محاوره سعيد القحطاني والطائر

[بيدي رسنها]

اسعد الله اوقاتكم بكل خير.. محاوره اقيمت في مساء الأحد 5 مارس 2011 بين الشاعر سعيد حزام القحطاني والشاعر الطائر المهاجر بالشات الكتابي .. اتمنا ان اتنال على اعجابكم واستحسانكم .. تمنياتي للجميع بالتوفيق ..

سعيد / سلامي يالمهاجر والمعارك لها ميدان = تميز كل واحد عن الثاني بمجهوده

الطائر / هلا ومرحبا بك عد ما هلت الامزان = وفعل الرجل يكشف عن اعماق منشوده

سعيد / انجرب بالقوافي عسى ياتي لها برهان = وانا خبرتي في شيلة الصف محدوده

الطائر / على الله نلاقي ما جهلنا من البيبان = وكل على قده يوضح بمقصوده

سعيد / انا افخر ليا راسلت مثلك وانا الكسبان = على جرتك تمشي الركايب بلا عوده

الطائر / وانا مثلك الكسبان لا جيت مع قحطان=رجالن على اليمنى على الخير معهوده

ولكن بهم خصله اذا شافــوا الضيفان = يطلق حــديهم لو قصر شغل منــدوبه

سعيد / الاياطــير يا طاير معى الجـو والقيعان = يدســم مخــاليبه من الصيد بـزنوده

الطائر / اظنك ترى اخطيت في طير بن برمان = فطيرك ترى منتوف لو كبرت عضوده

سعيد / انا خابره قرناس وريشه كسى الجنحان = واذا خبرك قريب فالرمه منه مردوده

الطائر / مادام الزمن ساوا صقوره مع الخرفان= فلا فيه قرناسٍ ولو عنده شهوده

سعيد /امواج تصافق وخلفت موجة الربان = عسى الله يخارج مركبه لين يرسي على جوده

الطائر / زمان الدراهم وين ما تمشي الرعيان = ومن كان حصني صار سيد على اسوده

غرق مركبه والموج عاتي من الطغيان = ولاحدٍ يدله درب خايف من رعوده

سعيد / زمان رفع له ناس ثم حطهم شيخان = ونزّل الرجال هم هل الطيب ونجوده

الطائر / يجيهم ماجا للغير مع دورة الازمان= ويبقى اله الكون ف العرش بخلوده

سعيد / ولكن جامل واترك الناس ياعثمان = وخل العدود الراهيه تشرب قروده

الطائر / نجامل فعمر الرجل لو طال للخذلان= وكلٍ على النيه يجازيه معبوده

سعيد / اليا صرت لا وارد ولا تسقي الضميان = فدرب السلامه مكسب علك تروده

الطائر /اذا صرت تصبر فانت في هالزمن ربحان = ولكن قليل الناس من يمسك حدوده

سعيد / اليا ثارت الهيجا معى جوها دخان = فلا به حسوفه كل راعي معى ذوده

الطائر / وانا انصا لمرقابٍ على عالي الضلعان = فلا لي بهيجا وقتٍ ادرى عن اخدوده

سعيد / تبريت ياعثمان وانته سبب ماكان = عسى الله يخارج كل قول ومنضوده

الطائر / تبريت من نزعات نفسي مع الشيطان= فلا لي بدرب ابليس لو قلت جنوده

سعيد / معى الختم وش رايك بذكر الولي الرحمان = انهون عن الشيله والاحقاد مردوده

الطائر / مدامك تبي التهوين عذرك مع القبلان = نريّح ولا ندخل مع ابواب موصوده

[حوريه]

محاوره جميله
الطائر / سعيد
صحت قوبكم
شكرا لك بيدي رسنها
تقديري

[النداويه]

صح السنة الشعراء

ابدعوا وكفوا ووفوا

[الطامي]

محاورة طيبة جدا
فتل ونقض غير شكل
صح السنتكم
وشكرا لك اخ ياسر على نقلها هنا
لاهنتو جميع

[داعي الشوق]

محاورة جميلة من شعراء مميزين

صحة الالسن

و مشكوور أخي ياسر على النقل و الاخراج الجميل


و يعطيكم العافية

[عبدالله الدخيل]

الله عليكم

صحت السنتكم يا فطاااااحل وبيض الله وجيهكم

لا هنت يا ياسر ومشكور على النقل والتنسيق الجميل

واقبلو

ودي واحترامي

[عطر الياسمين]

صحت قلوبكم وبيض الله وجيهكم
ابداع وامتاع
شكرا لكم

[كظيم]

ياسلام ياسلام
صحت الألسن لاهنتم
محاوره طيبتن بالحيــل
لاهنتم يالشعــااار

ومشكور اخوي رسنهـا على هـ النقل الرائـع
تقبلوا مروري المتواضع لاهنتم
ودي وتقديري

[عبير الورد]

الله عليكم


راااائع جدا

صحت السنتكم ويعطيكم العافية

[عمر ال شيبي]

صحت السن الشعراء وشكرا بيدي رسنها