ملاحظات على الأعضاء

[وجدان القلوب]

ملاحظه غريبة...

الملاحظة::
لاحظت إن العباقره دائما أشكالهم مو حلوة ,, لمن أشوف صور المكتشفين والفلاسفة والعباقرة,,ماشفت ولاواحد فيهم حلو,,
حتى البنات اللي عندنا بالكلية وأشوفهم ماشاء الله أذكياء أحس جمالهم عادي جدا وتحت العادي كمان,,

ايشرايكم إنتو تشوفون كذا ولا لا,,,,,,,,

[أصالة تميم]

كلامك صحيح وجدان ..............يمكن علشان ماعندهم وقت يتجملون فيه

وكما قال الشاعر

شين مجمل = ولا زين مهمل

[سناعيس]

الكمال لله سبحانه وتعالى
يبون يصيرون عباقره وحلوين بعد !!!

أنا أذكر يوم كنا في المتوسطه كان معنا واحد سوري ونسميه دافور وكان فلته وفعلا عبقري كل درجاته 100% ونحس انه ثقيل دم وشين ولون بشرته خضرا من شدة البياض ويوم تخرجنا وقابلته بعدها بالصدفه في بقاله وعرفني وسلم علي ولا ذاك الشين غدا وش حليله ووش خف دمه بعد اكتشفت بعدها ان ذاك الشعور كان نفسي فقط يمكن الغيره منه كان لها دور .. خلاصة الكلام أتوقع أن هذه الاستنتاجات ليست صحيحه ولكن لأنهم مميزون يدقق الواحد ويتمعن فيهم ولا يدقق ولايتمعن في غيرهم .

تحياتي

[وجدان القلوب]

سناعيس ايش قاعد تقول..
وشوله أغار من الفلاسفه والعباقره اللي زمان
اوكي أنا فيني الغيره ولولا غيرتي ماكنت مشيت في الدراسه بس مو لهالدرجه..


لو شفت الكثير شايف مثل نظرتي هذي راح ألف كتاب عن هذا الموضوع خخخخخخخخخ

>>>>>>>>صدقت نفسها مخترعه

[سناعيس]

وجدان القلوب

بس تتخرجين ان شاءالله وتشوفينهم بعد مده تجدين نظرتك لهم وقد تغيرت جذريا
ولايمكن التعميم وترا مشرفنا العام منهم وطالعي وش ملحه
وعلى ماقالت أخت أصاله شين مجمل = ولا زين مهمل

تحياتي

[وجدان القلوب]

ولايمكن التعميم وترا مشرفنا العام منهم وطالعي وش ملحه

تدري قاعده أفكر بهالشي وأقول يالله المشرف ذكي ماشاء الله (و قلت أكيدشكله مو حلو )وكأنك عرفت اللي في بالي وجاوبت..

وجدان بالعكس المشرف العام حلوووووووووووووووو موووووووووووووووووووووووت

والله لو تشوفينه أن تنهبلين ماتصدقين فيه شايب شكله مايتعدى الثلاثين وأطخم

[أصالة تميم]

أكيد أطخم ولا أحد يقول فيه شئ ..............وجدان لو سمحتي ألزمي حدك كلش ولا المشرف العام

العبقري انسان ما زالت عنده دهشة الطفولة و تلقينه دايم يسال اسئلة تعتبر من المسلمات عند الناس العاديين و كامثلة على هذي الاسئلة: "ليش نخلط هذا مع هذا"،"وش فايدة هذا"..فهم اذا نظروا لشي بحثوا عن الهدف من ورائه (نيوتن لما طاحت التفاحة على راسه سئل نفسه: ليش التفاحة طاحت تحت و ما راحت فوق. و من هنا طلع قانون الجاذبية) فبالتالي اذا نظروا لموضوع التانق و التجمل لقوه شي ما له هدف او ممكن تقولين شي سطحي بالنسبة للاشياء الثانية اللي حولنا...

على فكرة: قريت ان بعض العباقرة عندهم اعراض لبعض الامراض النفسية...اعتقد ان نيوتن كانت عنده بعض اعراض التوحد..

[منيع]

تدرون يااخوان ان الجمال الحقيقي هو جمال الروح
فترى بعضهم شكله دميم ولاكن لديه روح مرحه تحبه وتتعلق فيه من اول جلسه
كما ان الجمال يتجسد في الاخلاق العاليه والقرأن الكريم مدح النبي محمد صلى الله عليه واله وصحبه وسلم قائلا الايه// {وَإِنَّكَ لَعَلى خُلُقٍ عَظِيمٍ} (4) سورة القلم
اذا فاالاخلاق هي المحور للجمال الحقيقي