسلااام

دخلتني جو القصة

الله عليك

ابدعت


صح لسانك


لاهنت


يعطيك العافية

دمت بخير