هيه يالمسؤول في نادي الفطاحل

[الطائر المهاجر]

هيه يالمسؤول في نادي الفطاحل= الأمانه تشتكي منك الكثير
في البدايه جيتها بالشغل زاهل= ناسف الذرعان في وقت النفير
ومع مرور الوقت بحرك صار ضاحل= صار لانبعٍ ولا هو بالغدير
مهمل لشغلك ولوهو كان عاجل= وانكشف مرماك في وضعٍ خطير
الأمانه حملها لو كان ثاقل= من تزهلها فلا عنها مطير
وانت قدوه كان ما تدري وغافل= للبقيه من كبير ومن صغير
كان عزمك طاح عن فرض ونوافل= معك طاح الكل ماتبغى شوير
وكان ما تقدر فلا به من مجامل = الفطاحل دوم برجاله يسير
مركبه في البحر ما يعرف سواحل= ولا يهاب الموج في الرحله قرير
به رجالٍ كلهم للخير باذل= وبه كواعب ما اشتكن حر الهجير
مركب الإبداع ما يرضى تساهل= ومن قصر فعله فلا له من نصير

[زهرة اللوتس]

صادق يا ابو عبد الله
الفطاحل تستاهل نعطي اكثر واكثر
سلمت وصح لسانك
جزلة من شاعر مبدع
لك من التحية اغلاها

زهرة

[منيع]

وبه كواعـب مـا اشتكـن حـر الهجيـر

ولارايح يشتكن مادام الوحدة اوالمكيف شغال

تسلم يابوعبدالله
وندعوالاخوة الزملاء الى شدالحيل والهمه والمعذور معذور
بارك الله فيكم
تحياتي وتقديري

[حوريه]

الله يسلمك ياطائرنااا0000

ما قصرت رساله جميله موجهه لمن يهمه أمر الفطاحل

وان شاء الله اللي عنده حس وامانه رح يبذل المجهود

صح قلبك مليون00000

لاهنت ولا هان مغليك

تحياااتي وتقديري

0

0

[سناعيس]

صح لسانك يابو عبدالله
والله لايهينك
قصيدة لشحذ الهمم جزله
لاهنت ياغالي

تحياتي

[داعي الشوق]

الله الله يا بو عبدالله

عنوان واضح لمن له تقصير في واجبه

لله درررررررك

و صح لسانك مليوووووون

مع التحية لك

،،،،،،،،،،،،،

[عمر ال شيبي]

صح لسانك لا هنت ابد

دوم معطاء بارك الله فيك

[سلطان العطاوي]

عليك أبهم


وصح لسانك مدد

[الفاضل]

وانت قدوه كان ما تـدري وغافـل
للبقيـه مـن كبيـر ومـن صغيـر


صح لسانك ابو عبدالله وصدقت

تحياتي

[حي الضمير]

قصيده رائعه تستحق منا التأمل وشحذ الهمم
فالفطاحلة اعطتنا الكثير وتستحق منا الكثير
ومدد صح لسااااانك ياعلم